10 жылдык, 20 жылдык. Мектеп уясынан учкандан он жыл, жыйырма жыл өткөн соң болчу салтанатка бардыгыбыз даярданабыз. Шоу-бизнес өкүлдөрүнөн быйыл он жылдыкка Темир Назаров, Ислам Акматов, Асема, Асел Чоткараева барса, 20 жылдыкка «Кеңеш» тобунун жетекчиси Мүзүр Мамбетов барат экен. Жылдыздар мындай жагымдуу иш-чаранын алдындагы сезимдери менен бөлүштү...
Темир Назаров:«3-4 МУГАЛИМ МЕНДЕН КОРКУП ТҮРКИЯГА КАЧЫП КЕТИШКЕН» – Мен Ош кыргыз-түрк лицейин бүтүргөм. Ашынган тентек окуучу элем. Мугалимдер мага же менин досторума кол көтөрүп койсо, кадимкидей мушташкан учур да болгон. Өчөшкөн 3-4 мугалим бар болчу. Мектепти аяктасам ошолорду сабайм деп жүрчүмүн. Алар да оюмду сезип калышкан окшойт, лицейди аяктаарым менен менден коркуп Түркияга качып кетишкен (күлүп). Классташтарым менин эң жакын адамдарым. Анткени 6-класстан 11-класска чейин чогуу уктап, чогуу тамактанып, чогуу сабакка даярдандык. Үйгө жумасына бир эле жолу барчубуз да. Ошондуктан он жылдык биз үчүн чоң майрам.
Асема:«АЯБАЙ ЫЙЛАП КОШТОШКОНБУЗ» – Мен 2004-жылы борборубуздагы №5-мектепти аяктагам. Классташтар мектепти аяктап жатканда экинчи көрүшпөй калчудай болуп аябай ыйлап, таарынышып жүргөндөр бири-бирибизден кечирим сурап коштошконбуз. 24-майда мектепке барып, класс жетекчибиз жана башка мугалимдер менен жолугушуп, андан ары кафеде майрамдамак болдук.
Ислам Акматов:«МЕКТЕПТИ САГЫНАРЫМДЫ БИЛГЕМ» – Мен Бишкек шаарындагы №58-мектепти бүтүргөм. Башка классташтарымдай болуп «мектепти эртерээк бүтсөм экен» деген эмесмин. Анткени окуучулук күндөрүмдү сагынарымды билгем. Биздин мектепке Манас айылы жакын да, сабактан чыгып алып сөзсүз ошол жерге барып, андан ары алма бакка кетчүбүз. Кыскасы, үйгө кечинде барчубуз. Азыр ошол күндөрдү сагынам, кайрып алгым келет. Кайрып алуу колумдан келбесе да, классташтар чогулуп, сагынычтарды таратабыз деп турабыз. Салтанатка 5000 сомдон чогулттук. 24-майда мектепке барып эже-агайлар менен жолугабыз, андан кийин өзүбүзчө майрамдайбыз.
Асел Чоткараева:«ОКУУЧУЛУК КҮНДӨРҮМДҮН АРТТА КАЛГАНЫНА ИЧИМ АЧЫШАТ» – Бишкек шаарындагы №52-мектепти 9-класска чейин окуп, анан музыкалык окуу жайга тапшыргам. Учурунда окуучулук күндөрдү баалабайт экенбиз да, эрте чоңоюп, бой жеткенге умтулчубуз. Бала кездеги эң сонун көндөрүм мектептеги классташтарым менен өттү. Мугалимим Гүлбайра Арстанбековнаны баарыбыз жакшы көрчүбүз. Ошол эжекебизди, классташтарымды, мектебимди аябай сагындым. Мектеп учурундагы сезимдер таза, эч кайталангыс экен.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (24)
samira.0907
2014-05-26 21:22:32
Менда ошол кундорго кайтып баргым келет. Классташтарым силерди сагындым...
0
Made_in_Mama
2014-05-26 21:28:09
Чоткараеванын айтканындай мектеп учурундагы сезимдер таза, эч кайталангыс экен.Иий, эстеп кеттим балалыгымды. Кандай сонун болчу. Проблема жок. Сабакка бармай, ойномой. Эх, балалык... Алтын балалык. Сагынып балалыгыма баргым келет. Бирок элесибизде жана суроттордо эле калды гоо...
