ӨЗБЕКСТАН ГАЗ БЕРБЕСЕ, КЫРГЫЗСТАН СУУНУ БУУЙБУ?

Өкмөт Өзбекстанды суу менен камсыз кылуучу Наманган каналын убактылуу жабуу маселесин кароодо. Бул тууралуу вице-премьер-министр
Абдырахман Маматалиев 9-июнда билдирди. Кыргызстан мындай кескин чарага чын эле барабы-жокпу, ачыгы айтыла элек. А.Маматалиев «каналды жабуу сунушу Өзбекстандын Кыргызстандын түштүгүнө жаратылыш газын берүүсүн токтотконуна байланыштуу эмес» деди. Анын айтымында, аталган канал оңдоп-түзөөгө муктаж.
Бирок коомчулук Наманган каналын бууп салуу ишин Өзбекстандын Кыргызстанга газ бербей койгонуна карата жооп катары кабыл алат. Эске салсак, 14-апрель күнү «ӨзбекТрансГаз» себебин түшүндүрбөстөн Кыргызстандын түштүгүнө газ берүүнү токтоткон. Ошондон бери Ош облусунун жашоочулары качан көгүлтүр от менен камсыз болушарын эч ким айта албай келүүдө. Кыргызстандын түштүк жергеси 2 айдан бери газ жок отурганынан улам өлкөнүн жаш активисттери «Тезекпром» деп аталган акция өткөрмөкчү болушуп, 9-июнь күнү Ак үйдүн алдына чыгышкан. Бирок акцияга чогулган жаштар Биринчи Май райондук ички иштер башкармалыгынын кызматкерлери тарабынан убактылуу кармалып, коомдук тартипти бузушту деген чечим менен айып пулга жыгылышты. Маселени чечүү үчүн «Кыргызгаз» ААКсынын башчысы Тургунбек Кулмурзаев Өзбекстандын Сох анклавына газ берүүнү токтотууну сунуштады. Бирок Жогорку Кеңештин депутаттары мындай демилгени колдоого алышкан жок. «Ата Журт» фракциясы болсо, 6-июндагы жыйынында Ош шаарынын газсыз калышынан улам өкмөткө ишеним көрсөтпөө чечимин кабыл алды.
2010-жылы май айында Кыргызстан ушундай чараны Казакстанга карата жасап көргөн. Кыргыз-казак чек арасы Казакстан тарабынан жабылганына 41 күн болгондо Кыргызстан Киров суу сактагычын жаап, Казакстанга суу бербей койгон. Бир күндөн кийин Казакстан чек араны ачкан.

«Тезекпром» акциясына чогулгандарды милиция кызматкерлери кармап кетишти.

Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (72)

Munar_6052

2014-06-17 22:11:34

Ушинтип какшап отурбай, эл чогулуп алып озубуз эле сууну бууп койсок кандай болот?

1994jika

2014-06-18 06:34:48

Эл чогулуп сууну бууса,чекеден элди камайт.Алы озунун элине эле жетет ...намысы жок алардын

Paiaz

2014-06-18 11:15:07

Сууну бууш керек ошондо кандай жашоо болот экенин билет биз оштуктар жай айы экен билимбей калды эртен кышта ушундай болсо такыр жашоо болбой калмак ансыз светибиз очуп жатат кышта жол эле болсун дайым очот да озбектер газды берсин бербесе сууну токтотусун

april

2014-06-18 13:53:14

биздин чиновниктер кагаз жүзүндө гана иш аткарышат, иш жүзүндө бир да ишти аткарганын көрө албайсын.

april

2014-06-18 13:55:35

мен да кошулат элем убагында сууну жаап салса жакшы болот. өзбектердин да айласы куруйт беле.

Lumia-800

2014-06-18 21:30:42

Ушундай нерселерди окубайм деп эле кайра окуп алам. Кыргызстан-"колунда жок кичинекей уйбулоо" эле болуп калдыго. Башына тартса аягы ачылып.

kamchy_0119

2014-06-18 22:18:07

Карапайым калкка еле кыйын екен да. ХХХ

Stalbeke

2014-06-18 23:56:10

колдуктор газы жок деле жашап журушотко

danok88

2014-06-19 03:25:53

ошто адам коп да электер энергиясы слабый болуп очурулот да бир шылтоо кылып туруп же оздоруно окшоп сууну жаап койуш керек

Sagidko88

2014-06-19 17:11:44

Кайынэненин карды ток келин менен иши жок болуп отура бергиле коркуп, сууну бууган колдон келбегенден кийин эмне кыласынар калп эле айтып, озунордо газ бар болду да, Ош кантип жатат кызыктырбайт!

alisa.ilias

2014-06-19 22:31:53

Ушу башчы келгени кыргыздар артка кете баштады ким билет кандай иш кылгандарын журокту эзген сволуч качан тоюуп тактыдан тушот

Altunbek76

2014-06-20 15:07:07

Буга окшогон окмот башчылар менен дагы 20 жылда да онолбойбуз,наборот аркага кетишибиз мумкун

piratsoft

2014-06-20 16:48:59

Бизге газ бербесе сууну бербеш керек таш боор адамдар экен. Биздин олко башка мамлекеттерден коз карандысыз болуу учун ойлонуп туруп башкаларга кол сунбашыбыз керек ак уйдогулор курсагын азыраак ойлосо карапайым элибиз кыйналмак эмес

urmat1992

2014-06-21 13:31:24

кандай жооп бизге берди биз биз ошондой жооп беришибиз керек кыргыздар алга

man_kg92

2014-06-21 14:34:01

Кызык неге озбек туугандар газды токтотсо биз неге сууну токтото албайбыз?!

Комментарий калтыруу үчүн өз ысымыңыз менен кириңиз же каттоодон өтүңүз.

№ 606, 13-июнь-19-июнь, 2014-ж