СОГОНЧОККО КАМ КӨРҮҮ

Ай-ий, согончогум! Жарылып, баскан сайын кыйнап жатат... Ооба, жайкысын мындай жагымсыз көрүнүшкө көпчүлүк дуушар болот. Жагымсыз оорутуунун алдын алууга болобу? Болсо кантип? Адистердин кеңешине көңүл буралы.

СОГОНЧОК ЭМНЕГЕ ЖАРЫЛАТ?

Нымдуулугу азайып, тамандын териси өзүнүн серпилгичтигин жоготсо.
Бөйрөк, калкан без оорулары менен ооруганда. Мында согончок жыл бою жарыла берет. Демек, сөзсүз дарыгерге барып көрүнүшүңүз керек.
Таман тери оорусуна дуушар болсо.
Семиздиктен улам (бут ашыкча салмакты көтөрө албай, согончок жарылат). Канчалык кам көрсөңүз деле натыйжасыз болушу ыктымал. Андыктан арыктоо зарылчылыгы келип чыгат
Организмге А жана D витаминдери жетишпегенде.
Ысык аба ырайынын, ыңгайсыз бут кийимдин, чаңдын, көлдүн туздуу суусунун, кумдун таасиринен улам.

ҮЙ ШАРТЫНДА ДАРЫЛОО

Согончоктун жарылуусун үй шартында оңой эле дарылап алууга болот. Ал үчүн күнүгө сиздин 10-15 мүнөттүк убактыңыз, күнүмдүк жашообузда колдонуп жүргөн каражаттар жана жашылчалар талап кылынат.

Күнүгө көбүргөн самындуу ысык сууга бутту салып, 10 мүнөт кармаңыз. Андан соң пемза ташы менен жышып, таза чайкаңыз. Мындан кийин кремден же болбосо зайтун майынан сүртүп, байпак кийип алыңыз.
Ат кулак жана ромашканы кайнак сууга салып, бир аз муздагандан кийин ага атайын ванна даярдайсыз, бутуңузду 10-15 мүнөт саласыз.
Чийки картошканы же пиязды майда тиштүү сүргүчтөн өткөрүп, целлофандын бетине шыбайсыз. Аны таза жуулган согончогуңузга жаап, сыртынан бинт менен ороп, байлап коюңуз. Аз дегенде 2 сааттан кийин гана чечүү керек.
Согончоктун жарылуусуна чалкан да жардам бере алат. Ал үчүн 1 литр кайнак сууга 2 аш кашык кургатылган чалканды салып, атайын ванна камдап аласыз. Ага 10-15 мүнөт бутуңузду саласыз. Ваннадан соң бутуңузду кургатып, азыктандыруучу кремден сүйкөп коюңуз.
Жатарда капустанын жалбырагын жанчып, жумшартып алган соң согончокко жаап, сыртынан байпак кийип жатыңыз.
1 стакан сулу акшагын сууга ботко кылып бышырып, ага 2 аш кашык зайтун же жүгөрү майын аралаштырасыз да, аны целлофандын бетине сүйкөп, согончогуңузга жабасыз.
Сүргүчтөн өткөрүлгөн сабизге теңме-тең өлчөмдө бал аралаштырып, жарылган жерге жаап коюу кажет. Бул аралашма жатарда колдонулуп, эртең мененкиге чейин калтырылат.
Жарылган жерди айыктырууда помидордун ширеси да эң мыкты каражат болуп саналат.
Алманы сүргүчтөн өткөрүп, аны бир аз сүткө кайнатып аласыз. Даяр болгон боткону согончогуңузга жаап, үстүнөн целлофан баштык менен ороп коюңуз. Бул боткону 30 мүнөт кармоо туура.

Дамира Арстанова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (14)

admin_superstan

2014-07-14 12:35:57

tornado, Саламатсызбы!
Ката түзөтүлдү. Рахмат!

kadam

2014-07-14 13:30:15

Эң оңою, глицерин сыйлал туруу.

shazi

2014-07-14 14:47:38

сонун кенештер экен, рахмат.

elish87

2014-07-15 15:07:43

Ысык сууга сода салып 10 мин ванна кылса жакшы анан жарылган жерге эчкинин майин кыздырып басса да жардам берет

zara-919

2014-07-15 20:42:26

Супер инфо
купероз жонундо жазгылачы сураныч...

admin_superstan

2014-07-16 10:37:54

zara-919, Саламатсызбы!
Сунушуңуз тиешелүү бөлүмгө жеткирилди.

GULAAA

2014-07-17 11:40:31

аллергия беттеги, буттагы грибок жонундо жазгылачы?

veneraaalieva

2014-08-06 17:18:04

Менин мойнумда Попилома кобойуп кетти кантип кетирсе болот ошол жонундо кенеш бергилечи?
Алдын ала рахмат!

admin_portal

2014-08-06 17:24:37

veneraaalieva, Саламатсызбы!
Сунушуңузга рахмат, аракет кылабыз.

Ayka1994

2014-11-30 10:34:49

тамандын астында жарылгандан алган издерди кантип кетирууг болот ошол жонундо да маалымат берип коюнударчы

admin_media

2014-12-01 16:13:22

Ayka1994,
Саламатсызбы!
Сунушуңузга рахмат, аракет кылабыз.

Ernis_91

2014-11-30 17:45:05

Вазелин шыбаса да жакшы натыйжа берет

askhattalgat

2014-12-05 14:39:35

Супер инфо баштагы шишикке уу коргошун пайдалуу ж-а толугу мн айыктырат бк коркунучтуу дешет. Бишкекте Кенже табып деген бар экен ошол эжеде да бар экен,газеталардан окуп калдым.Врачтардан да сурап Канчалык денгээлде таасир этет ж-а кандай адамдар ичуу кк тактап толугураак жазыныздарчы?

admin_media

2014-12-05 14:54:13

askhattalgat,
Саламатсызбы!
Сунушуңуз тиешелүү бөлүмгө жеткирип коебуз. http://www.super.kg/article/?article=27013

Комментарий калтыруу үчүн өз ысымыңыз менен кириңиз же каттоодон өтүңүз.

№ 610, 11-июль-17-июль, 2014-ж