АШКАБАКТАН ЖАСАЛГАН ТАМАК-АШТАР

АШКАБАК КЫЯМЫ

Керектелүүчү азыктар:
Ашкабак – 1 килограмм
Кумшекер – 800 грамм
Жаңгак – 150 грамм
Апельсин ширеси – 2 аш кашык
Гвоздика (татымал) – 2 даана

Даярдоо ыкмасы:

Ашкабактын кабыгын аарчып, данегин тазалап, муздак суу менен жууп алабыз.
Орточо көлөмдө төрт чарчы кылып туурап, чарага салабыз.
Үстүнө кумшекер салып, ашкабактын ширеси чыксын үчүн 1-2 саат тыныктырабыз.
Жай отко коюп, апельсин ширесин кошуп аралаштырып, 10 мүнөт кайнатабыз.
Оттон алгандан кийин муздатып, эт туурагычтан (блендер болсо да болот) өткөзөбүз.
Кайра жай отко коюп, гвоздика кошуп, 20 мүнөт кайнатабыз. Түбүнө жабышып калбасын үчүн жыгач кашык менен аралаштырып туруу зарыл.
Оттон аларда майдаланган жаңгакты кошуп жакшылап аралаштырабыз. Өзгөчө даамга ээ кыям даяр.

КУЙМАК

Керектелүүчү азыктар:
Ашкабак – 400 грамм
Жумуртка – 2 даана
Ун – 150-200 грамм
Айран – 100 грамм
Кумшекер – 3-4 чай кашык
Туз – татымына жараша
Өсүмдүк майы – 200-300 грамм

Даярдоо ыкмасы:

Кабыгы аарчылып, тазаланган ашкабакты майда тиштүү сүргүчтөн өткөрүп, идишке салып, 200 градус ысытылган электр мешине 15 мүнөт коё турабыз.
Идишке жумурткаларды чагып, айран, туз, кумшекер кошуп аралаштырабыз. Үстүнө унду аздан себелеп, жакшылап чалабыз.
Аралашмага ашкабакты кошуп, текши ботко абалына келгичекти аралаштырабыз (миксер болсо жакшы).
Көмөч казанга май куюп, куймакты эки тарабынан тең кызарта бышырып алабыз. Дасторконго куймакты каймак жана бал менен кошо бериңиз.

«КЫЯЛ» КОТЛЕТИ

Керектелүүчү азыктар:
Ашкабак (тазаланган) – 500 грамм
Манна акшагы – 100 грамм
Сүт – 100 грамм
Жумуртка – 2 даана
Уй этинен фарш – 400 грамм
Пияз – 2 даана
Кумшекер – 1 аш кашык
Өсүмдүк майы – 200-300 грамм
Нандын күкүмү – 100 грамм
Туз – татымына жараша

Даярдоо ыкмасы:

Ашкабакты ичке тиштүү сүргүчтөн өткөрүп, туз кошобуз. Көмөч казанды жай отко коюп, ага 2 аш кашык май куюп, ашкабакты салып бышырабыз.
Үстүнө кумшекер, сүт куябыз. Манна акшагын чуурутуп салып, текши боткого айлангыча аралаштырабыз.
Ботко кайнагандан 5 мүнөттөн кийин оттон алып, сууганча коюп коюу керек.
Пиязды майда туурап, фарш кошуп, өзүнчө көмөч казанга кууруп алабыз.
Сууган боткого жумуртка кошуп жакшылап аралаштырабыз.
Боткодон котлеттин формасын жасап, ортосуна фарш салабыз.
Котлетти тоголоктоп, нандын күкүмүнө оонатып, эки тарабы тең кызаргыча майга кууруп алабыз.

Асыл Орозбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (14)

Venchuk

2014-11-03 09:54:59

Рахмат, созсуз жасап кором

Chiko.kg

2014-11-03 11:24:05

Ашкабактын мантысы аябай жагат да.

belka

2014-11-03 12:52:59

Ашкабак ото жагат,куймагын бышырып журом рецебин ушул Супер инфодон алгам,сонун болот.

gulniza1988

2014-11-03 13:23:06

Jakwy resepter eken.awkabaktyn a9bai paidasy kop,vitaminge bai kelet,birok men awkabaktan jasalgan tamaktardy jebeim,bizde kuioom jakwy korot,rahmat super info emi uwintip bywyryp berip turam,awkabakty murda sutko salyp bywyryp beret elem

aminali

2014-11-03 16:05:42

Awkabaktyn danegi jonundo da maalymat bere alasyzdarby?

admin_superstan

2014-11-03 16:49:12

JaliwoodKG, курамы окшош сайтты жарыялоого тыюу салынган! 3 күн БАН!

timashi

2014-11-03 18:33:47

soonungo rahmat 4oon

33SUUN

2014-11-03 19:12:49

Ашкабактын чагылган данегин кундо жеп турсан(30-40даана)рак оорусуна чалдыкпайсын.Пайдасы коп.Курамында кальций бар.Медицинада сунушталбайт негедир.

Aidana91

2014-11-05 19:06:01

Мага ашкабактын даамы жакпайт. Билбейм негедир?

chyngyz84

2014-11-05 21:36:49

en jakshy!

Janysh2000

2014-11-06 14:16:03

Ашкабакты обожаю.ашкабактан жасалган бардык тамактар жагат,жеп коем.жакшы рецептер экен

momuntay

2014-11-07 07:18:07

Кечеле ашкабактан ширин куруч жасадым эле. Укмуш даамдуу болуптур деп жешти.
Керектуу рецептер экен. Рахмат.

Milana.

2014-11-08 17:16:59

Мен саар менен ашкабактан самсы кылдым бирок ээми жэшет уйдокулор ээми келди

Surena

2016-11-13 17:12:40

Ашкабактан ширин куруч??биринчи угушум ал кантип жасалат

Комментарий калтыруу үчүн өз ысымыңыз менен кириңиз же каттоодон өтүңүз.

№ 626, 31-октябрь-6-ноябрь, 2014-ж