«ЧАЧЫМ ТҮШҮП ЖАТАТ, ТАЗ БОЛУП КАЛБАЙМЫНБЫ?»
– Башымды жууганда, тараганда же болбосо жөн гана жайып жүрсөм да чачым тутамдап түшүп ыңгайсыздык жаратат. Курбуларымдан сурасам, алардыкы жазында бир аз түшөт экен, меники бардык учурда түшөт. Чачымдын баары түшүп, таз болуп калбаймынбы? Бул маселеден кандай жол менен арылса болот?
Алия, Нарын шаары
– Чач түшүү – бул оору. Туура эмес тамактануудан, тамак жакшы сиңбей калганда, өт, боор жакшы иштебегенден, витаминдердин жетишсиздигинен да чач түшөт. Чачка туура эмес кам көрүүдөн да маселе жаралат. Жулмалап ар кандай чач жасалга жасоо, кышында сыртта жылаңбаш жүрүү жана стресс да чачтын түшүшүнө жеткирет.
1. Ар нерсеге ачууланбай, өзүңүздү тең салмакта алып жүрүңүз. Убагында жана 7 сааттан кем эмес уктоо зарыл.
2. Витаминдерди, кальций, цинк ичиңиз.
3. Чачтын түбүн жакшыртып, калыпка келтире турган «настойка стручкого перца» деген бар. Бир жумада эки жолу чачтын түбүнө ошол боткону сүйкөш керек. Андан сырткары пияздын ширесин чачтын түбүнө сүйкөп, башты жылуу ороп жатыңыз. Эртең менен шампунь колдонуп, жылуу суу менен чайкап коюңуз.
4. Жашылеча-жемиштерди, сүт азыктарын көбүрөөк жеңиз.
5. Чач түшүп жаткан убакта таракты азыраак колдонуңуз. Колуңуз менен башыңызды жеңил укалап туруу сунушталат. 6. Күндүн түз тийген нурунан, сууктан коргонуңуз. Суукта баш кийим кийиңиз, бирок башты кыспаганын тандоо оң.
Сиздердин сурооңуздарга врач-дерматолог, косметолог АЙНУРА САГЫНБАЕВА жооп берди.
«Адистин кеңеши» рубрикабыз сиздер менен бирге иш алып бармакчы. Юридикалык, медициналык, психологиялык кеңешке муктаж болсоңуз, бизге кайрылыңыз.
Суроолорду (0312) 32 33 26 номери аркылуу берсеңиздер болот же kenesh@super.kg дарегине кат жазыңыз.
Жибек Мурсакматова
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (11)
Чалканды сууга салып кайнатып,ошонун суусуна жууса деле чач тушпойт
Менин чачым тушуп баштаганда ар кайсыл маскаларды колдонуп кордум.Кичине токтогонсуйт кайра эле тушуп баштайт.Эн акырында мумиену шампунга кошуп жуусам токтоп калды.Чачым да жакшы болуп калгансыйт.Мага жакты
nazi0807, мумиени москвадан тапса болобу, жана кандай деп аталат жана канча олчомдо кандай шампунга кошот ,
Kompleks vitaminov b ichiw kk. En bawkysy stressten bolot, sebebi al ichki organdardyn iwtoosuno,gormindorunuzga tuzdon tuz ters taasirin tiygizet. Je bolboso tamak aw siniruu organdarynyzda bir mandem bar.Ochno tekwerilisiniz kk dermatologko balkim baw terinizdedir kep.
эн жакщы чачты кыркып кыскартып салыш керек менин да чачым тим эле кубулуп атты эле кыскартып салсам тушпой калды
Менде да ошондой болтат чачым озунон озу суюлуп баштады.Чачым аябай коюу болчу азыр бир тутам чачым калды
Esmerallda, Биокальций менен биоцинк ичиң,чачыңыз түшпөй калат.
Chachym suiuk bolchu,bul kettiwte taz bolup kalchudaimyn
чеснок менен ачуу калемпирды аракка салып карангы жерге 7 кун коюш керек. Анан ошол настойканы чачтын тубуно суйкоп клеенка кийип 30 мин туруп анан жууп салыш керек.
кылбаган нерсем калбады,чачым тушконун дагы деле улантууда.
Чачты бат остуруу учун эмне кылса болот.
