«КУМТӨР» КЕНИНДЕГИ ИШ ТОКТОТУЛАБЫ?

«Кумтөр» алтын кенин иштетип жаткан канадалык «Центерра Голд» компаниясы кыргыз өкмөтү кенди иштетүү боюнча техникалык долбоорду бекитип бербесе, 13-июндан тарта кендеги ишмердигин токтотору тууралуу билдирүү таратты. Ал билдирүүдө «Кумтөр Голддун» жетекчилиги 2014-жылга кенди иштетүү боюнча техникалык долбоорду бекитүү үчүн тиешелүү органдарга жибергени айтылат. Бирок азыркыга чейин долбоор бекитиле элек. Эгерде өкмөт белгиленген мөөнөткө чейин долбоорду бекитпесе кенде иш токтотулары, ага байланыштуу талаш маселелердин баары Эл аралык арбитражда каралары эскертилген.
Өкмөттүн «Центерра Голд» менен болгон келишимине ылайык, тиешелүү мекемелер жыл сайын аталган кендин техникалык долбоорун бекитип туруусу керек. Учурда бул долбоор өкмөт алдындагы Геология жана минералдык ресурстар боюнча агенттиктин кароосунан өтүп жатат. Аталган агенттиктин билдиришине караганда, долбоор жөнөтүлгөндөн тарта аны бекитүү боюнча иш тынымсыз уланып келүүдө.

Темирбек Матаев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

TolonturCN

2014-06-10 07:50:00

КУМТӨР кыргыз экологиясына кыямат, элге кыянат, чечкиндүү чече албай келет саясат.

admin_superstan

2014-06-10 19:03:04

tairbek., мазактоого жол жок! 1 күн БАН!

elettik.jigit

2014-06-13 17:39:12

Кумторду качанга чейин бетке кармап кун коробуз, андан кору сууну, электро энергиябызды сатып, туризмди онуктурсок жакшы болот эле. Озбекстан газды сатса биз аларга сууну сатсак жарашпайбы?!

Комментарий калтыруу үчүн өз ысымыңыз менен кириңиз же каттоодон өтүңүз.

№ 605, 06-июнь-12-июнь, 2014-ж