МАДРИДДИК «АТЛЕТИКО» ИСПАНИЯ ЧЕМПИОНУ!

17-майда футбол боюнча Испаниянын чемпиондугунун жыйынтыктоочу 38-тур оюндары өтүп, чемпиондук наамды «Атлетико» багындырды. Испания Ла Лигасындагы 38-тур оюндарына чейин сезондо 89 упай топтогон «Атлетико» конокто «Барселонага» утулбоого тийиш эле. Себеби «Барселона» жеңишке жетишсе, командалардын упай көрсөткүчтөрү тең болуп, чемпиондук наамдын ээси киргизген голдордун айырмачылыгын эске алуу менен аныкталмак. Оюн жогорку ылдамдыкта башталып, алгач каталондуктардын курамынан Алексис Санчес эсепти ачты. «Атлетиконун» курамынан Диего Годин оюндун экинчи бөлүгүндө эсепти теңей алды. Жыйынтыгында командалар тең ойноп, өз эсептерине бирден упай жазышты. Ошентип, «Атлетико» акыркы 9 жылда чемпиондук тактыны алмак-салмак бийлеп келе жаткан «Реал» менен «Барселонаны» мат кылды. Бул жолку чемпиондук менен «Атлетико» өз тарыхында Испаниянын чемпиондугун 10-ирет утту. Буга чейин акыркы жолу 1996-жылы чемпиондукту камсыздаган.

Адилет Керимбек уулу
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

Smileboy

2014-05-27 10:35:33

adawyptyrsyzdar Madriddik Real komandasy 4empion boldu...23-mai

erik94

2014-05-27 16:43:54

Smileboy, жоок сен адашып калдын)))

i-abilov

2014-05-27 20:51:34

реал мадрид болду чемпион.....

lotte

2014-05-28 14:41:55

i-abilov, Реал Чемпиондор Лигасын, а Атлетико Испания Ла Лигасын утту!

REKETIR

2014-05-27 23:30:21

Реал мадрид кубок Испания менен УЭФА чемпиондор лигасын утушту.
Атлетико болсо Испаниянын чемпиону болду.

malik.87kg

2014-07-17 00:03:03

Серко рамос чемпиондор лигасын алып берди а гарит бейл болсо испания кубогун алып берди ак жол сага реал мадрит

Комментарий калтыруу үчүн өз ысымыңыз менен кириңиз же каттоодон өтүңүз.

№ 603, 23-май-29-май, 2014-ж