ТҮСТӨРДҮН АЙКАЛЫШЫ
Түстөрдү айкалыштыра алууну баары эле биле бербейт. Кийинүүдө түстөрдү кураштыруу үчүн көптөгөн айымдар эмгек менен катар убактысын да коротот. Сиз стилдүү болуу үчүн түстөрдү туура комбинациялай албай убарасызбы? Анда биз сизге кайсы өңдөр бири-бири менен туура айкалышарын айтып беребиз.
Ал эми алдыдагы аптаптуу жайда деңиз толкунунун өңүндөй болгон көк түс модага айланмакчы.
Түстөрдү жылуу жана муздак деп бөлүшөт. Коюу көк, жашыл, көгүш – муздак түстөрдүн катарына кирет. Ал эми жылуу түстөрдүн катарын кызгылт сары, кызыл, сары түстөр толуктайт. Модадагы эреже боюнча муздак түстөр жылуу түстөр менен ылайык келбей, өз ара гана айкалышат. Бирок бүгүнкү күндүн кеңири жайылган модасында эки топтогу түстөр айрым учурда бири-биринен куралып калат.
Түстөрдү айкалыштырууда үчтөн ашык түстү колдонбош керек. Албетте, кечеде же майрамдык иш-чараларда бул эрежеден четтеп кетүүгө болот. Негизги түс болжолу менен кийимдердин 75 пайызын ээлеши керек да, калган эки түс 10, 15 пайыздан болсо жетиштүү болот.
БИРИ-БИРИНЕ АЙКАЛЫШПАГАН ТҮСТӨР:
Күлгүн түс кызыл менен, кызгылт сары түс боз, күңүрт жашыл менен туура айкалышпайт. Көк түстүү кийим менен ачык жашыл кийимди бир кийүүгө мүмкүн болгону менен, бул түстөр чогуу болгондо адамды стили жок кылып көрсөтүп коёт. Ал эми жашыл түс күлгүн түскө айкалыша бербейт. Күрөң түс болсо ачык күлгүн түскө туура келбейт. Сыя көк эч качан кызыл менен айкалышпайт.
Булардан сырткары гардеробдо сөзсүз түрдө дене түсүндөгү кийим бар болгону жакшы. Себеби бул түс бардык түскө жана бардык кийимге мыкты айкалышат.
Ширин Турдакунова
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (19)
Бири- бирине айкалышпаган тусторду эле билип алсак жетиштуу окшойт калганы баары эле туура келет экен.
Рахмат, жакшы кенешиниздер учун!
жакшы кенеш экен,биле журуш керек экен
Мага Мен учун чыгарып койгондой сезилди,Бугун магазинден кок койнок,устумо курон пиджак тандап алгам,уйго келип алып сочетатся этеби деп переживать этип жаткам,Рахмат!!!
Билбейм, мен светке деле карабайм, кобунчосу кара менен ак тусту коп кийемин...:)
Азыркы элдер туско да карабай калышты го, шаарда обу жоктонуп кийингендер коп жарашпаса да кие беришет. Ырчы Каныкей да туско карабайт болуш керек.
ммм.сонун кенеш экен.Рахмат супер инфо.
мен кээде ката кетирет экем да корсо
мен учун тустордун айкалыштары чоон проблема эле мына эми билип алдым рахмаат
Магада аябай жакты.Кыздарга эле проблемада бир койнок сатып алсан созсуз бут кийим,сойко,сумкасынан бери айкалыштырып алышын керек.