+1
aza.kg007
2014-05-26 21:28:16
темир назаров жомокту суйлоп койгонбу!
+1
momuntay
2014-05-27 01:41:29
Аш баш деп мектеп бутконуьузго 10 жыл болуп кетиптир да. Сагынам мектебимди
0
Asul
2014-05-27 13:51:51
Кудай буйруса эми 2 жылдан кийин 30 жылдыкка барабыз. Кобу тайата, тайжне, чон ата, чон эне болушту. А мен болсо кайгырбайм. Дайым айтам минтип: "Ак басса да чачтарынды аралап, сен баягы мотурайган бойдонсун" деп классташтарымды чопулдатып опкулоп алам. Бир туугандайбыз азыр да. Жолугуп турабыз.
+2
asiret
2014-05-27 16:27:23
Турк лицейлеринде мугалимдер менен мушташмак турсун оз ара согушуп кетсен да минус коюп коюшат. минусун 100 баллга жетсе болду окуудан четтетилесин. Жанылышпасам согунгонго 15 минус, мушташканга 40-50 минус, ичкилик ичсе 100 минус болчу
0
mi-li-na
2014-05-27 19:43:39
Музур ошондо 76-жылкы болобу, тан калып жатам. Мен жаш эле го деп журсом...
0
Nadi89
2014-05-29 00:25:01
mi-li-na, 77 лердин 20 жылдыгы
0
diiazbek
2014-05-27 20:33:30
ехехеее чындап еле 10 жыл болуп калыптыр а мен дагы деле жашмын деп койуп журомго
0
talant87
2014-05-27 21:53:20
Менин уйум мектептин жанында балдар бакырып ойногону угулат кундо мектепке чыгам мектепте окуучулар менен топ ойнойт элем азырда ойнойм баламды которуп чыгып
0
mekusha
2014-05-28 05:05:07
соооонун кундор отту арадан
0
Aijamalosh
2014-05-28 11:50:40
Атам да Ошко кеткен 40жылдык жолугушууга. Мага негедир Асел Чоткораева жагат
0
vbrb
2014-05-29 14:24:13
кайсыл артистен эмнени сураба баары мактанышат,мен тентек элем мен баарын сабачу элем баары менденкоркушчу эле анан мен сабакты айябай жакшы окучу элем дей эле беришет. Негизинен жакшы окуган тентек балдарды деле коргон жок элем. Эми кантсе да артист да, буларды кесиби ошл болсо анан мактанат да байкуштар
0
Boldukan86
2014-05-30 19:34:56
эх 10 жылдык насиб этпесе Кыргызстанда туруп да бара албайт экенсин. бара албай калдым. 20 жылдык насиб этсин эми.
0
demo009
2014-05-30 21:54:46
Кудайым өмүр берсе биз дагы барабыз
0
rozka
2014-06-08 22:26:26
Эх оуучулуу кундорум эми эч качан партага отуруп окубаймын
0
Комментарий калтыруу үчүн өз ысымыңыз менен кириңиз же каттоодон өтүңүз.
– Мен Ош кыргыз-түрк лицейин бүтүргөм. Ашынган тентек окуучу элем. Мугалимдер мага же менин досторума кол көтөрүп койсо, кадимкидей мушташкан учур да болгон. Өчөшкөн 3-4 мугалим бар болчу. Мектепти аяктасам ошолорду сабайм деп жүрчүмүн. Алар да оюмду сезип калышкан окшойт, лицейди аяктаарым менен менден коркуп Түркияга качып кетишкен (күлүп). Классташтарым менин эң жакын адамдарым. Анткени 6-класстан 11-класска чейин чогуу уктап, чогуу тамактанып, чогуу сабакка даярдандык. Үйгө жумасына бир эле жолу барчубуз да. Ошондуктан он жылдык биз үчүн чоң майрам.
– Бишкек шаарындагы №52-мектепти 9-класска чейин окуп, анан музыкалык окуу жайга тапшыргам. Учурунда окуучулук күндөрдү баалабайт экенбиз да, эрте чоңоюп, бой жеткенге умтулчубуз. Бала кездеги эң сонун көндөрүм мектептеги классташтарым менен өттү. Мугалимим Гүлбайра Арстанбековнаны баарыбыз жакшы көрчүбүз. Ошол эжекебизди, классташтарымды, мектебимди аябай сагындым. Мектеп учурундагы сезимдер таза, эч кайталангыс экен.