ОРУСИЯНЫН ЧОҢДОРУНА БАТЫШ ЖАНА ЯПОНИЯ «ЭШИГИН ЖАПТЫ»

Крым жарым аралы Орусияга карап калгандан тартып АКШ Орусияга каршы санкцияларды киргизе баштаган болчу. Анын артынан Европалык союз, Япония менен Канада да өз санкциялары боюнча билдирүү тараткан. Чектөө Орусиянын айрым жогорку кызматтагы аткаминерлери менен ири бизнесмендеринин санкция жарыялаган өлкөдөгү банктык эсептеринин ишин токтото туруу жана анын аймагына кирүүгө тыюу салуудан турат.
28-апрель күнү АКШ буга чейинки санкциялык тизмесин кеңейтип, ага 17 орусиялык компания менен 7 аткаминердин ысымын кошту. Үлкөндөрдүн ичинен «Роснефть» компаниясынын башчысы Игорь Сечин, «Ростех» корпорациясынын башкы директору Сергей Чемезов, вице-премьер Дмитрий Козак, президенттик администрациянын жетекчисинин биринчи орун басары Вячеслав Володин, Мамлекеттик думанын эл аралык иштер боюнча комитетинин төрагасы Алексей Пушков бар.
29-апрелде Орусиянын президенти Владимир Путин Батышка карата жооп иретиндеги санкциялар азырынча киргизилбей турганын айтты. «АКШ башынан эле Украинадагы окуялардын артында турган. Бирок кошмо штаттары биринчи кадамдарында көлөкөдө туруп турууну оң көргөн. Азыркы санкциялар да бизге процессти чынында ким башкарып жатканын көрсөтөт»,- деди Орусиянын лидери.
Ошентип, Батыштын кара тизмесине баш-аягы 50нүн тегерегинде орусиялык, анын ичинде крымдык жана украиналык саясатчылар менен ишкерлер киришти.

Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

tairbek.

2014-05-05 09:54:17

Путинге американын санкциясы кеп эмес япондорго не бар деймда ?

Oi_pikir

2014-05-05 11:08:19

Япония АКШнын номур биринчи өнөктөшү, ошончүн санкцияны алар да киргизип жатышат.

maksnarin

2014-05-05 15:57:32

Америка ... жептир,азыр Путин барда Россияны чоголотуш кыйыыын.

mi-li-na

2014-05-06 00:06:09

АКШ дуйно жузундо болуп жаткан саясий окуяларды 50жыл мурун даярдаган.Ошол эле Гарвардский проекти,толуктоочу проект катары,Хьюстонский проекттерде Россияны талкалоо жа аны 4ко болуп Ыраакы чыгышты Япония,Сибирьди АКШ,тундук-батышты Германия а туштук Поволжьени Турцияга болуп беруу программасын тузгон.Украинаны РФга карата тукуруу учун тушко кирбеген миллиарддарды 20жыл бою берта турган.

mi-li-na

2014-05-06 00:13:44

АКШнын максаты дуйнону башкаруу жана ааламга кожоюндук кылуу.Бирок, согуштук техникалар боюнча РФ алдына эч кимди салбай келет. Санкция киргизсе эле кайгырып отурган Путин жок.Путин доллардан баш тартса АКШ ХХХ кармап олтуруп калат. Европа какшап олтурат, санкцияны киргизуу биз учун канчалаган экономикалык зыяндар келет, РФ батышка эн чон экономикалык оноктош деп. АКШ, Европа бирди корот го бизче айтканда...

admin_portal

2014-05-06 10:06:25

mi-li-na - эскертүү!
Коомдук этиканы сактасаңыз.

ayaza

2014-05-06 10:36:11

Орустар ото эле нацисттер,даже Кыргызстанда да.

aziz_zh

2014-05-06 16:00:45

Европа менен Японя канчалык онуккону менен АКШнын марионеткалары. АКШ нени айтса ошону колдоп турат.
Россия менен Кытайды эле АКШ озунун марионеткасына айлантса анда АКШ каалаган олкосун Ливиядай, Ирактай талкалоого мумкунчулук алат.

TolonturCN

2014-05-07 07:02:12

Дүйнөнүн дөө-шаалары жанада болсо тирешүүдө, биздин дөө-шаалар алакаднай мамлекетти өнүктүрө албай бирин бири чукуп, ээрден шыпырып чет өлкөнүн баш айланткан дарыларын жеп коюп жашап келет.

aziziko

2014-05-07 07:15:12

Жок немени айтпагылачы. Америка андай проектин минин ойлоп тапсада Россияны эч нерсе кыла албайт. Россияны талкалап Турцияга Германияга Японияга берип койгудай Россия эмне бир арал беле. Россия баарын кошуп туруп оздорун талкалабайбы. Америка эч убакта марионеткасына айланта албайт. Менин билишимче Россия жинди эмес. Япондор менен Корейлер Россия эмес оздору качан суунун алдында калабыз деп отурушат.Американы жакында мусулмандар оздору жок кылат.

isamurai

2014-05-20 01:14:43

aziziko, Кайсы мамлекет болбосун ,Президентинен зависит этет. Орустарга повезло! дагы деле эли нааразы Путин вор дешип.

Комментарий калтыруу үчүн өз ысымыңыз менен кириңиз же каттоодон өтүңүз.

№ 600, 02-май-08-май, 2014-ж