«ТҮНДҮК ЭЛЕКТРДИН» ҮЧ ЖЕТЕКЧИСИНЕ КЫЛМЫШ ИШИ КОЗГОЛДУ

УКМКнын коррупцияга каршы күрөшүү боюнча кызматы «Түндүк электр» ААКсынын үч жетекчисине карата «ишенип берилген мүлктү ыйгарып алуу же жок кылуу» жана «коммерциялык же башка уюмдардын кызматчыларынын укуктарын кыянаттык менен пайдалануу» беренелери боюнча айып такты. Мындан улам учурда аталган ишкананын директорунун орун басары Кадырбек Темирканов, коммерциялык-баланс бөлүмүнүн жетекчиси Аскар Кольчаев жана «Түндүк электр» ААКсынын Сокулук району боюнча сатуу бөлүмүнүн башчысы Жанболот Болоталиев ээлеген кызматтарынан бошотулду.
Башкы прокурор Аида Салянованын берген маалыматына караганда, 2014-жылдын 1-кварталында эле электр энергиясына байланыштуу 6 кылмыш иши козголуп, иликтөө башталган. Келтирилген зыян 35 миллион сомду түзүүдө. Буга байланыштуу өкмөттүн коррупцияга каршы күрөшүү боюнча өткөн жыйынында премьер Жоомарт Оторбаев энергетика тармагында олуттуу кадрдык өзгөрүүлөр жүрөрүн билдирди.

Темирбек Матаев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

KyrgyzstanTugoiloru

2014-05-29 12:33:05

Молодец ушул прокурор, эрукектер коркуп жасай албаган ишти жасап журот, Азаматсын, Аллахым озу колдосун! Элине Жакшылык кылсан тигил дуйнодо Бактылуу жашайсын!

Комментарий калтыруу үчүн өз ысымыңыз менен кириңиз же каттоодон өтүңүз.

№ 603, 23-май-29-май, 2014-ж