Жер төлөдө жыйылган салаттардын түрү кожойкенин ашканада мыктылыгын айгинелейт. Анда эмесе, мыкты кожойкелердин салат куржунун төмөнкү рецепттер менен толуктайбыз.
КӨК ПОМИДОРДОН САЛАТ
Керектелүүчү азыктар:
Даярдоо ыкмасы:
1. Пияз менен сабиздин кабыгын аарчып, болгар калемпирлерин данегинен тазалап алабыз.
2. Пияз, сабиз, болгар калемпирин, помидорду тазалап-жууйбуз.
3. Сабизди жоон тиштүү сүргүчтөн өткөрөбүз.
4. Пиязды жарым шакекче, болгар калемпирин узун-узун ичке, помидорду шакекче кылып туурайбыз.
5. Тууралган жашылчалардын баарын чуңкур идишке салып, ага май, кумшекер, уксус, туз кошуп аралаштырып, 15-20 мүнөт тыныктырып коёбуз.
6. Салатты алдын ала бууланган 1 литрлик банкаларга салып, идиште калган ширесин бөлүштүрүп куябыз.
7. Чуңкур идишке банкаларды салып, сыртынан 30-35 мүнөт кайнатабыз.
8. Банкалардын капкагын бекитип, көмкөрүп, жылуу ороп коюңуз.
«КЫШ КОЖОЮНУ»
Керектелүүчү азыктар:
Даярдоо ыкмасы:
1. Бадыраңды 1 саат муздак сууга чылап коюу керек.
2. Бадыраң менен пиязды жууп, жарым шакекче кылып кесебиз да, чуңкур идишке салып, туз кошуп аралаштырып, ширеси бөлүнүп чыккыча 30 мүнөт коюп коёбуз.
3. Укропту таза жууп, каалаган формада туурайбыз.
4. Сырдалган мискейге кара тоголок мурч, уксус, кумшекерди салып аралаштырабыз. Үстүнө бадыраң менен пияз аралашмасын, укропту кошуп жай отко кайнагыча коёбуз.
5. Кайнап чыгары менен оттон алып, алдын ала бууланган банкаларга салабыз да, үстүнө мискейде калган ширесин куябыз.
6. Банкалардын оозун бекитебиз. Кыртылдаган бадыраң кышка даяр!
КИМЧИ
Керектелүүчү азыктар:
Эскертүү: Бул азыктарга кошумча сельдерей, көк пияз кошсоңуз болот, ага жараша капустанын өлчөмүн көбөйтөсүз.
Даярдоо ыкмасы:
1. Капустаны жууп-тазалап, тең экиге узатасынан бөлүп, чуңкур идишке салабыз.
2. Муздак суунун 1 литрине 1-1,5 аш кашыктан туз салып, капустаны көмгүдөй өлчөмдө даярдап алабыз. Туздуу сууну капустанын үстүнө куюп, оор нерсе менен бастырабыз. 1 күн тыныктырып коюу керек.
3. 1 күндөн кийин капустанын ичине салынчу аралашманы даярдап алабыз. Калемпирди, сабизди, сарымсакты эт туурагычтан, имбирди сүргүчтөн өткөрүп алабыз. Баарын идишке салып, 0,5 чай кашык туз, кумшекер кошуп аралаштырабыз.
4. Капустаны туздуу суудан алып чыгып, жалбырактарынын арасына аралашманы сүйкөйбүз.
5. 2 бөлүгүнө тең аралашма сүйкөлүп бүткөндө капустаны кайра бириктиребиз.
6. Капустаны сырдалган же айнек идишке салып, калган туздуу суудан бир аз куюп, үстүн оор нерсе менен бастырып коёбуз.
Айымдар, сизде тиричилик үчүн керек болгон пайдалуу кеңештер, дасторконду жасалгалоо, түрлөп тамак бышыруу баш ооруңуз болсо, мындан ары ал маселеңиз жоголот. Гезитибиздин ар санында «Кожойкенин бурчу» рубрикабыз сиздер үчүн кызмат кылат. Сунуштарыңыз, сурооңуз болсо (0312) 32-33-26 номерине чалып же kenesh@super.kg дарегине кат жазсаңыз болот.
Асыл Орозбекова
kenesh@super.kg