КУМШЕКЕРДИН БААСЫ 45 СОМГО ЧЕЙИН ТҮШӨТ

Биринчи вице-премьер-министр Тайырбек Сарпашев Азербайжан өкмөтү менен сүйлөшүп, жакынкы 2-3 жума аралыгында Кыргызстанга 10 миң тонна кумшекер келерин маалымдады. «Бул шекердин сатылыш баасы 45 сомдон ашпайт. Бүгүн базарларда шекердин баасы 50 сомдон жогору болуп жатат. Шекердин баасын жай жана күз мезгилинде ортомчулар атайын кымбаттатып, каалаган баасын коюп сатышат.
Кыргызстанга келип жаткан шекерди мурда бийликтин чоң кызматтарында иштеп кеткендер көзөмөлдөп, ээлик кылышат. Алар өздөрүнүн тууган-уруктары, жоро-жолдошторунун аттарына фирмаларды ачтырып коюшкан. Дал ушундай абал буга чейин Таластын төө буурчактарын сатып алууда болуп келген. Ал жакта да мурдагы экс-чиновниктердин ортомчу 10 компаниялары атайын төө буурчакты арзан баада алып жүрүшкөн. Былтыр болсо Таласка чет элдик 45 компанияны чакырып, ортомчулардан эмес, дыйкандардын өзүнөн сатып алгыла дегенбиз. Жыйынтыгында төө буурчактын баасы 2-3 эсеге өстү. Былтыр 48 миң гектарга төө буурчак айдалса, быйыл 57 миң гектарга себилди. Нарындын Жумгал районунун дыйкандары да биринчи жолу 80 гектар жерге төө буурчак айдашты. Ошондуктан шекердин баасын түшүрүү биздин негизги милдетибиз. Ушуга байланыштуу сөзсүз ортомчу ишканалардын ээлери өкмөткө болгон сын-пикирди, жеке менин дарегиме болгон сынды ар түрдүү массалык маалымат каражаттары аркылуу көбөйтөт. Бул күтүлө турган нерсе»,- деп билдирди Т.Сарпашев.
Мындан тышкары биринчи вице-премьер дыйкандарга 4 миллиард сом жеңилдетилген кредит берилгенин, жылдын аягына чейин 7 миллиард сом кредит берүү планы бардыгын айтты. 2013-жылы болсо 3,2 миллиард берилген.

Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

nazi0807

2014-06-16 16:31:49

Бабанов кайда?

Taalaibek.

2014-06-17 07:44:11

45 сомдон эле! 45 сомдон томон кылгыла.

Murok

2014-06-17 16:13:45

Тайырбек байкебиз чет катуу Иштеп баштады го

ere

2014-06-19 11:33:36

айтты аткарат болду бекен мен оз козум менен коруп алып ишенбесем азыр ишенбейм таптакыр!

mi-li-na

2014-06-19 11:45:28

хе!!! Бакиевдин мезгилинде 23-27 сом болчу... Бажы союзга кирсенер 100сомдун ар жак бер жагы болот го сыягы...

M.Lancer

2014-06-22 21:28:54

Цементти, дагы оромчусу жок сатканга кантип болбосун, кыйын болсонор ошону арзандаткылачы

Комментарий калтыруу үчүн өз ысымыңыз менен кириңиз же каттоодон өтүңүз.

№ 606, 13-июнь-19-июнь, 2014-ж