«ТОНАЛДЫК БЕТ МАЙСЫЗ ЖАШООМДУ ЭЛЕСТЕТЕ АЛБАЙМ»
– Мен акыркы 3 жылдан бери күнүгө боёнгонго көнүп калдым. Жылдын башка мезгилдеринде өтө байкалбайт, бирок жайында бетимден кээде тер агып, жылтырап, анын үстүнө безетки пайда болуп жүдөтүп келет. Курдаштарым «азыраак боён» деп көп эле айтышат. Мен тоналдык бет майсыз жашоомду элестете албайм. Кандай кылсам болот?
Ажар, 24 жашта, Бишкек
– Тоналдык бет майлар жашка жана адамдын терисинин өңүнө жараша бөлүнөт. Ажарга кеңеш: Эгер бети майлуу болсо, жайкысын тоналдык бет май эмес, күн нурунан сактоочу упа гана колдонуңуз. Упа болбойт десе, өтө жеңил болгон BB же СС түрүндөгү тоналдык бет май колдонсо болот. Курамына табигый заттар кошулган косметиканы пайдаланууну сунуштайт элем. Кыздар бетиндеги безеткилерди жабам деп апасынын же эжелеринин тоналдык бет майларын коюп алышат, бул таптакыр туура эмес. Ал деген безетки оорусунун күчөшүнө алып келет. Жайында кандай гана бет май болбосун, аны колдонордун алдында жакшылап ойлонуш керек.
Сиздердин сурооңуздарга врач-дерматолог, косметолог АЙНУРА УЕЗБАЕВА жооп берди.
«Адистин кеңеши» рубрикабыз сиздер менен бирге иш алып бармакчы. Юридикалык, медициналык, психологиялык кеңешке муктаж болсоңуз, бизге кайрылыңыз. Суроолорду (0312) 32 33 26 номери аркылуу берсеңиздер болот же kenesh@super.kg дарегине кат жазыңыз.
Наргиза Бекжанова
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (6)
мен ар кыйсынын башын суйкоп жатып бетиме ар кайсы нерселер чыгып баштаган,азыр жон эле бетимдм жууп эле коём эч нерсе койбой калдым!!!бетке ар кайсыны коё берсе бет ошого конуп калат деп ойлойм,ошол тугонуп калса бетке болгон тактар толуп кетет,ошол учун аны кайра сатып алып суйкосок кайра жакшы болуп калгансыйт,ошол учун жон эле эч нерсе койбой койсо болот деп ойлойм!
Konfetka2013, безетки — май бездеринин сезгениши (прыщ).
Комментарийдин текст безетки деген угри дегенби
Салам супер! Менин боюмда бар, бетиме так тушуп атат, ал эмнеси, кийин кетеби же кантип кетирем , эмне кылсам болот, так тушуп жаткандыгы учун тоналдык крем коюп атам аргасыздан, деги зыяны жокбу, айлам кетти, кенешинерди бергилечи!
