АЛМАЗБЕК АТАМБАЕВ ӨКМӨТТҮН ЭЛЕКТР ЭНЕРГИЯСЫН ЧЕКТӨӨ ЧЕЧИМИН СЫНГА АЛДЫ

«Өкмөт энергетикадагы кризистик абалдан чыгуунун жолун элди жарык менен жылуулуктан чектебей туруп табышы керек». Мындай пикирин өлкө башчысы Алмазбек Атамбаев 9-октябрда билдирди.
– Өкмөттүн пассивдүү позициясы, чиновниктердин жоопкерчилик алуудан качуусу энергетика тармагында жакшы такталып, терең ойлонулбаган чечимдердин чыгышына алып келди. Суунун тартыштыгынан быйыл электр энергиясын иштеп чыгуу мүмкүнчүлүгү азайганын эл түшүнүп турат. Ошентсе да тиешелүү чиновниктердин кышка жетиштүү электр энергиясын үнөмдөө үчүн элди, өндүрүүчүлөрдү жарыксыз калтыруу чечимин терең жаңылыштык деп эсептейм,- деди президент.
Ажо өкмөткө электр энергиясын башка өлкөлөрдөн да сатып алуу тапшырмасын бергендигин айтат: «Ооба, ал бизде иштелип чыккан электр энергиясынан кымбат болору түшүнүктүү. Бирок Кыргызстандын басымдуу бөлүгү кышкы суукта жарыксыз, жылуулуксуз, телевизор жана башка ыңгай-шарты жок отургандан көрө кымбатыраак болсо да электр энергиясына төлөөнү туура көрүшөт деп ишенем. Өкмөт элге ачык айтууну үйрөнүшү керек. Эгер энергосистемдин коопсуз иштөөсү үчүн убактылуу жарыкты өчүрүүгө туура келсе, аны элге ачык айтуу зарыл. Кандай чектөөлөр болбосун, биринчи кезекте карапайым калктын кызыкчылыгы эске алынышы шарт. Эл ачык-айкын сүйлөшүүнү жактырат. Калк энергетика тармагындагы абалга чиновниктерден кем эмес тынчсызданып турган чагы».
Буга чейин Камила Талиева, Абдылда Суранчиевдер министрлик кызматтан кеткенде «эмнеге энергетика министри алмашылган жок, ириде ошону алмаштыруу керек» деген пикирлер өтө көп айтылып жаткан. Өлкө башчысы да ушундай ойду билдирди. «Осмонбек Артыкбаевди таза, чынчыл жетекчи деп санайм. Бирок бүгүнкү абалда Энергетика жана өнөр жай министрлигине бул тармакты мыкты билген менеджер керек деп эсептейм» деди Атамбаев.
Осмонбек Артыкбаев өз дарегине айтылган мындай сынды негиздүү деп эсептей турганын айтып, отставкага кетүү боюнча арыз жазганы белгилүү болду.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (15)

_KipchaK_

2014-10-13 10:20:14

Ушу бизде министрлер калпактай эле алмашып журот. Бироонон "толк" чыккыдай эмес. ХХХ ХХХ ХХХ...

admin_superstan

2014-10-13 10:48:23

_KipchaK_, провокацияга жол жок! 10 саат БАН!

-1

ayakosya

2014-10-13 10:37:15

БАН берекей жок э.

admin_superstan

2014-10-13 10:49:12

ayakosya, провокацияга жол жок! 5 саат БАН!

Wave.

2014-10-13 11:18:11

Бийлик, элге жакшы нерсе кылып ататбыз деп калп эле иштемиш болбой эле койгула.
Силер жон гана элге тоскоол болбогула! Ар ким озунун тиричилигин кылып атат.

Frunze1

2014-10-13 14:56:09

Жазда Окмот алмашып жатканда айткам, бул элди сооротуу учун жасалган кадам, эч кандай жылыш, озгоруу болбойт, бийлик убакыттан утуу учун бул кадамга барып жатат, ал эми бийликке убакыт элди, казынаны карактоо, байлык топтоо учун керек деп айткам, баары мен айткандай эле болду же жакшы саамалыктар болуп элдин жашоосу онолдубу, жок кайра кундон кунго бетер, кыйын болуп баратат, бир бензинден мамлекет литрине 10-15 сом жеп жаткан сон... Санаса том том болот, бир соз менен жаш бала да билип калды

Frunze1

2014-10-13 14:58:16

Кимдин ким экенин...

bepiev91

2014-10-13 17:36:18

Мурда баардык нерсеге Бакиев кунолуу эле эми акырыыын окмотко шылтайт окшойт.

Nurmuxammet

2014-10-13 19:21:38

bepiev91, Ошону айтамын да. Азыр оппозицияда эмес сындагыдай иштеш керек.

SRT

2014-10-14 19:40:23

bepiev91, Эртен бир нерсе болсо мен озу ошондо эле айткамын деп актана турган 1 варияант. Солярка арзан бензин кымбат ушуну да бироого туштап кой эми кеч боло электе.

maksnarin

2014-10-13 18:16:55

Очпосо болду толойбуз да эптеп п.с.жеке оюм

kanatkayrat

2014-10-14 20:07:17

менин ойумча электр энергиясынын баасын которуунун жолун издеп жатышат окшойт.(Атамбаевдин айтуусуна караганда)

floris

2014-10-16 20:02:26

Канаткайраттын созуно кошулам,анткени баардыгы которулуп жатпайбы.Электр арзан калып калса анда кандай болот,ойлонгула достор.

admin_superstan

2014-10-17 10:10:00

Jigito, бир же бир нече бөлүмдө бир нече окшош (жазылышы гана эмес, мааниси да) билдирүүлөрдү жазууга тыюу салынган! Билдирүүңүз өчүрүлдү.

shirin27

2014-10-17 23:53:12

elektr energiyani kotorobuz degendi kagazga orop suylop jatishat,

Комментарий калтыруу үчүн өз ысымыңыз менен кириңиз же каттоодон өтүңүз.

№ 623, 10-октябрь-16-октябрь, 2014-ж