АЗИЗ БАТУКАЕВ КАРМАЛДЫ, ЖАКЫН АРАДА КЫРГЫЗСТАНГА АЛЫНЫП КЕЛИНЕТ

Өткөн жылдын апрель айында “илдети катуу, 2-3 күндүк өмүрү калыптыр” деген шылтоо менен мөөнөтүнөн эрте бошотулуп, ошол эле күнү Чеченстанды көздөй учуп кеткен “мыйзамдагы ууру” Азиз Батукаев Түндүк Осетиянын аймагында 30-июнь күнү колго түшүрүлдү. Орусиянын укук коргоо органдары А.Батукаевдин кармалганын тастыкташты. Учурда Башкы прокуратуранын сурамы боюнча кримтөбөлдү Кыргызстанга экстрадициялоо үчүн тиешелүү иштер жүргүзүлүп жатат. Мамлекет башчы Алмазбек Атамбаев өзү Орусиянын президенти Владимир Путинге “мыйзамдагы ууру” Азиз Батукаевди экстрадициялоого көмөк көрсөтүүсү үчүн кайрылгандыгы маалым болду. Буга чейин май айында башкы прокурор Аида Салянова “А.Батукаевдин бошотулуу фактысы боюнча кылмыш иши жанданды, ага эл аралык издөө жарыяланат” деп билдирген.
“Мына-мына айыккыс дарттан өлүп калат экен” дешип, бирок бир жылдан ашуун убакыттан бери аман-соо жүргөн 48 жаштагы Азиз Батукаевдин өтөлбөй калып кеткен мөөнөтү 8 жыл, 3 ай, 7 күндөн турат. Ал Кыргызстанга алынып келинсе, ден соолугу боюнча кайрадан текшерүү жүргүзүп, “өлүм алдында жатат” деп диагноз коюп, мөөнөтүнөн эрте абактан бошоосуна шарт түзүп берген медиктер да тиешелүү жоопкерчилигин тартышы кажет.

Элвира Караева,
Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

anarbek281

2014-07-07 09:39:17

ээ биздин чиновниктер аман эле болсун акча берсен ххх да берем дейт каяктагы бир чеченди кыргызстанды бийлетип ак уйдогу эшектерди чогултуп туруп атып салыш керек элди ойлошпойт

admin_media

2014-07-07 09:42:48

anarbek281,
Маданиятсыз сөздөрдү жазуудан алыс болуңуз! Эскертүү!

adidas07

2014-07-07 09:57:49

коросунор алып келе алышпайт дагы качырып жиберишет

kursantbek

2014-07-07 11:28:40

аны алып келгенде эмне пайда ошол жакта журо берсинда кыргызстанга келсе 8 жылга жетпей чыгат эркиндике анан каалаган ишин кылат дагы

Nemo_0587

2014-07-07 13:22:02

Аны алып келсе турмодо отуруп биздин курсактуу чондорубузду бийлейт. Эми коробуз биздин бийлик канчалык денгээлде кучтуу экенин.

nargiz_96

2014-07-07 14:08:04

Дагын бир байып алышат экенда чиновниктер

Batyaalka

2014-07-07 14:28:51

Кыргызстанга келетат дегенде 1)паспорту даяр болот 2) Олот деген справка анан vip Салондон орун алып учуп кеткенге жл тузулот. биздин чондор билип калышты да кндай кетиришерин.

Dadin1

2014-07-07 17:19:47

Бобок сенин жомогун болуп жатат бул жагы.

kama_future_millioner

2014-07-07 17:59:14

Эми кармагандан кийин крга келгенде дагы кое бербей жазасын оттоткуло.

LISICHKA

2014-07-07 19:17:43

Батукаев келсе биздин КР чыгаша болот,ал чон-чон жеп,чон-чон ичет, биздин абактагы адамдарга окшоп сууга бышкан кашаны жей бербейт экенда бир тилим болко менен.Аны багыш керек биздин чондор турмодо кой союп,уй союп.

Mirlan9292

2014-07-08 13:11:18

Дагы оздору эле жолуна салып кетебер деп койушат

malik.87kg

2014-07-12 22:03:18

колунардан бир эшектин тушоосу чечилбейт чон курсактар

Комментарий калтыруу үчүн өз ысымыңыз менен кириңиз же каттоодон өтүңүз.

№ 609, 04-июль-10-июль, 2014-ж