ШАЙЛООЛОРДО АЙМАКТАРДАН ЛИДЕРЛЕРДИН ЧЫГЫШЫНА ШАРТ ТҮЗҮЛӨТ

Өмүрбек Текебаев башында турган депутаттар тобу Жогорку Кеңеш депутаттарын жана президентти шайлоо боюнча мыйзамга түзөтүү киргизүү демилгесин көтөрүшүүдө. Алардын демилгеси боюнча, партиялык тизме республикалык жана аймактык талапкерлердин тизмесинен түзүлгөнү жатат. «Эгерде бул өзгөртүү киргизилсе, парламентте ар бир аймактын кызыкчылыгын коргоого мүмкүнчүлүк түзүлөт» дейт Ө.Текебаев. Бул мыйзам долбоорду алып чыгууга шайлоочулардын «биздин райондун көйгөйлөрү көтөрүлбөй жатат» деген кайрылуулары негиз болгон.
Жогорку Кеңештин депутаты Исмаил Исаков аталган мыйзам долбоорго каршы экендигин билдирди. Анын пикиринде, аталган мыйзамга түзөтүү киргизилсе, элди тегине жана улутуна бөлүү башталат. «Өнүгүү» депутаттык тобунун лидери Бакыт Төрөбаев демилгеленген түзөтүүнү колдоп берүүнү суранып, анда өткөн шайлоолордо кетирилген кемчиликтер эске алынгандыгын эскертти.
«Ата Журт» фракциясынын депутаты Жылдызкан Жолдошова сунушталган мыйзам долбоордо партия лидерлерине эбегейсиз укуктар берилип калганын, андыктан аны кабыл алуу эртелик кыларын айтты. Талкуунун аягында депутаттар тарабынан айтылган сунуш-пикирлер эске алынып, добуш берүүгө жөнөтүлдү.

Эльвира Караева,
Темирбек Матаев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

aitysha-91

2014-06-10 13:22:53

Оздоруну гана ойлойт, оздоруно эбегейсиз шарттарды тузуп биздин депутаттар элдерди качан ойлошот

elettik.jigit

2014-06-10 21:39:02

менин оюмча бул мыйзамды кабыл алуу керек. Себеби учурда парламентте уктап отурган депутаттар коп. Акчанын кучу менен партияга жамынып барышып, жеке кызыкчылыктарын коргоодо.

AMAH-2

2014-06-11 19:32:50

elettik.jigit, Кошулам сөзүңүзгө!

bolot00

2014-06-15 19:52:07

айгим билет бул сунушун

Комментарий калтыруу үчүн өз ысымыңыз менен кириңиз же каттоодон өтүңүз.

№ 605, 06-июнь-12-июнь, 2014-ж