Айзат Болотбек кызы: «БИЗДЕ ЭНЕРГИЯГА ТОЛГОН ЖАШТАР ЧОГУЛГАН»
Популярдуу сайттардын лидери болуп келе жаткан кыргыз тилдүү Super.kg порталынын колдонуучуларынын саны күн санап өсүп, аброю көтөрүлүүдө. Аталган сайтта талыкпай эмгектенип келе жаткан алып баруучулардын да күйөрмандары пайда болуп, эл арасында кызыгууну жаратып келишет. Анда эмесе сизди кызыктырган алып баруучулардын бири – Айзат Болотбек кызы.
Толук аты-жөнү – Айзат Болотбек кызы
Туулган жылы, күнү – 1991-жыл, 12-октябрь
Туулган жери – Ош облусу, Кара-Кулжа району, Чалма айылы
Билими – Бишкек гуманитардык университетинин журналистика факультетин аяктаган
– Айзат, бул порталга кандайча келип калдың?
– Студент кезимде «Супер-Инфо» гезитинде практика өтөп кеткем. Ошондо мени жамаат аябай жакшы кабыл алган эле. Көңүлүмө ушунчалык жагып калган экен, окуумду аяктаган соң Супер порталга келип орноштум.
– Сага super.kg порталында иштеген эмнеси менен жагат?
– Өзүм тартынчаак кызмын, бул жерде жамаат аябай жакшы. Эмгектенгенди да, эс алганды да билишет. Өз ишин мыкты билген кызматкерлер, энергияга толгон жаштар аябай көп. Улуу-кичүү дебей баары кеп-кеңешин айтып турушат. Жаңы келген кызматкерлер көнүшө албай кыйналып жатканын эч көргөн эмесмин.
Мен аябай бактылуу адаммын, анткени арзуу кылган кесибим менен иштеп келе жатам. Элге эмгеги сиңген белгилүү инсандар менен баарлашып, алардан интервью алам. Бул мен үчүн чоң жетишкендик. Жумушума байланыштуу үйгө кээде аябай кеч кирип барам, ошого карабай мени түшүнүп, колдоп турган ата-энеме ыраазымын.
– Порталдын колдонуучулары атактуулар менен катар силерге да сын айтып калышат. Чычалаган учурлар болду беле?
– Албетте, түрдүү сындарды угабыз. Эгерде сын жөндүү болсо, түз кабыл алып, кемчиликти жойгонго аракет кылам. Сын айтып жатабы, демек, бизди эл көрүп жатат. Бул нерсе кубандырат. Биз деле күндөн-күнгө өсүүнүн аракетиндебиз.
– Сени дагы клиптен көрүп калдык, кандайча сунуш түштү?
– Назми эженин «Классташтар» аттуу ырынын клибине күтүүсүз жерден тартылдым. Клиптин режиссёру Ренат аттуу жигит кабарчынын ролуна кыз издеп, биздин порталга келиптир. Анан директорубуз Бактыгүл Сокушова мага «клипке тартылбайсыңбы?» деп сунуштады. Каршы болбодум. Ал жерде чоң эмес чакан эле роль, өзүмдү өзүм ойнодум десем болот.
Нуркыз Курманбек кызы
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (42)
баары Айзаттын жердеши болуп чыктынар го
niet, ошону айтсан, Кара-Кулжалыктар эле супер окуйт окшойт э:)
Аял затына керектуу коооп жакшы сапаттардын ээси, акылдуулугу, токтоолугу менен ар бир кырдаалдан оной чыккан сулуу)))) Ийгилик!
ишинизге ийгилик каалайм ар дайым алга умтула берин Аллахым озу жар болсун инша АЛЛАХ
Айзат, Вам творческих успехов. Лично мне, Вы, очень нравитесь.
Азамат алдыгы умтула бер.ийгилик
Ооо мен да Кара-Кулжалыкмын... ишине ийиглик жердеш)))
Советтиктер жаман копко я
Ийгилик!!! Айпери Ганыжан кызын да жазгылачы
Desmond, эээээ админ сулууулаар, жазасынарбыыы???
сиз мага жагып калдыныз иштеринизге ийгилик....
Ишине ийгилик
Айзат аябай татынакай кызсын Жердеш болот экенбиз
Кызык,уй булоолук абалын жазбаптыр го????
Айзат соонун кызда жакшы алып барат кичине жылмайса аябай сулуу болуп калат ар дайым жылмайып журуусун каалайм
