БИР БҮРКҮМ

Өкмөт башчы: «Жыл сайын Кыргызстандан 100 МИҢДЕЙ ЖАШТАР эмгектенүү үчүн чет өлкөлөргө кетишет».
ТЕМИР САРИЕВ: «Кыргызстанда суунун 50 пайызы туура эмес пайдаланылат. Европада, мисалы, бир адам бир күндө 50 литр суу коротсо, бизде бир киши 560 литр коротот».
Кыргызстанда быйыл кургакчылыкка байланыштуу ЧӨПТҮН БААСЫ ЭКИ ЭСЕГЕ КӨТӨРҮЛДҮ. 2013-жылы ушул маалда 1 түк 100 сомдун тегерегинде болчу.
ЭЛЬВИРА САРИЕВА: «Эгерде МАИчилер чет элдик номурлуу автоунааларды негизсиз түрдө токтотуусун уланта берсе, анда өкмөт туризмден түшкөн кирешени жогорулата албайт».
НАРИМАН ТҮЛЕЕВДИН иши боюнча соттук отурум аны менен бирге айыпталып жаткан Р.Бейшенбаевдин ден соолугуна байланыштуу 19-августка жылдырылды. Соттук отурум ушуну менен 24-жолу жылдырылды.
Кыргызстандын банктарынан 5 миң номиналындагы ЖАСАЛМА ОРУС РУБЛДАРЫ табылды. Кылмыш иши козголуп, Улуттук банкта ревизия өткөрүү пландалууда.
Энелердин жана балдардын ден соолугун коргоону күчтөндүрүү максатында Япония биздин мамлекетке 2,5 МИЛЛИОН ДОЛЛАР грант бөлүп жатат.
Министр Т.Сариев: «Кыштан чыгуу үчүн Казакстандан 1 миллиард кВт саат ЭЛЕКТР ЭНЕРГИЯСЫН СУРАП, ордуна 300 миллион метр куб суу беребиз».
Каржы министрлиги мамлекеттин бюджетин толуктоо максатында 16,6 ТОННА НЕФРИТ ташын аукционго коюуда. Мындай аукцион буга чейин да өткөрүлгөн. Аны кытайлык компания 99 миллиондон ашык сомго алган.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 613, 01-август-07-август, 2014-ж