ИЮНЬ КАРГАШАСЫНЫН КАЙТАЛАНЫШЫН КААЛАП ЖАТЫШАБЫ?

23-сентябрь күнү Ош облусунда Жогорку Кеңештин депутаттары менен бейөкмөт уюмдарынын ортосунда провокация жыттанган окуя орун алды. Алдын ала план боюнча коомдук ишмерлер, укук коргоо органдарынын жетекчилигинен өкүлдөр, депутаттар, бейөкмөт уюмдарынын өкүлдөрү коопсуздук маселе боюнча тегерек столго чогулушкан. Бирок иш-чара чү дегенде эле башка өңүткө кетип, уюштуруучулар чогулгандарга өзбек улутундагы эркек киши аялынын 2010-жылы кандайча зордукталганын айтып бергени тууралуу видеобаянды көрсөтүп башташкан. Тегерек столдун катышуучулары видеобаянды аягына чейин көрсөтпөй токтотушуп, бул иш-чараны уюштуруучулардын провокациясы катары баалап, «дагы бир согушту баштагыңар келип жатабы?» деп иш-чарага катышуудан баш тартып, залдан чыгып кетишкен.
Тегерек столго конок катары чакырылган Жогорку Кеңештин депутаты Назарали Арипов: «Биз 2010-жылдагы окуяны эмес, гендердик саясатты талкуулашыбыз керек болчу. Күтүүсүздөн эле видео көрсөтүлө баштады. Нааразычылыктар орун алып, тасманы токтоттурдук»,- деди. Депутат өткөн жараны ырбатып, чагымчылдыкка баруунун кереги жок экенин айтып, тасманы көрсөтүү бейөкмөт уюмдары тарабынан уюштурулганын билдирди. Ал эми уюштуруучулар тасма аялдардын укугун коргоо максатында гана көрсөтүлгөнүн айтышууда. Аталган тегерек столду БУУнун өнүктүрүү программасынын өкүлдөрү уюштурушкан.

Наргиза Бекжанова,
Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

admin_superstan

2014-09-29 10:58:05

citizen, коомдук адепке туура келбеген сөздөргө тыюу салынган! 10 күн БАН!

-1

skatoruk

2014-09-29 12:34:12

тынчтык жок экен да ушул жамандардын айынан.

asil-08

2014-09-29 13:36:19

биринчи текшерип туруп анан коюшпайбы, бизге тынчтык керек кайра согуш болушун каалабайбыз

Nurmuxammet

2014-09-29 14:58:29

Bei okmot uiumdary bizdi ondurbait ko

nasi00

2014-09-29 16:45:46

Ушуларчы жаман тажатышты кыларга иштери жок каяктагы пайдасыз нерселерди уюштуруп кимге кереги бар анын аялын зордуктаса чала болуптур эмне учун оз жерибизде озубузго куйгон жан жок алар биздин законго баш ийбесе биздин калк жакпаса бугундон калбай чыгып кетишсин!!!

elish87

2014-09-29 23:04:42

депутаттардын кереги деле жок озу всё равно мыйзамдары иштевейт жакшысы аларды жоюп 1баш шайлаш керек и всё

mr_baigazy

2014-09-30 01:56:17

"Аталган тегерек столду БУУнун
өнүктүрүү программасынын өкүлдөрү
уюштурушкан." Мына сагаа

bars_wire

2014-09-30 18:44:48

аа эмнеге озбек улутундагы аял.эмне кыргыз кыз-келиндер зордукталбаптырбы,керек болсо Алай госницасынын жанында,ОшГУ жатаканасында жашаган канчалаган кыздар бейкуноо олуп,зордукталды.Ошолордун бири алайлык кыз псих.болуп даже психолоктор жардам бералган жок.бирок азыр тируубу билбейм.оз элин угалбаган макулуктар.

demo009

2014-10-01 15:47:28

Видеобаянды көрсөттүргөн адам өзү өзбек болсо керек да,депутат дагы аягына чейин көрүп туруп,суроону кабыргасынан коюш керек эле.Кандай мааниде койдуңар деп.

gulperi.kg

2014-10-02 00:11:31

тынч жашайлычы.Бул жерде кыргыз озбек деп болунуп эч ким урушкан эмес.Болгону акчасы кобойуп кылаарга иши жок атка минерлердин былык ишинин айынан бей куноо бечара элдер жабыр тартып олуп кетип атышат.

Комментарий калтыруу үчүн өз ысымыңыз менен кириңиз же каттоодон өтүңүз.

№ 621, 26-сентябрь-2-октябрь, 2014-ж