Темир Сариев: «БАЖЫ БИРИМДИГИНЕ КИРСЕК ЭЛЕ БААРЫ ЖЫРГАЛ БОЛОТ ДЕЙ АЛБАЙМ»

Жогорку Кеңеште 2-октябрда Кыргызстандын Бажы биримдигине киришине тийиштүү мыйзам долбоорлорунун топтому каралды. Көпчүлүк депутаттар «Биримдикке киргени менен, Кыргызстан кайсы продукциясын экспорттойт, өзүбүздөн арткан эмне бар?» деп суроо салышты. Айыл чарба жана мелиорация министри Таалайбек Айдаралиев картошка, эт, жашылча-жемиштер экспорттоло турганын айтты. «Быйыл сентябрга чейин 194 миң тонна жашылча-жемиш экспорттолду. Бир күндө 1-1,5 миң тонна продукция экспорттолууда, ушуларды анализ кылып жатабыз»,- деп билдирди министр.
Депутат Алтынбек Сулайманов Экономика министри Темир Сариевге «Бажы биримдигине киргенден кийин Кыргызстандын товарларынын экспорту көбөйөт деп жатасыздар. Чет мамлекетке кайсы товарды экспорттойбуз? Сиз эртең Кыргызстан кыйналбайт деп кепилдик бере аласызбы?» деп суроо салды. Сариев кепилдик жок экенин билдирди. «Кыргызстан Бажы биримдигине кирсе эле баары бал каймак болот деп айта албайм»,- деди Т.Сариев.
Ал эми депутат Улукбек Кочкоров: «Элдин 90 пайызы Бажы биримдигине кирүүнү колдоп жатат деп айтуудан уялыш керек»,- деди. Анын айтымында, жалпы эл Кыргызстандын Бажы биримдигине кирүүсүн колдобойт. «Мен эки-үч күн мурун Баткен эли менен жолугушуп келдим. Эл «чек араны Орусия коргоп берет» деген ойдо биримдикке кирүүнү колдоп берели деп жатат. Бирок жалпы эл колдогон жок»,- деди ал.
Жооп иретинде Сариев: «Элдин айтканын айткандан эмнеге уялышым керек? Сурамжылоодо ушундай көрсөткүч болуп жатат»,- деди. Ошондой эле министрдин айтымында, Бажы биримдигине кирген соң залалдары болуп калса, жоопкерчиликти өкмөт алат. Спикер Асылбек Жээнбеков Жогорку Кеңеш чечим кабыл алып, ага президент кол коёрун айтты.

Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

Baktiar93

2014-10-06 11:01:57

90%деген соз уят да уялбай кантип айтышты?! Мен бир жандан укпадым макулмун деп айтканын. Бул бийлик озум билдим кылып жатат. Эл 80% каршы

Frunze1

2014-10-06 14:49:05

Сариевдин сурамжылоосуна ким катышыптыр, ЖК менен Окмоттогулор болсо керек да элдин атынан суйлоп конуп калышкан... БСна элдин 70-80%ти каршы. Ишенбесе 5-10 адамдан эмес кеминде 10-20 адамдан, Кыргызстандын ар булун-бурчунан сурасын... Эсинердеби 2010 ЖК шайлоосундагы сурамжылоолор менен шайлоо жыйынтыгынын кескин айырмасын, анткени Бишкектен сырткары 4 миллион эл бар, басымдуу болугу элетте жашаган!!!

Frunze1

2014-10-06 14:50:56

БС Кыргызстанга жыргализм алып келбесе анда кирип эмне кылабыз, аран эгемендикке жеткенде кайра коз каранды болуп Москванын козун карап короосун шыпырып, идиш-аягын, туалетин жууп беруу учунбу?!!!

orun

2014-10-06 15:22:56

Кыргыз элинин 99,9 % пайызы Бажы биримдигине каршы. Жаңы жылдан кийин 3-революция болуп кетпесе болду. Аллах өзү сактасын!!! Бирок мен азыркы бийликтин бийликтен кетишин каалаймын, бул менин жеке пикирим.

orun

2014-10-06 15:29:23

edu.kg

2014-10-06 16:10:12

Каршы экендигин билип туруп эмнеге киргизип жатышат? Окумот оз мойунуна алат деп койот эмнени алат качан эле оз мойунуна алып жыргатты эле кичине карапайым калкка карасанар боло.. Чындыгында эмнени экспортойт кызык бул окмот . Озубуздон артмактурсун тентип аржерде журобузго жетишпегендиктен. Менин козумо ушуо окмот бир орго тыгып жаткандай эле корунуп жатат кудайым сактасын.

ekaterina

2014-10-06 17:12:52

келечек бар экенине да ишеенбей кетем Кыргызстандын

Wave.

2014-10-06 17:34:33

ТСга кирбесек, эртен жашыл адамдар келип тополон чыгарышы мумкун. Ошондуктан кирууго мажбурбуз. Бирок кируу шарттары Кыргызстандын элине мумкун болушунча ыйнгайлуу, пайдалуу, экономикабызга жана элдин жашоо шартына зыян келбегендей кылып киришибиз керек болчу. Бул эшекке минерлер оз билгенин кылып жатат окшойт. Мына бир эле чети: Растаможка ушунчалык да кымбаттайбы? ТСнын башка мучолорунон биздин чонтогубуз алда-канча жука. Ошонун баарын эске алыш керек. Антпесек биз толук коз каранды болобуз...

mbk

2014-10-07 13:11:54

уже коз каранды болуп калдык

Mononoke

2014-10-07 22:20:40

Ана эми кордунорбу АША эмнелерди кылып жатат,,,акаевдин убагы жакшы эле кайран,,,Путинге откоруп жатат Кыргызстанды.

sher90kgz

2014-11-04 03:02:47

Б.С десе эле кыргызстан бир жолу отмок беле.эконимака осот миссалга алсан;белоруссия 10 олконун ичинде акыры болчу эконимика боюнча 1 жылдын ичинде 6 местага чыкты.россия.казакстан и белоруссия товарын бирибирине экспорт кылып эле эконимкасын которуп алышты ошого кыргыздар кошулса жаманбы.. чондор да урдап жей албайт болчу.азыр кошула элекбиз 1 кг картошканы алып оттуш отто кыйын Б.Сга кошулса кенири отто бересин ошо тобар менен. ошо 1 кг картошканы орусияда 25руб а кыргызстанда 20 сом ортодо ка

sher90kgz

2014-11-04 03:08:23

ошо 25руб ды кыргызстанга которсон 38 сом болот ошонун эмнеси жаман же кошулбай чондорго жедирип жатканыбыз онбу.биздин чондор оздорунун чонтогун ойлоп жатышат БСга кошулса аз жеп калабыз деп эл каршы эмес 99%...1% экономикага тушунбогондор каршы

Комментарий калтыруу үчүн өз ысымыңыз менен кириңиз же каттоодон өтүңүз.

№ 622, 3-октябрь-9-октябрь, 2014-ж