ЭКС-ПРЕМЬЕР АМАНГЕЛДИ МУРАЛИЕВДИН УУЛУ ТЫҢЧЫЛЫККА ШЕКТЕЛИП КАРМАЛДЫ

Өкмөт аппаратынын эл аралык кызматташтык бөлүмүнүн башчысы, экс-премьер Амангелди Муралиевдин уулу Алтынбек Муралиевге карата тыңчылыкка байланыштуу кылмыш иши козголду. Ал 1-ноябрь күнү «кызматтык жашыруун сырды түзгөн маалыматтарды чет өлкөлүк уюмдарга берүү же берүү максатында чогултуу» беренесинин негизинде кармалып, убактылуу кармоочу жайга 2 айга камакка алынды. Учурда тергөө амалдары жүрүп жатканын УКМК билдирди. Аткаминердин кайсы мамлекетке Кыргызстандын жашыруун сырларын сатканын УКМК азырынча айта элек. «Дело номер» гезити Алтынбек Муралиев коңшу мамлекеттерге жашыруун маалыматтарды сатып турган деген жоромолун жазып чыкты. «Аткаминердин жасап жүргөн ишинин кесепетинен узак убакыт бою даярданып жүргөн кыргыз расмий делегациялары кошуна мамлекеттер менен катаал сүйлөшүүлөрдө көбүнчө ийгилик алып келбей турган абалда калып калышчу. Анткени жашыруун маалыматты алган тарап сүйлөшүү учурундагы кыргыз тараптын көзүрлөрүнөн алдын ала кабардар болуп алышчу»,- дейт гезит.
Учурда «Кыргызалтын» ААКсынын директорлор кеңешинин төрагасы Амангелди Муралиев 1999-2000-жылдары премьер министр, 2010-жылы июль айынан декабрга чейин «техникалык» өкмөттүн биринчи вице-премьери болуп турган. Уулу Алтынбектен башка дагы 2 кызы бар. «Баары күтүүсүз болду. Айраң-таң калып отурам. Эмнени ойлонушумду да билбей жатам. Уулум чоң киши. Бизден бөлөк жашачу. Өзүнүн үй-бүлөсү, жашоосу бар. Ошондуктан азырынча анын кармалышы тууралуу эч нерсе дей албайм»,- дейт атасы Амангелди Муралиев.
Алтынбек Муралиев азыркы кызматына 2012-жылдын 11-октябрында дайындалган.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (15)

restreppo

2014-11-10 16:23:02

чон киттер калып кетип,майда чабактар кармала берет кыргызстанда

mahabat.

2014-11-10 17:14:04

тынчылык деген эмне?

restreppo

2014-11-10 17:53:54

mahabat., башка мамлекеттин пайдасына иштеген,мамлекеттик сырды аларга алдын ала жеткирип турган

Chikus93

2014-11-10 18:11:25

Азыркы замандын ХХХ

admin_superstan

2014-11-11 10:21:22

Chikus93, кемсинтүүдөн алыс болуңуз!

belka

2014-11-11 14:07:31

Саткын!!!

mani

2014-11-11 22:04:51

Мамлекеттик копсуздук кызматынын атайы болуму. Болок мамлекеттин атайы кызматардагы чалгынчыларга Кыргызстандын атайы малыматарды берип турган. Бул ото чон кылмыш.

Dodon

2014-11-11 23:57:56

ХХХ ХХХ керек мындай саткындарды олкобуз озу кыйналып турган кезде мынтип тынчылык кылган кыргыз жигитине жарашбайт намысы жок эркек адам эмес

admin_superstan

2014-11-12 10:26:18

Dodon, провокация жаратуудан алыс болуңуз!

Aika2801

2014-11-13 09:13:47

Beti jok eken,oz elin satkan adamdyn kolunan ech kachan jakwylyk kelbeit!

kanat84

2014-11-13 23:22:09

атасынын атын булгаптыр

SayKal020101

2014-11-15 19:37:28

Булардын ХХХ ХХХ ХХХ Ушуну кутсо болот эле. Биздин бийликтин ушунчалык шалаакылыгын карачы, андай жерге ишке алыш учун текшеруудон откондо кантип ушулар эске алынбайт.

admin_media

2014-11-20 10:38:54

SayKal020101,
Улуттар арасында талаш-тартышты жаратуучу пикирлерди калтырууга тыюу салынат!

jumatka

2014-11-20 01:24:46

Биздин мамлекеттик сыр-бул Атамбаев жана ХХХ былыктары.

admin_media

2014-11-20 10:39:45

jumatka,
Кимдир бирөөнү мазактоодон алыс болуңуз! Эскертүү!

Комментарий калтыруу үчүн өз ысымыңыз менен кириңиз же каттоодон өтүңүз.

№ 627, 7-ноябрь-13-ноябрь, 2014-ж