КЫРГЫЗСТАНГА КЕЛҮҮГӨ АКАЕВДИН ДЕМ-КАЙРАТЫ ЖЕТПЕДИ

Аскар Акаевдин бир тууган агасы каза таап, 5-августта экс-президенттин өлкөгө келери тууралуу маалымат желдей тарады. Башкы прокуратура 2005-жылдагы элдик революциядан улам Москваны көздөй качып кеткен туңгуч президент Кыргызстанга келсе бир нече кылмыш иштери боюнча көрсөтмө бериши керек болорун айтып чыкты. Андыктан аэропортто туугандары менен кошо жол караган журналисттер да болду. Бирок Болот Акаевдин тажиясына Аскар Акаев кичүү уулу Илим Акаевди жөнөтүптүр. Коомчулукта бул окуя кызуу талкууга алынды. Качкын президентке боору ооруп, «жакынын жерге берүүгө келе албаса, мындан өткөн кордук барбы?» деп шыпшынышса, айрымдар анын Кыргызстанга келгенге укугу жоктугун жазып жатышты.
Акаевдин оппоненти болуп келген Өмүрбек Текебаев Аскар Акаевге карата козголгон кылмыш иштери боюнча жоопко тартуу мөөнөтү өтүп кеткенин, атүгүл «Кумтөр» боюнча деле жооп бериши керек болгон заман өтүп кеткенин, азыр Акаевдин Кыргызстанга келишине тоскоолдук кылууга негиз жоктугун айтты. Акаевдин тушунда кылмышкер аталып камакка алынган Кулов да «келе берсин» деп чыкты. Баары бир келген жок. Келгенге, балким, абийири жол бербеди, балким, дем-кайраты жетпеди.
Кийин, агасы жерге берилген соң «Аскар Акаев аэропортко жетип калган маалда Орусиянын жетекчилиги байланышып, коопсуздугуна кепилдик берилбегенин, барбай эле койгону оң болорун айтып кайтарып жиберишти» деген кабар тарады.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (100)

Revolyutsioner

2014-08-14 14:45:35

Акаев агасына топурак салбай калды деп окуносунор, ошол Акаевдин "жыргализм" саясатынан улам ач-жыналач кыйналып уй-булосун багам деп Россия, Казахстанга тентиген мигранттардын тагдырын ким ойлойт, канчалаган адам жат жерде каза таап, канчалаган адам жакындарына оз убагында келип топурак сала албай арманда калып жатат, ушуну ойлодунарбы? Кары-картан ата энесинин мээримине, жаш балдарынын кулкусуно зар, алыста куса болуп журуу эмне экенин билгендер барбы, жыргаганынан журушот бекен мигранттар?!!

mirlaane

2014-08-14 17:12:39

elibizge peylibizge jarawa boltat da prizdentter da kalp aitpasam!

stranik

2014-08-14 20:41:17

откон нерсе отту келе берсе болмок эмне болсо дагы тунгуч призидент жакшы эле иш кылган керек болсо Россия бизден кийин кирди ВТОго анын жемишин барыбыз кортабыз ошондуктан бизде машина арзан

-2

nazi_ahmed

2014-08-14 22:33:29

Adamdar emne ele bolup jatabyz bilbeim kaida barabyz bailyk biylik baary bir kalat emespi birok konulchu adamgerchilik kaida kalyp bara jatat. Okup alyp jurogun ooruit. Kechirimduuluk kaida Kalgan andan Beri kancha ubakyt ottu. Tuura aitkan kotorulup kele jatkan adamdy butunan sudurop tushmoi adarybyz bar kaira any kotormologondun orduna kaira jerdi kozdoi tartabyz. Emnesi bolso da kechirimdu bolgulachy Kyrgyz kalkym

-1

elettik.jigit

2014-08-14 22:37:50

мен тан калам акаевде куноо жок, акаевге боорум оруйт дегендерге.ооба атамбаев да бакиев да кыйраткан жок. Бирок акаев узонгу куушту саткан, заводдорду талаткан да.

Boldukan86

2014-08-14 23:18:19

пейлине жараша болгудай кыргызстан бут бойдон бузук бекен. кыйын акчанар коп болсо сооп иш толтура. жардам бергиле жетим жесирге кедейлерге майыптарга оорукчандарга.

ernist007

2014-08-15 10:37:21

Акае,Бакиев, жакшы эле кишилер алардын жан жокорлору баарын кылган, АШАдан кудай сактасын болуп жатат азыр.

admin_superstan

2014-08-15 20:50:14

joysin777, сайттын башка катышуучусун кемсинтүүгө болбойт. Эскертүү!

ayakosya

2014-08-16 00:23:56

Сагынганда бир келерсин алатоону коргону ааааа ааааа

azalia12

2014-08-16 09:46:44

Урматуу замандаштар, бироого куноо коёрдон мурда, озубуздон башташ керек.мисалы: Мен коомго кандай пайда келтирип жатам, жетиштуу денгээлде эмгектенип жатамбы же жалкоолонуп,ар шылтоону айтып журомбу ж.б. деп. Башын иштетип, талбай эмгектенгендер жакшы эле жашап жатышат. Бизде мээси иштебеген, оной оокатка конгон жалкоолор коп. Ошону ойлонуп корбойсунорбу?

-1

azalia12

2014-08-16 09:57:20

Отуруп алып эле кыйынсый бересинер, ал минтип койду, тигинтип койду деп. Озунор эмнени КЫЙРАТЫП жатасынар??? Озунорду бийликке отургузуп койсо, кудай сактасын эчак эле баарын тыптыйпыл кылып салмаксынар.

-1

Kausara

2014-08-16 17:14:48

Келе берсе болмок, бирок бет чыдабайт да.

-1

tolman

2014-08-16 19:46:06

Келет эле просто бийликтегилер келбен деп кондуруштуда. Себебин баары билет.

Mir94

2014-08-17 03:08:58

Ээх Акаев Акаааееев,,,

nurikkg1

2014-08-18 02:34:44

Мен лично Акаевди колдоймун эмнеге дебейсинерби бул кайра бийлике келсе онолушубуз мункун башы ташка тийген Эми жебесе керек

Комментарий калтыруу үчүн өз ысымыңыз менен кириңиз же каттоодон өтүңүз.

№ 614, 08-август-14-август, 2014-ж