Концерттин датасы – 3-май Өткөн орду – «Ала-Тоо» борборунун амфитеатры Башталышы – 20:00 Көрүүчүлөр – Залдын 100 пайызы (туруп көргөндөр да болду) Алып баруучу – Бакыт Байсариев Мыкты номер – «You’re My Heart, You’re My Soul» (Сен менин жүрөгүм, сен менин жаным) Билет баасы – 1000 сомдон 1500 АКШ долларына (6 адамга ылайыкталган VIP-орундуктар тамак-ашы менен) чейин.
«ModernTalking» тобунун солисти Томас Андерс Бишкекке келет экен» деген кепти укканда алгач уккан кулагыма ишенген жокмун. Мунумдун биринчи себеби, концерттин уюштуруучусу Ислам Сатаров буга чейин «Танхам» ырынын аткаруучусу – Рамин Монтазери деп» ирандык Расул Хейр Абади аттуу Бишкекте окуган студент жигитти элге тааныштырган жайы бар. Ошондуктан дүйнөнү дүңгүрөткөн ырчы Бишкекке чын эле келеби же анын атын жамынган башка бирөөбү деген шек жаралды. Акыры «эмнеси болсо да бир барып көрөйүн» деп концертке бардым. Эл жык-жыйма, тургандары андан көп. Көпчүлүгү эле улуу муундагы адамдар. Канча айтса да немис эмеспи, концерт айтылган убактысында башталып, сахнага Томас байкебиз жаркылдап чыга келди. Мурда жаш кыздардын чаңырганын угуп калчу элем, бул ирет небере күтүп, элүүгө таяп калган эжекелер эт-бетинен кетишти. «Кыргыздар ырчыларды колдобойт» деген куру сөз экен. Ышкырык-сүрөөндөн кулагым тунду. «Сүткө оозу күйгөн айранды үйлөп ичет» болуп Томасты «чын эле ошолбу же окшош бирөөнү жетелеп келе бериштиби» деп бир оң капталынан, бир сол капталынан, кайра бет маңдайынан карайм десең. Үнү деле, жүзү деле биз билген Томаска окшош. Ошондо барып топтошуп алып бийлеп жатышкан байке-эжелериме кошулуп, тээ 80-жылдарды бир эстеп, жер тепкилеп бийлеп алдым. «Бөрү карыса да бир койлук алы бар» демекчи, жандуу үн менен ырдаган ал англисче бирдемелерди элге айтып, көрүүчүлөрдү тамашалаганга аракет кылып жатты, байкуш. «Аттиң, бир котормочу болсо жакшы болмок экен» деп койдум ичимден. Акыры маңдайдан тер чыга, концертке ыраазы боло үйгө кайттык.
Толик сынчы
Кыстарылган видео
Томас Андерс Бишкекте концерт берди
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
мынчааааа жакшыыы Томас Андерс концерт коюп келгени...
0
dinumdinum
2014-05-13 12:06:11
бул байкушка деле гулдон кобуроок берип койушса болмок.Кандай эле Анжеликанын концерти гулго толот дагы,тээ алыстан, чет мамлекеттен келген буткул дуйнолук атакттуу ырчыга гул жок!!!
0
Askarchik91
2014-05-13 12:50:07
Неужели ушул ырчы Бишкеке келди?Анда мен Тинатин эжемен сөзсүз сурашым керек,алго сөзсүз түрдө барган болсо керек бул концертке.
0
demo009
2014-05-13 14:51:55
Небере күтүп 50гө барып калган эжелерибиз,телпонуна тарткандары кызык болду го
0
tornado
2014-05-13 20:22:08
азыр эч ким гул которуп барбай калдыго концертке,Анжелика озу сатып бергендир гулду)))
-9
Sharipa-asia
2014-05-13 22:42:51
Томастан да интервю алып койбопсунар да, биздин эл жагыптырбы, концерти оюндагыдай эле отуптурбу
0
ss90
2014-05-14 08:43:05
Толик сынчы айым)) достор!
0
jazz007
2014-05-14 10:33:55
Жакшы!Кудай буйруса дагы да атагы чыккан ырчылар келишсин.
0
aizush89
2014-05-14 13:57:24
Толик сынчы концертке билетти озу алабы же редакциябы же кандайдыр бир пропуску барбы мага кызык болуп жатат?
0
Azura
2014-05-15 14:08:36
Супер инфо, Толик сынчынын ордуна мени алгылачы, мен да жазып, сындап берип турам))) (Негизгиси концерттерди калтырбай бекер барганга мумкунчулук болот эле) )))
0
asiia03
2014-07-10 00:02:22
demoo009 emne 50 go kelgen ejelerdin jyrogy, jakturgan sezimi jokpy kuzuksunar ei. 50 go chukkanda ele kempir bolysh kerekpi. Atak konsert jakshu otyptyr.
0
Комментарий калтыруу үчүн өз ысымыңыз менен кириңиз же каттоодон өтүңүз.
