ИЛМЕ БУТ КИЙИМ ЗЫЯН ЭКЕНИ ЭСИҢИЗДЕ БОЛСУН!
Жайдын күнү көпчүлүк илме бут кийим сүйрөйт. Бул ыңгайлуу жана жеңил. Бирок аны буттан түшүрбөй сүйрөп жүрүү адамдын ден соолугуна зыян келтирерин көпчүлүк билбесе керек. Анда эмесе, мына ушуга токтолсок.
МАНЖАЛАР
Бут кийим буттан түшүп калбасын деп анын илмесин манжалар менен бекем кысып жүрүүгө туура келет. Бул манжалардын булчуңдарын чарчатып, сөөк менен булчуңдарды бириктирген тарамыштардын сезгенүүсүнө (тендинит) жеткирүүсү мүмкүн. Тендинитте тарамыш бошоңдоп, үзүлүп кетүү коркунучу жаралат. Илме бут кийим манжалардын балка сымал ийрейишине алып келет же бурсит (муундардын тушундагы баштыкчанын сезгенүүсү) сыяктуу ооруну жаратышы мүмкүн.
МАНЖАЛАРДЫН ОРТОСУ
Илме бут кийим кийүүдө бут өйкөлүп, теринин алдына сары суу толушу мүмкүн. Андан сырткары грибок ооруларынын башталышына жол ачат. Мисалы, микоз (грибок оорусу) көпчүлүк учурда манжалардын ортосундагы жабыркаган териден башталып, андан соң башка бөлүктөргө жайылат.
БАКТЕРИЯЛАР
2009-жылы АКШдагы Майами университетинде жүргүзүлгөн изилдөөлөргө ылайык, үстү ачык бут кийимде 18 000ге чейинки бактерия бар экени аныкталган. Ал эми илме бут кийим бутту ушунча жабыркатып жатса, бактериялар кошулганда ден соолукка кандай зыян болорун элестете бериңиз.
ТАМАН
Бутуңуз дайыма кыймылда болот. Бул тамандын өйкөлүшүнө, ысышына алып келет жана сары суу же ыйлаакчаны пайда кылат. Өзгөчө күн ысыкта.
КЫЗЫЛ АШЫК, БАЛТЫР ЖАНА ТИЗЕ
Манжаларды дайыма кысуу кээ бир булчуңдар менен кызыл ашык, балтыр жана тизенин тегерегине күч келтирип маселе жаратат. Себеби илме бут кийимде адамдын согончогу кадам таштаганда жерге катуу тиет. Мындан сырткары сөөктөргө да жарака кетүү коркунучу бар.
Кубаныч Сыдыков
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (27)
Кудай сактасын 4,5жылдан бери эле жайда кийип журобуз жакшы эле
Мен учун жайкысын мындан откон ылайыктуу бут кийим жок.
Ар кимге ар кандай болуш керек. Бул кенешинер шаардан чыкпаган жана дайыма жабык бут кийим кийип буттарынын териси жука адамдарга тиешелуу болуш керек. Айылда жыланайлак басып конгон балдарды коргом. Буттарынын териси да калындап кеткен. Алардын буту мындай проблеманы сезбейт деле. А манжалардын кыйшайып калышы менин оюмча тар бут кийим коп кийгенден болуш керек.
а мен такыр эле кызыкпайм
Мен да кием ынгайлуусун сатып алсан зыяны деле жок болуш керек. Тиги манжа кыйшайган сурот ал оору. Бирок бир ушундай илме тапичкеден келип чыкпайт ал оору. Уройду учурушуп ушундай кийсен ушинтип калат дегени туура эмес...
эч зыяны жок адамдын озуно каранды... жакшына кийсенер эчнерсе болбойт
Такыр кийбейм дегендерге кошулбайм,анда санда кийип турам конулум келгенде.Ынгайлуу эле кыйбайт деле мага жагат назик корунушу.
жайкысын коп кием дегендер бутунардын шыбоосунан аз да болсо кутулалы дегендерденсинер.
Супер рахмат силерге ушундай маанилуу нарселерди киргизгенинер учун
рахмат силерге кенешинерге
Баары эле зыян пайдалуу нерсени табыш кыйын болуп калды
