ЛИРА РАИМБЕКОВА КАФЕДЕ ОФИЦИАНТ МЕНЕН УРУШТУБУ?

Биздин редакцияга окурмандар көп чалышат. Бул ирет өзүн Бишкек шаарындагы «Жибек Жолу» кафесинин официантымын деп тааныштырган кыз байланышты. Ал эс алганы келген кардарлар менен түшүнбөстүктөр жаралып, эки кардар айым аны менен чачташып урушуп кеткенин айтат. Маалыматтын чын-төгүнүн билүү максатында биз аталган жайга барып, кардарлар менен уруша кеткен Эля аттуу кызга жолугуп, окуянын чоо-жайын өз оозунан уктук: «19-сентябрь күнү түнкү саат 12ден өткөндө эки аял жана 3 эркек биздин кафеге келип тамактанышкан. Кетерде 1087 сомдук төлөм кагазды алып келсем аялдардын бири «Биз музыкага төлөбөйбүз, менин ким экенимди билбейсиңби? Администраторду чакыр!» деп чыкты. Жанымдагылар бул аялдын Лира Раимбекова экенин айтышты. Негизи, музыкага киши башына 100 сомдон аларыбызды алар менюдан окушкан болчу. Жыйынтыгында ортобузда чыр чыгып, ырчы айым курбусу экөөлөп мага кол көтөрүштү. Ырчы колумду тиштеп, курбусу табарсыгыма бир тепти. Муну ошол күнү чыккан соттук-медициналык экспертизанын жыйынтыктары тастыктайт. Алар менен жулмалашып жатып ырчы айымдын курбусунун бетин тырмагым чийип кетиптир. Аягында алар тааныш милиция кызматкерлерине телефон чалып, жеген-ичкендерине да төлөбөстөн кетип калышты.
Бул окуя тууралуу Свердлов РИИБине арыз жазгам, алар «3 күндөн кийин сиздерге өзүбүз байланышабыз» деген. Мына, 6 күн болду, дайындары жок. Чалсак ар кайсы шылтоону айтып кутулушат. Менин талабым, ырчылар жеген-ичкенин жана моралдык чыгым төлөсүн» деген официант кол телефонуна тартып алган видеону көрсөттү. Видеодо ырчыга түспөлдөш айымдын кыйкырып, ар ким менен урушуп, «Менин атымды, фамилиямды айтууга кандай акың бар?!» деп жинденип жатканы көрүнөт. Ошондой эле айланадагылардын «бул ырчы, ырчы» деп өз ара сүйлөшкөнү угулат. Бирок ал айымдын чын эле Лира Раимбекова экендиги расмий түрдө тактала элек.
Окуя тууралуу Лира Раимбековага кайрылып, андан «мен ал кафеге барып көргөн эмесмин, алар мени адаштырып жатышса керек» деген жоопту уктук. Ал эми Бишкек
ШИИББинин басма сөз кызматкери Олжобай Казабаев «Свердлов РИИБине бул окуяга байланыштуу арыз келип түшкөн эмес экен» деген маалымат берди.

star@super.kg

Кыстарылган видео

Ырчы Лира Раимбекова офицантты сабаптыр

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (44)

Aiperi0105

2014-09-30 11:12:34

ужас

datkaaiym

2014-09-30 14:15:05

жээрин жеп алып уят да дагы кызымдай болгон немесин деп коет ошол озундун кызынды кой да ордуна ХХХ ХХХ ХХХ

admin_superstan

2014-09-30 14:27:27

datkaaiym, мазактоодон алыс болуңуз!

operaledi

2014-09-30 18:32:03

Кандай гана жылдыз болбо, кандай гана чиновник болбо, баары бир адамсын! Мендей адамсын, 2 кол, 2 бут, 2 коз. Менден ашып кеткен жоксун! Акчан болсо, анын баары кунумдук, бугун бар да, эртен жок! Кошо ала жатпайсын!Адам бойдон калалы!!!

tavsan

2014-09-30 19:51:21

Соз жок, ушундай нерседен кийин Лира Раимбекованы эл сыйлабай деле калат,анча деле коп акча эмнс экен толоп эле кетпейт беле,100 сом музыка учун тологусу келбей ажылдабай базардагы ажаан катындардай болбой

temirov76

2014-09-30 20:29:51

Мен бул эже ырдаганда жан дуйном менен берилип укчумун,корсо ыры жакшы мунозу чатак турбайбы э

roza.90

2014-10-01 02:27:46

1-курста мен да официант болуп иштегем,ошондо(атын атабай эле коеун)бир корунуктуу ырчы 200сом учун ызы чуу салган.Эркек башы менен ажылдашып кыйкырып кыхдарды согуп кеткен.А тема боюнча айтсак Лира Райымбекова экени айдан ачык корунуп турат го,мен эмесмин деп танганыга кудкун келет.Просто ууууужаааас

MARINA78

2014-10-01 15:10:49

Арыз жазган кыз иштеген жердин администратолору эмнеге кызга жардам беришпеди экен канча адам кубо болгондур

Meerim1807

2014-10-01 15:32:38

Ушундай да болобу менин ким экенимди билесинби деп кекеткен.Л.Р болсо озуно да,кашыктап чогултканын чомучтоп тогуптур да болбосо

aniraz.zari

2014-10-04 16:14:32

Atyn 4ykpasa jer ortto degendei bolupturgo.Kopton beri korunboi kaldy ele....

jazka8586

2014-10-04 22:39:32

Иий бетим уят! уят! Намысынар кайда!

Dolce-93

2014-10-05 02:55:26

Официант

-1

altun.kairat

2014-10-05 20:25:23

Бир нерсе деп жыйынтык чыгаруу кыйын,такталбаган маалымат

Frunze1

2014-10-05 20:42:49

куноо кимден кеткен билуу керек, официантка да токумун жеген кыз го, негизи музыкага заказ бергендер, бийлегендер толош керек, жон отуруп тамактанып откон кеткендерден суйлошуп отургандардан да музыкага деп тоной берсе ынсаптуубу, не за что 500 сом эч ким бергиси келбейт, лучше мындай кафелерге барбай кою керек...

Frunze1

2014-10-05 20:44:58

музыкага зордоп толттурмок беленер, 587 сом ал да койо бер, башка ырчы болгодо абийриме шек келтирди деп кафени сотко бермек миллиондорго жыгып...

-1

alibekova94

2014-10-06 17:44:00

Суроттон ХХХ корунот экен канча жашта озу

admin_superstan

2014-10-06 17:54:59

alibekova94, кемсинтүүдөн алыс болуңуз.

Комментарий калтыруу үчүн өз ысымыңыз менен кириңиз же каттоодон өтүңүз.

№ 621, 26-сентябрь-2-октябрь, 2014-ж