ЖЕРГИЛИКТҮҮ КЕҢЕШТЕРДЕ КЫЛМЫШТУУ ТОПТОРДУН МҮЧӨЛӨРҮ КӨП

20-августта «Ата Мекен» фракциясынын депутаттары кезексиз жыйынга чогулушуп, анда негизги кеп жарандардын коопсуздугу, уюшкан кылмыштуу топтор тууралуу болду. ИИМдин башчысы Абдылда Суранчиев уюшкан кылмыштуу топтордун мүчөлөрү депутат болгон учурлар көптүгүн айтты. Министрдин тизмесинде Жогорку Кеңеш, шаардык, жергиликтүү кеңеш болуп 20дан ашуун депутаттын ысымы аталды.
«Уюшкан кылмыштуу топтун мүчөлөрү эч убакта мамлекетти башкаруу системинде иштебеши керек»,- деди Текебаев. «Уюшкан кылмыштуу топтордун мүчөлөрү жергиликтүү бийлик органдарынын ишине кийлигишип, элден да салык чогулта баштаптыр. Биздин партия чечүүгө ниеттенген негизги меселелердин бири дал ушул уюшкан кылмыштуу топтор менен күрөшүү болгон. Тилекке каршы, криминалдуулук күчөп бара жатат»,- деди ал. «Азыр болгон кичине бизнестен баштап чоң бизнестерге чейин кримчөйрөнүн мүчөлөрүнө салык төлөп келишет. Оор жүк ташуучу унааларды жолдон тосуп алып, коркутуп-үркүтүп акчаларын алышат, анын айынан келе жаткан жер-жемиштер да бузулуп жатат. Ушуга окшогон көрүнүш Кара-Кечеде дагы орун алган. Ал жерде бир да көмүр ташуучу унаа кримтоптордун мүчөлөрүнө салык төлөмөйүнчө жолго чыга албайт»,- деди Текебаев.
ИИМдин уюшкан кылмыштуулук боюнча кара тизмесине кирип калган «Ар-намыс» фракциясынын депутаты Бакытбек Жетигенов «бул таркатылган маалыматтын артында бирөөнүн кызыкчылыгы бар» деп чыкты. Анын пикиринде, саясий ишмердүүлүгүнө байланыштуу мындай тизмеге кирип калган. «Маалыматта мени Кара-Балтадагы уюшкан кылмыштуу топтун лидери Алмаз Бокушев менен бирге окуган деп жатышат. Биз менен дагы көптөр окуган. Министр Суранчиевдин оюнда, анын баары УКТнын мүчөлөрү окшойт» дейт Жетигенов. Абдылда Суранчиев «Ар-намыс» фракциясынын депутаты Бакыт Жетигеновду криматалыктардын бири Алмаз Бокушевдин жакын досу катары маалымат берген эле.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Shai

2014-08-26 12:01:48

Айнанайындар жергиликтуу кенештеле эмес Жогорку Кенеште ошолор мыйзам чыгарып отурбайбы. Талап тоногондор уурдаган уурулардын мыйзамы менен жашап келебиз бугунку кундо ошондуктан биздин Кыргызстандын акыбалы бугунку кундо ушундай болуп калды. Эн ишенген Ажобузду Акаев айтып атпайбы жазуучулардын 80 млн. акчасын синирип койгон деп анан ушул жетекчилерден эмне умут кылсак болот. Кыргызстан 13-район болуп калды.

akynbekov87

2014-08-26 21:46:21

ОПГ м-н саясатчынын айырмасы эмнеде? ОПГлар- бизнеси бар же незаконный жол м.н байлык топтогон , бироонун акысын жеген , козун май басып калып байлыгына чиркенген байлардан гана акча алат болуш к.к же уктунарбы кембагалдан салык алганын? Саясатчы- шайлоого чейин элдин ишенимине кирип алып шайланып, шайлоодон кийин ошол эле элдин казынасына минип алып, чет элден элге деп карыз алып, акчанын болбогон эле пайызын элге жумшамыш боло калып, озунун чонтогуно иштегендер эмесби???

ooki8888

2014-08-28 21:09:11

Омурбек мырза жакшы иш баштапсыз. Эми аягына чыгыныз. Башканын колунан келбейт эрдик.

Комментарий калтыруу үчүн өз ысымыңыз менен кириңиз же каттоодон өтүңүз.

№ 616, 22-август-28-август, 2014-ж