ТЕКЕБАЕВ: «КУМТӨРДҮН» ЖЕТЕКЧИЛИГИ ШАНТАЖ КЫЛЫП ЖАТАТ»

«Эки жылдан бери парламент жана өкмөт «Кумтөрдүн» маселесин чече албай келет. Өкмөткө Жогорку Кеңеш кайра-кайра тапшырма берет, бирок иш андан ары жылбай жатат. Компаниянын жетекчилиги ишкананын иши токтотулат, ал жагдай бюджетти оор кырдаалга алып келиши мүмкүн деп шантаж кылууда. Мындай опузалоону токтотуу үчүн ушундай мыйзам киргизилип жатат»,- деди Жогорку Кеңештин депутаты Өмүрбек Текебаев 11-сентябрда.
Сөз болуп жаткан мыйзам долбоорунун демилгечиси да Ө.Текебаев. Мыйзамга ылайык, стратегиялык маанидеги ишкананын ишин токтоткон жетекчи 10-15 жылга эркинен ажыратылмакчы. «Стратегиялык маанидеги ишканалардын үзгүлтүксүз иштеп туруусу мамлекеттеги туруктуулуктун сакталышы, калк турмушунун жакшыруусу менен тыгыз байланышкан. Мисалы, «Кумтөр» кенин иштеткен компания ишти токтотуп коюп саботаж кылууга акысы жок»,- деп кошумчалады ал.
Депутат Улугбек Кочкоров бир ишкана үчүн мыйзам чыгаруу туура эместигин белгилеп, ал бардык компаниялар үчүн бирдей болушу керектигин айтты. Ал эми депутат Айнуру
Алтыбаева: «Акыркы 20 жыл ичинде өлкөгө ак ниеттүү инвесторлор менен катар абийирсиз да инвесторлор келди. Алар Кыргызстандагы социалдык-экономикалык маселелерден пайдаланып шантаж кылуу менен да иштеп жатышат. Бул мыйзам долбоорду колдойм»,- деди.
Мыйзам долбоору экинчи окууда добуш берүүгө жөнөтүлдү.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (14)

naaazka

2014-09-15 16:05:37

kumtor kumtorle deisiner je ech biriner bul problemany chechpediner

Patriot92

2014-09-15 17:24:19

Кумтор..Кандай чече албайсынар 120ман.что вы тут Копаете.

siezd

2014-09-15 18:41:48

ушул Текебаев супердин ар бир санында созсуз чыгат тоба президент да мынча коп чыкпайт

Polat

2014-09-15 19:26:59

Ар бир санында чыгып атса, значит балык депутат болбой иштеп жатат экен да..

-2

Nur45

2014-09-15 21:04:58

Polat, кайдан иштейт ххх. Иштесе эмдигиче Кыргызстан дубай болуп кетет эле го. Бирок акыл куч баары бар, эгер билсенер ушул адам башкарып жатат да. Жакшы иштесе мен Россияда балким журбосом керек эле.

admin_superstan

2014-09-16 09:48:15

Nur45, кимдир бирөөнүн кадыр-баркына шек келтирүүдөн алыс болуңуз! Эскертүү!

-2

bakaika

2014-09-16 12:59:59

Бул Текебаев дегенди, уккандан жадап кеттим , кичинемде Текебаев деп угат элем дагыле Текебаев.

jaazira13

2014-09-16 16:15:39

20 жылдан бери саясый сахнанын карышкыры, 2010 жылы эмне кылганын айтып берсе кызыктуурак болмок

Frunze1

2014-09-16 19:19:30

Текебаев 20 жылдан бери бийликте, 20 жылдан бери чечилбеген Кумтор эми чечилмек беле... Ишкананын токтобосу дегени оз чонтокторуно агылып жаткан алтындар токтоп калбасын дегени, элди ойлосо Кумторду улутташтырмак...

nagi82

2014-09-17 11:02:26

Кумтор деп канча жылдан бери ары бери кылбады суйлоп эле жататко

jaazira13

2014-09-18 16:21:40

nagi82, озунор билгендейле, мародерчулук боюнча теманы которушкондо гана башталдыго Кумтор деп

admin_superstan

2014-09-22 17:00:06

arisim, мазактоого жол жок! 3 күн БАН!

mi-li-na

2014-09-22 17:17:27

Эх бу Текебаев мырзанын да айтканын жону бар.23жыл бою Кумтордун алтынын казып центерра ташып кетип жатат,биздин май беттер сатып жатат,сатып жатат тоюшпай.Намыстуу башчылар,эл камын ойлогон косомдор,абийирдуу мамлекет ишчилери болгондо жок дегенде Кыргызстандын бир бурчу Колду укмуштуудай туристтик эс алуучу аймак кылып Дубайдай кылбаса да бир топ онуккон аймак кылса болот беле.Канадалыктар да жинди эмес да...уй ээси кемпай болсо, келген коногу башкарат болуп жатат да.

-1

jaazira13

2014-09-22 17:30:00

ал центеррада биздин саясатчылардын акциялары бар, кандалыктардын куноосу жок, айтып кетсем алтынды кыргызалтын сататта КОКтун тиешеси жок

Комментарий калтыруу үчүн өз ысымыңыз менен кириңиз же каттоодон өтүңүз.

№ 619, 12-сентябрь-18-сентябрь, 2014-ж