Эл эңсеп күткөн «Курманжан датка» тарыхый тасмасынын бет ачары Эгемендүүлүктүн 23 жылдыгынын урматына 31-август күнү борбор калаабыздагы «Манас» кинотеатрында болду. Ачылыш аземге вице-премьер-министр Эльвира Сариева, маданият, маалымат жана туризм министри Камила Талиева, Жогорку Кеңештин депутаттары, маданият өкүлдөрү катышышты.
ТААСИРДҮҮ УЧУРЛАР ЖЕТИШПЕЙ КАЛЫПТЫР... Акылмандуулугу, кайраттуулугу, көрө билгичтиги менен жумурай журтка баш болуп, кыргыз элинин бүтүндүгү, азаттыгы үчүн күрөшүп тарыхта аты калган Алай ханышасы Курманжан датка тууралуу көркөм тасма көрүүчүлөрдүн сынына коюлду. Албетте, «Камчыбекти дарга асуу учурундагы Курманжандын «Ажалга тике кара!»деген таасирдүү сөзү жок, ошол эпизод көркүнө чыкпай калыптыр. Орус империясынын баскынчыл саясаты бүгүнкү саясатка байланып калыптыр» деген өңдүү сындар айтылууда. Бирок жалпысынан тасма көпчүлүктүн купулуна толуп, премьерага келген көрүүчүлөр орундарынан туруп алып кол чаап, ыраазычылык билдиришти. Кыргыз каскадёрлорунун тасмадагы аткарган ишин өзгөчө бөлүп көрсөтүүгө арзыптыр. Анан албетте, операторлордун милдетин мыкты аткарганы кино боюнча өзгөчө түшүнүккө ээ болбогон карапайым көрүүчүгө да байкалат. Кыргыздын керемет табияты бул картинада укмуш ачылып, актёрлордун оюнуна кошумча көрк бергени көрүнүп турат. Ачыгын айтыш керек, мамлекеттик масштабдагы тасманын ачылыш аземин көрүүчүлөр башкача элестеткен. Ачылыш аземге алгач президент Алмазбек Атамбаевдин келери күтүлүп жаткан. Бирок ажо аталган иш-чарага катышпады. Президент катышпайт дедиби же мындай иш-чараларды өз деңгээлинде өткөрүүчү адис жетишсизби, айтор, уюштуруу иштеринин жоопкерчилигин алган Маданият министрлиги бир топ баш аламандыкка жол берди. Башында кызыл килем болот деп жатышкан, андан кабар жок. Сахнага кимдер чыгып, ким сөз сүйлөөрүн билбей, тасманын режиссёру Садык Шер-Нияз абалды жөнгө салып, кино жаратуучуларды көрүүчүлөрдүн алдына чакырды. Кино жаратуучулар кубанычын бөлүшүп бүтө электе Камила Талиева микрофон талашып, сахнага Жогорку Кеңештин вице-спикери Бөдөш Мамырованы чакырып, микрофонду бошотуп берди. Эптеп-септеп тартылган тасмалардын ачылышында деле аземдин каадасын кылып кызыл килем, сүрөткө түшүүчү стенд дегендерди уюштурушчу эле, Маданият министрлиги мындай нерселерди эске албаптыр. Актёрлор «Манас» кинотеатрынын «Курманжан датка» фильми үчүн жасап сыртка коюп койгон афишаларынын жанында сүрөткө түшүп жатышты.
КӨРҮҮЧҮЛӨР ЭМНЕ ДЕЙТ? Тасма тууралуу учурда социалдык тармактарда кызуу талаш-тартыш жаралып жаткан кез. Мактап, «баракелде» дегендер толтура. Ошол эле учурда «Тасма 70 миллион сомго тартылгандай көрүнбөйт. Андай суммага мындан күчтүү фильм тартылмак» дегендер да чыгууда. Айрымдары болсо «массовканын аздыгынан согушкан, мушташкан эпизоддору толук ачылбай калган, спецэффекттер жетишсиз» деген түрдүү сындарды айтышууда.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (12)
Nur92
2014-09-08 10:39:00
Сындаганы кыйын тим эле.Тартылып жаткан учурда каражат жагынан жардам корсотуп коюшпайбы курсагын сылап жата беришпей!
0
ayakosya
2014-09-08 12:19:51
Тамада болсо деле министр болсо деле элдин кызматы. Кудай буйруса тойлорго да чакырып калаарбыз.
+2
Jamalym
2014-09-08 14:44:29
Талиева деген озу кооз суйлошту эле кыйын билет.Качан караба "приключение" менен журот.Маданияттын "м"сын тушунбогон адамды ал кызматка кантип коюшту,билбейм.Башка эле тармакты тандаса болмок.
Ал эми тасманы коро элекмин,бирок,рекламаларынан жакшы эле тартылган окшойт деп калдым.
+2
Leo.
2014-09-08 15:08:25
bizdi syndatyp ele koiso ee?
0
Gul.08
2014-09-08 18:10:21
Биз кантип кай жерден корсок болот???
0
kamarik
2014-09-09 10:06:32
ошо согуш массовкасы супсак дешти
0
Zarema94
2014-09-09 21:47:13
Курманжан Датканы 1-куйо0го берээрде жыланач кылып жуунтурганын тартпай к0йбоптур. Дуйн0лук денгээлдеги фильм болг0нд0н кийин болг0нд0 да кыргыз ханышасын тартып жатканда анын денгээлин тушурб0онун аракетин от0 кылдат ойл0нулушу керек эле. Кандайдыр бир супсак, чындыгында азыркы Россия менен саясатына караштырып к0юптур. Бирок башталышы жакшы,шугур.
0
Bella1
2014-09-10 22:52:28
Корбой туруп эле сындай берген болбой калат го дейм.
0
Aksy-13
2014-09-12 00:06:21
жакшы кино болуптур. Элина неге суйлобогон же тартылбай калганбы?
0
NUR.DIM
2014-09-12 18:34:38
Мен учун да ошол ."Ажалга тике кара" деген созу жетишпей туруп алды. Себеби кино корсотулот дегенден бери ошол эпизот кандай болду экен кантип айтты экен деп аябай кызыгып аткан элем
0
aigerim-almazbekova
2014-09-13 13:18:27
Jakshy tartylgan kino
0
janaz
2014-09-26 14:47:29
жакшы тартылган тасма болуптур мага озгочо элина Абай кызы жараткан образ жакты операторлор да жакшы иштеген бироок чындыгында эле массовка жетишпей калган жана э н маанилуу создор жок олумго тике кара деген жери (50 сомдун рекламасында жакшы же ошону туурабайлы дегенби айтор)
0
Комментарий калтыруу үчүн өз ысымыңыз менен кириңиз же каттоодон өтүңүз.
