АР БИР ТӨРТҮНЧҮ БИШКЕКТИК ОКУУЧУ АРТЫКБАШ...

Кыргызстанда өзгөчө статуска ээ, ЧЕК АРАГА жакын айылдардагы жерлерди чет өлкөлүк жарандарга сатууга тыюу салынганы жатат. Мындай мыйзам долбоору 26-майда Жогорку Кеңештин комитетинде каралып, колдоо тапты.
Бишкек шаарынын мектептеринде окуу орундарынан 38 миңге көп окуучу билим алышат. Борбордун 94 мектебинде 112 миңге жакын ОКУУЧУ бар.
ТҮРКИЯГА кирүү тартиби өзгөрдү. 2015-жылдын 1-январынан тартып жарандын паспортунун жарамдуу мөөнөтү 60 күнгө чейин аяктай турган болсо, ага аталган өлкөнүн чек арасынан өтүүгө тыюу салынат.
Президент Алмазбек Атамбаев Куралдуу күчтөрдүн күнүнө карата 28-майда АСКЕР КЫЗМАТКЕРЛЕРИ үчүн курулган турак үйдүн ачкычын тапшырып, мындан ары күч түзүмдөрү үчүн дагы 15 турак үй куруларын айтты.
Жогорку Кеңештин төрагасы Асылбек Жээнбеков депутаттар быйылкы жылдын сентябрь айынан тартып атайын ЧИПТЕР менен гана добуш бере башташарын билдирди. «Чипти компьютерге алып келмейинче каттоо жүргүзүлбөйт, чиптин экинчиси да берилбейт»,- деди ал.
Бишкекте күн сайын ЖҮРГҮНЧҮЛӨРДҮ ташууга 100 троллейбус, 180дей автобус жана 2,5 миңге чукул кичи автобус жолго чыгат.
Тышкы иштер министрлиги АРАБ ЭМИРЛИКТЕРИНЕ жөнөп жаткан кыргызстандыктарды MERS деген вирусту жуктуруп алуу коркунучу бар деп эскертет. Ал үчүн сафари турларынан жана төөлөрдөн алыс болууга чакырат.
Өлкөдө 400 миңден ашуун киши мамлекеттин ЖӨЛӨКПУЛУН алат.
Саламаттыкты сактоо министри Динара Сагинбаеванын айтымында, өлкөдөгү ооруканаларды оңдоо иштерине 1 миллиард сомдон ашуун каражат керек.
«ПЕГАСУС-АЗИЯ» авиакомпаниясы июнь айынан тартып Бишкек-Ош багыты боюнча эртең менен гана уча турган болууда, ошентип кечки жана түштөн кийинки каттамдар токтотулат.
Учурда Кыргызстан ичинде 756 МАЙ КУЮУЧУ станциялар иштейт, анын ичинен 156сы Бишкекте, 146сы Ошто жайгашкан.

Эльвира Караева,
Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Rakyl12

2014-06-08 15:35:40

Ош-бишкек эмне учун эрте менен эле, эмне себептен???

Комментарий калтыруу үчүн өз ысымыңыз менен кириңиз же каттоодон өтүңүз.

№ 604, 30-май-05-июнь, 2014-ж