Эң жөнөкөй, даамдуу жана көбүнесе ысыкта жасалуучу тамактардын бири – окрошка. Мунун 20дан ашуун түрү бар. Ошолордун ичинен кеңири жайылгандары айран, квас, минералдык суу, чамгыр жана эт менен жасалгандары.
КЕРЕКТҮҮ АЗЫКТАР (5 ПОРЦИЯ ҮЧҮН):
Уйдун эти – 200 грамм Картошка – 150 грамм Айран – 0,5 литр Каймак – 200 грамм Газдалбаган минералдык суу – 200 грамм Жумуртка – 5 даана Чамгыр (редис) – 150 грамм Бадыраң – 150 грамм Укроп – жарым боо Көк пияз – жарым боо Горчица – 30 грамм Лимон ширеси – 50 грамм Туз – татымына жараша
ДАЯРДОО ЫКМАСЫ 1.Алгач жумуртканы, этти, картошканы сууга бышырып, даярдап аласыз. Чамгыр, бадыраң, укроп менен көк пиязды жууп даярдайсыз. Муздаткычтын муз тоңдуруучу калыптарынын ар бирине бир тал укроптон салып, үстүнө муздак суу куюп, тоңдургучка салыңыз. Муз ушинтип даяр болот.
2.Бышып даяр болгон картошканы, жумуртканы, уйдун этин майда төрт чарчы кылып туураңыз. Чамгыр менен бадыраң да ичке төрт чарчы тууралат. Укропту, көк пиязды да майдалап туурап алыңыз. Эми даяр болгон азыктардын баарын көлөмдүү чуңкур идишке салып, жакшылап аралаштырыңыз.
3.Айран менен каймакты аралаштырып, туз, лимон ширесин, горчицаны жана минералдык сууну кошуп, жакшылап аралаштыруу кажет.
4.Эми чоң идишке баарын салып, бир сыйра аралаштырыңыз. Анан окрошканы табактарга бөлүп куюп, ар бирине тоңдурулган муздардан 2-3төн салып коюңуз. Тамагыңыз даамдуу болсун!
Эскертүү: Квас менен окрошка жасагыңыз келсе, ушул эле азыктарды колдоносуз. Бирок айрандын жана минералдык суунун ордуна 1 литр нандан жасалган квасты куясыз. Эттин ордуна колбаса колдонууга да болот.
Окрошка жасоонун ыкмасын үйрөткөн Бишкектеги «Атлас» ресторанынын шеф-ашпозчусу ГАЛИНА ГОЛУБЕВА болду.
Айымдар, сизде тиричилик үчүн керек болгон пайдалуу кеңештер, дасторконду жасалгалоо, түрлөп тамак бышыруу баш ооруңуз болсо, мындан ары ал маселеңиз жоголот. Гезитибиздин ар санында «Кожойкенин бурчу» рубрикабыз сиздер үчүн кызмат кылат. Сунуштарыңыз, сурооңуз болсо (0312) 32-33-28 номерине чалып же kenesh@super.kg дарегине кат жазсаңыз болот.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (12)
asiia03
2014-06-30 15:29:19
Onoi ele jasalat eken . Men aiaibai syiyp ichken tamak. Raxmat keneshinerge super info.
Окрошка жасоонун ыкмасын үйрөткөн Бишкектеги «Атлас» ресторанынын шеф-ашпозчусу ГАЛИНА ГОЛУБЕВА болду.