Атамбаев:«КЕЛДИБЕКОВДУН АК ЭКЕНИ ДАЛИЛДЕНСЕ, ПРОКУРАТУРА БАШЫ МЕНЕН ЖООП БЕРЕТ»

6-июнь күнү Алай райондук соту райондук прокуратуранын Ахматбек Келдибековдун тарапташтарынын акциясына тыюу салуучу арызын канааттандырды. Алай райондук прокуратурасы Ахматбек Келдибековдун жактоочулары укук коргоо кызматкерлерине зомбулук көрсөткөнү үчүн жол тосуу акциясына тыюу салуу өтүнүчү менен райондук сотко кайрылган эле.
Президент Алмазбек Атамбаев Түркияга болгон иш сапары учурунда журналисттердин суроосуна жооп берип жатып, жолдорду тосуу боюнча маселелер мыйзамдын алкагында чечилерин билдирди. «Келдибеков жыл бою өзүнө коюлуп жаткан айып менен таанышуудан баш тартууда. Эгер адам өзүнүн күнөөлүү эмес экенине ишенсе, анда ал сот чечиминин чыгуусуна шашат. Коркунучтуу ооруларды ойлоп табуунун кереги жок. Менин бутума да Келдибековдукундай эле операция жасалды. Бул өлүмгө жеткирбейт. Эгер анын ак экени далилденсе, анда прокуратура бул ишке башы менен жооп берет»,- деди Атамбаев. Ошондой эле өлкө башчы жол тоскондор эртеби-кечпи жазасын алыш керектигин айтты.
Алай райондук соту абакта жаткан Ахматбек Келдибековдун жактоочуларына нааразычылык акцияны башка жайда өткөрүү тууралуу чечим чыгарды. Өкмөттүн Ош облусундагы өкүлү Сооронбай Жээнбеков жана ОИИБинин башчысы Сүйүнбек Өмүрзаков митингчилер менен сүйлөшүүлөрдү жүргүзүүгө кылган аракеттери жыйынтык бербей, соттун бул чечими бүгүнкү күнгө чейин аткарылган жок. 27-майдан тартып Ош-Эркеч-Там жолу тосулуп турганына байланыштуу 10-июнга карата бажы төлөмдөрүнүн төлөнбөй калышы болжол менен 83 миллион сомду түздү. Учурда 155тей унаа өз багыттарына жетпей токтоп турат.

Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (46)

Asus77

2014-06-16 17:13:59

Биз бул жерде отуруп алып аны муну жазганыбыз менен күнөөгө баткандан башка эч кандай пайда таппайбыз. Пейлибизди оңдойлү КЫРГЫЗЫМ!!!

atakyzy

2014-06-16 18:13:17

Азыр Бакиев болгондо алда канча онугуп кетсек керек деп ойлоп калам

AK-47.

2014-06-16 19:53:00

АША Кыргызстанды жеп бутотко ошондо Бакиев жакшы элэ деп калбасанар болду

-1

Dodon

2014-06-16 21:21:07

Анын башында өзү туратго,демек эч качан акталбайт кунөөсү жок болсо да бирдемкени ойлоп таап каралайт

-1

Beko87

2014-06-17 04:58:48

Мен экооно тен ишенбейм.дегеле чондорго ишенбейм.куноосу далилденбесе сот оз жазасын алат деп азуусун корсотуп койуптур.эми сот жан алекетке тушуп кунооун мойунга койотда.

Taalaibek.

2014-06-17 05:50:54

Атамбаев жашы соз айтты. А. Келибеков кунолу болсо камалсын, куноосу жок болсо бошотулсун.

admin_portal

2014-06-17 10:37:40

AK-47. - 5 күнгө БАН!
Кимдир бирөөнү кемсинтип, мазактап, кадыр-баркына шек келтирген билдирүүлөрдү жазууга тыюу салынат.

ere

2014-06-17 10:38:58

мына сага саясат

elka_manas_kg

2014-06-17 13:48:52

Эртереек сот иши жыйынтыкталса болот эле. 20 кундон бери жол тозуп жатышат .алардын бала бакыралары не болду экен жээ тамак аш менен камсыздоочуу адамдар барбы! Эгер кунолу болсо бошотулсун эгер далинденбесе анда эртерек ары бери кылышса жакшы болот эле!!! Жол тосуп жаткан элдерге бир чара корсо алар кыргызстанды ойлобой бир кишини ойлоп кыргызстанга зыян алып келуудо. аргасы жок жол тосуулар болуп жатат дешуудо бирок мен бул создорго кошулбайм. Ыймандуу бийде тууган жок!!! эгер унутпасак!!!!!

elka_manas_kg

2014-06-17 13:56:22

Аша маша дебей Алмазбек Атамбаев десенер башкалар окууса уятка каласынар !!! Приздент болгондон кийин бир болсо да сый керек да !!! Аша деп жазып жаткандар озунун алдына барып аша дегилечи!!! Улгайган эле кишиге Аша деп ат койбой!!! Кыргыз эли Улуу Эл! Улууга урмат кичууго ызат кылып жашап келген!!! Андыктан Кыргыз экенинерди унутпасынар урматтуу мекендештер!!!

Murok

2014-06-17 16:22:20

Койгулачы эй, кантип ушу оз элинердин президентин минтип сындайсынар, бир бири бизди сыйлайлы да болунбой, башка элдер ден уяла сын эй алар Тим эле сыйлап турушат, биз болсо минтип....

rukopaWnik

2014-06-17 20:53:57

башы менен эмес анан не ХХХ менен да жооп берип жүрүштү беле ,кызык ажо болуп туруп сүйлөгөн сөзүн кара

admin_portal

2014-06-18 12:36:44

rukopaWnik - эскертүү!
Коомдук этиканы сактаңыз.

zzz---zzz

2014-06-17 21:19:18

Жол тоскондор кийин башы менен жооп берет, озунор тонкоруш кылып бийлике келдинер ХХХ ХХХ ХХХ элди жол тостуруп эми айткан созуну карасанар анда баш болуп озунор жооп бересинер.

admin_portal

2014-06-18 12:35:47

zzz---zzz - эскертүү!
Далили жок, такталбаган маалыматты жазып, кимдир бирөөнүн кадыр-баркына шек келтирүүгө жол берилбейт.

som

2014-06-18 22:15:59

Атамбаев туура айтып жатат Келдибеков жегич спикер болгондо эле билинген

Akmatov1990

2014-06-22 15:52:45

газды сатып эми газсыз калды. баягы эле тилемчилике айландык. Эртен таможный союзга кирсек. анда кыргыз мамлекет онугот бирок калк кыйын акыбалга кабылат.

Комментарий калтыруу үчүн өз ысымыңыз менен кириңиз же каттоодон өтүңүз.

№ 606, 13-июнь-19-июнь, 2014-ж