ПРЕМЬЕРДИН КӨЗҮНЧӨ МИНИСТРЛЕР УРУШУШТУ

22-августта өкмөттүк жыйындын жүрүшүндө эмгек, миграция жана жаштар министри Алиясбек Алымкулов ички иштер министри Абдулда Суранчиевге сын айтып, премьер-министрдин көзүнчө «эшикке чык, эркекче сүйлөшөбүз» дегенге чейин барды. А.Алымкулов «ИИМдин жетекчиси туура эмес маалымат таратып жатат» деп ачууланды. Жыйындагы айтышуу тартылган видео учурда интернетте саякаттап, окуяга бүткүл коомчулук күбө болду. ИИМ атайын маалымат таратпаса да, айрым маалымат агенттиктер өздүк булактарга таянуу менен окуяны төмөнкүчө жазып чыгышты:
– Мындан 3 апта мурун Бишкек-Торугарт жолунда унаасын саатына 91 чакырым ылдамдыкта башкарып бара жаткан айым жол кайгуул кызматкерлери тарабынан токтотулган. Ал МАИчилердин документти көрсөтүү талабынан баш тартып, орой мамиле жасаган. Бул маалда унаанын жүргүнчүсү да түшүп, эмнеге токтотулгандыгын билүү үчүн инспекторлорго орой сүйлөп баштаган. Кийинчерээк бул адамдар эмгек, миграция жана жаштар министри А.Алымкулов жана унаанын айдоочусу анын жубайы экендиги белгилүү болуп, оозеки айтышуудан соң министр кечирим сурап, бирок айып пул төлөбөстөн жубайы менен кетип калган.
Окуяга байланыштуу комментарий берүүнү суранган журналисттердин суроолоруна министр Алымкулов «аталган факт боюнча комиссия түзүлүп, кимдики туура, ким айыптуу экендигин текшерет» дегенден башка кеп айтпады.
Ал эми ИИМдин басма сөз кызматы аталган окуя учурда жөнгө салынганын жана тараптардын бири-бирине дооматы жок экендигин билдирди.

Наргиза Бекжанова
Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

Patrik

2014-09-01 10:04:49

Экоону рингге чыгарыш керек болду

ruslan1969

2014-09-01 23:06:29

ит кутурсаээсин кабат

restreppo

2014-09-02 02:40:12

балык башынан сасыйт,министрлердин кылыгы жаш баланыкындай болуп жатса калганы кайда барат,субардинация деген нерсе болот,маиге штраф толобосо ал ким болуп калыптыр?демек мен да толобойм токтотушса мыйзам баарына бирдей,

USAROV

2014-09-02 06:56:00

Алиясбек Алымкулов эмне жумуш кылат билбейм. Бул министирлик мамлекетге гана чыгым. Жаштар министирлигин билим министирлигине кошуш керек. Министирликтерди азайтыш керек коп чыгым жумшабай. Аз бирок коп функцияларды аткарган министирликтерди тузуш керек. Кыргызстан калкыбыз аз болгону менен министир, депутат, генералдарга байбыз. Бийликтеги депутат, министр, окмот окулдору озунор учун креслонун санын кобойтпой сапатын кобойткулочу...

kipchak

2014-09-03 10:18:37

Ушул силердин мазкарапозчулугунар соокко отту го.

malik.87kg

2014-09-06 20:28:25

бул артистер да

asadillaevna

2014-09-07 05:05:07

министр болсо эле эмне мыйзамды тээлеп тепсесе боло берет экен да, Ички иште министирине ушинтип айьып аткан сон, жонокой маи инспекторлорун тэпкилеп эле салган боолушу керек

Комментарий калтыруу үчүн өз ысымыңыз менен кириңиз же каттоодон өтүңүз.

№ 617, 29-август-04-сентябрь, 2014-ж