ЧЫҢГЫСБЕК УЗАКБАЕВГЕ СОТ 5 МИЛЛИОН СОМ АЙЫП САЛДЫ

Айыл чарба жана мелиорация министрлигинин мурунку жетекчиси Чыңгысбек Узакбаевди сот «кызмат абалынан кыянаттык менен пайдаланган» деп тапты. Бишкектин Биринчи Май райондук соту 4-ноябрдагы чечими менен экс-министрди 5 миллион сом айып пул төлөөгө милдеттендирди. Соттук иштердин аягына чейин күнөөсүн моюнуна албай келген Ч.Узакбаев жыйынтыгында жогорудагы берене боюнча күнөөлүү деп табылды.
Узакбаевге кылмыш иши 2014-жылдын март айында ачылган. Ал министр болуп турганда бир тууганы С.Узакбаев жетектеген «Бапа» дыйкан чарбасына мыйзамсыз түрдө 419 миң доллар насыя берүү үчүн кол алдындагыларга буйрук бергени айтылган. Аталган дыйкан чарба насыя алуучуларга тийиштүү болгон талаптарга жооп берген эмес. Ч.Узакбаев Жогорку Кеңештин депутаты Талантбек Узакбаевдин бир тууганы.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

restreppo

2014-11-10 16:45:03

толойсун толойсун недовольный болбо сенде акча коп,))))азыр жаагына чаап ийем

Ariet7

2014-11-13 03:43:21

restreppo, кебетенди ХХХ ХХХ кылбай деп кой :-) :-)ой боорум эзилгенче кулдум го комментинди окуп алып)))))

admin_superstan

2014-11-13 10:58:49

Ariet7, мазактоодон алыс болуңуз! Билдирүүңүз түзөтүлдү.

Supataev.Salamat

2014-11-15 07:56:37

бир тууганы Т Узакбаев биздин айылдын байынан100 баш топозун жайыты менен бир канча миллионго сатып алган откон жылы

Комментарий калтыруу үчүн өз ысымыңыз менен кириңиз же каттоодон өтүңүз.

№ 627, 7-ноябрь-13-ноябрь, 2014-ж