Максат Орозумбетов:«SUPER.KG – ЭКИНЧИ ҮЙҮМ»
Популярдуу сайттардын лидери болуп келе жаткан кыргыз тилдүү Super.kg порталынын колдонуучуларынын саны күн санап өсүп, аброю көтөрүлүүдө. Аталган сайтта талыкпай эмгектенип келе жаткан алып баруучулардын да күйөрмандары пайда болуп, эл арасында кызыгууну жаратып келишет. Анда эмесе сизди кызыктырган алып баруучулардын бири – Максат Орозумбетов.
Толук аты-жөнү – Максат Орозумбетов
Туулган жылы, күнү – 1989-жыл, 10-май
Туулган жери – Талас облусу, Кара-Буура району, Молдо-Асан айылы
Билими – Б.Бейшеналиева атындагы Искусство жана маданият университетинин 5-курсунун студенти
– Максат, Super.kg порталында качантан бери иштейсиң?
– Бул жакка 2011-жылдын ноябрь айында келгем. Ага чейин бир телеканалда бир жарым жылдай штаттан тышкаркы кабарчы болуп иштегем. Ал учурда айына 300-500 сом маяна алчумун. Акчадан кыйналып, кошумча кафеде официант болуп иштедим. Ал жерге мен интервью алган ырчылар келип калса, уялып жашынып калчумун. Намыстанганымдан маянасы көбүрөөк телеге кызматка орноштум, бирок «аңгектен качсаң дөңгөккө такаласың» дегендей, ал жакта деле жашоо жыргал эмес экен. Акыры Бекжан деген журналист досум «super.kg порталына корреспондент керек экен, барып көрбөйсүңбү» деп калды. Келип 4 күн иштеген соң штатка кабыл алындым.
– Журналист дайыма бир окуянын үстүндө жүрөт эмеспи. Сенде да жумуш учурунда кызыктуу окуялар болсо керек?
– «Түнкү көпөлөктөр» тууралуу репортаж жасаганым эсимде. Алардын уктаган жеринен баштап турган ордуна чейин иликтеп жүргөнүмдө, кыздар жашыруун камерамды байкап коюп таш менен уруп, кубалап жөнөшкөн. Мындай кызыктар көп эле болот. Негизи, журналисттер кандай кыйынчылык болбосун баарына даяр турушу керек. Кесибимдин арты менен эл-жер көрүп келем. «Атабыз» Кылычбек Султанов үзүрлүү эмгектенген кызматкерлердин катарына кошуп, Түркиянын Анталия шаарына эс алууга жолдомо берип, жумушка болгон кызыгуумду мурдагыдан да арттырып койду. Кыскасы, super.kg – менин экинчи үйүм.
– Сени Айпери Кубик кызынын клибинен көрүп калдык. Ага кандайча тартылып калдың?
– Айпери менен интервью учурунда таанышканбыз. Ошондон кийин ал-акыбал сурашып турчубуз. Анан бир күнү ал «менин клибимде кан соргуч жигиттин образын жаратып бериңизчи» деп сунуштады. Ойлонбой туруп макул болдум, себеби идеясы жакты. Ошентип кан соргуч болом деп 2 күн уктаган жокпуз. Уйкудан калган көздөр аягында өзү эле кызарып, кан соргучка айландык.
Нуркыз Курманбек кызы
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (32)
Азамат алып баруучу да!!! Адмиииин Максат байкенин номерин берип коюнуздарчы :)
aikow92, Мен сатам номерин , адресин %)
aikow92, Саламатсызбы!
Тилекке каршы, андай маалымат берилбейт.
Супердин акыркы учурдагы мыкты кабарчыларынын бири. Ишинизге ийгилик Максат!
Мыкты кабарчы катары тааныйбыз,иштерине ийгилик!
жакшы бала экени корунуп турат кесибин суйгон, ардактаган инсан экен. Негизи мен да супер инфодо иштегим келет аябай кызыгам ээде озумду силердин ордунарга коюп да кором. Коллективинерге кошуп алыныздарчы менде да аракет бар, чымын бар дегендей...
Мыкты кабарчы. Ишиңе ийгилик Максат! Сен да интервью убагында шайыр,жайдары жүрсөң жакшы болот.
Kylychbek Sultanov aivai jakwy adam eken, ozunun kyzmatkerlerin koldop ele turat, kyiyndy kyiyn ele dew kerek!!! Maksat iwterine iygilik, ozu tendu kop kyzdardy yilatchydai balada!!!
молодец максат клиптеги образын жакты красавчик болуп калыпсын ишинди да мыкты аткарасын анча мынча батынып бере албай турган суроолорду тайманбай бересин, ийгилик!
bul da menın jerdeshım eken ınım aldıga koygon maksattarına jete ber dagı bır jolu antalyaga kelsen konok bolup ket.
sokak kavas1 daıre1 Guzeloba Lara Antalya
tel 05319175887 Zahıda ejen
Келечекте коп ийгиликтерге жетиш, чексиз бийиктиктерди багынт! )))
Ozumdun baikem turvaibyy)))iygilik
Макс байке ийгилик! Таанымал инсандар менен чындыгында оор басырыктуулук менен жакшы маек курасыз.
KAHAT, кошулам.Алган интервьюлары маныздуу.
классный парень....очеееень нравится...молодец тааак держать
Жакшы алып барат, , жакшы журналисттердин бири! ! ишине ийгилик!
Ийгилик журналисттер элдин кузгусу.
Урматтуу супер инфонун жамааты!Кесиптешиниздер Максат Орозумбетовдон кабар берип койунуздарды суранабыз!Баягында камерасын алдырган б-ча кабары жок болуп кетти!Иштеп жатабы?Ден-соолугу жакшыбы?Кабар бериниздер!Алдын ала рахмат!
