ЖАЛГАН МААЛЫМАТ ТАРАТКАНДАР ЖООПКЕРЧИЛИККЕ ТАРТЫЛМАЙ БОЛДУ

Президент Алмазбек Атамбаев адамдардын кылмыш жасагандыгы жөнүндө такталбаган маалымат тараткандыгы үчүн кылмыш жоопкерчилигине тартуу боюнча мыйзамга кол койду. Эми аталган мыйзамга ылайык журналистпи, саясатчыбы же катардагы жаран болобу, «баланча кылмыш жасады» деп жалган маалымат тарата турган болсо, кылмыш жообуна тартылмакчы. Жарандын кимдир бирөөнү «баланча кылмыш жасады» деп каралаганы аныкталса, сот аны 1 жылдан 5 жылга чейин эркинен ажыратканга же 50 миңден 200 миң сомго чейин айып пул төлөткөнгө акысы бар.
Президенттин айтымында, бул мыйзам сөз эркиндигин чектебейт. Бирок жалган маалымат таратууга, бирөөнү далилсиз күнөөлөөгө бөгөт коюусу мүмкүн. Серепчилердин айтымында, мыйзам долбоордо маалымдоочу каражаттар конкреттүү түрдө күнөөгө тартылат деп айтылбаганы менен, мунун максаты сөз эркиндигин чектөөгө багытталган. Андыктан журналисттер бара-бара жоопкерчиликтен коркуп, ачуу сындарды бийлик тарапка айта албай калат деп баа беришүүдө. Мамлекет башчы «мыйзамда жалган маалымат тараткан жарандардын жоопкерчилиги каралган» деди.

Темирбек Матаев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Wave.

2014-05-26 13:07:15

Туура. ММК-тар оздорунун бизнесин жургузуу учун ар турдуу теманы деле коюп алышып, продукцияларын сатып атышат. Башка бироолордун кадыр баркына такталбаган маалыматтар менен шек келтирууго да ушундай чара корулсо жакшы болмок. Анпесе ушак айынды токуп жаза бермей адат болду.

Elnuram090

2014-05-27 08:39:15

ушакчыларды тыйа албай калдынарго,

raimzhanov81

2014-05-29 17:27:28

анда чондордун дагы жалган маалыматтарына.жалган убадаларына.декларацияда берген жалган цифраларына.бюджеттен.элден жегендерине дагы мыйзам киргизбейби.

Комментарий калтыруу үчүн өз ысымыңыз менен кириңиз же каттоодон өтүңүз.

№ 603, 23-май-29-май, 2014-ж