ТҮГӨЛБАЙ КАЗАКОВ ЭМНЕГЕ ТОКТОГУЛ СЫЙЛЫГЫН АЛБАЙ КАЛДЫ?

Чыгармачыл чөйрөдө өкмөткө таарынычы барлардын «сыйлыкка байланган эмесмин, үйүмө алып келишсе да албайм, эл бааласа болгону» деген кептери бар. Ошол эле учурда сыйлык алууга талапкерлигин көрсөтүп, «бул татыктуу, ал татыктуу эмес, сатып алды» деген сөзгө калгандар көп. Бул саам Токтогул атындагы мамлекеттик сыйлыкты алууга талапкерлигин койгондордун айланасында уу-дуу кептер орун алды. «Эмнеге кыргыздын классикага айланган ырларын жараткан обончу Түгөлбай Казаков эмес, композитор Турдубек Чокиев Токтогул сыйлыгын алышы керек?» деп басылмалар да жазып чыкты. Бул суроого аталган сыйлыкты ыйгаруу комитетинин төрагасы Акылбек Абдыкалыков мындайча жооп берди:
«Токтогул атындагы мамлекеттик сыйлык акыркы үч жыл аралыгында жарык көрүп, элге кеңири жайылган чыгарманын авторуна гана берилет. Мурда жаралган мыкты эмгектер эске алынбайт. Мисалы, Түгөлбай Казаковдун мыкты эмгектери бар, бирок ал эмгектерин убагында көрсөтүшү керек эле. Ал эми Турдубек Чокиев «Алтын уя» опереттасы үчүн комитеттин 25 мүчөсүнүн колдоосуна алынды. Бул колдоо өкмөткө жиберилген, президент качан кол койсо ошондо тапшырылат».

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

Asman...

2014-10-13 09:42:26

Силер каалаган адамыңарга берип коё бересинер да. Абдылдага бере элек сыйлыгынарды Жанета Бобковага бергенсиңер. Абдылда ким Жанета ким? Силерге кызыктырбайт, ким талаттуу ким таланттуу эмес.

baiysh0704

2014-10-13 20:18:03

Ж Бобковага кайсыл эмгеги учун беришкен?Жанетта акынбы же ырчыбы,эч бир нерсеси жок да.Бир уйго бир наам жетет го Бобковдорго.

Proffi70

2014-10-14 15:36:46

Туголбай Казаков андай сыйлыктын онуна татыктуу.

Kg.lady

2014-10-15 21:50:59

Турдубек Чокуев дегенди эми угуп жатам.
А Туголбай Казаков дегенделе казак, кыргыздар арасында жамгыр токту деген ыры биринчи эске келет.

konya

2014-10-16 15:41:22

Чокиев деле Токтогул атындагы сыйлыкка эчак эле татыган адам коп эмгектери менен танышып журобуз акыркы жылдарда бир канча эмгектери жарык корду. Билими дагы жетиштуу

Комментарий калтыруу үчүн өз ысымыңыз менен кириңиз же каттоодон өтүңүз.

№ 623, 10-октябрь-16-октябрь, 2014-ж