ОСМОНБЕК АРТЫКБАЕВ ЖООПКО ТАРТЫЛАБЫ?

Башкы прокуратура премьер Жоомарт Оторбаевге электр энергиясы жана жылытуу боюнча тарифтик саясатты бекитүүдө мыйзам бузууга күнөөлөнүп жаткан кызматтык адамдардын жоопкерчилигин кароо көрсөтмөсүн киргизди.
Башкы прокуратура сентябрь, октябрь айларында өкмөттүн 1-сентябрдан тартып 3 фазалуу абоненттерге 1 киловатт-сааты үчүн 1 сом 20 тыйындык тарифти киргизүү боюнча токтомун карап чыккан. Прокурорлор жогорудагы токтомду кабыл алууда Энергетика жана өнөр жай министрлиги, өкмөт тарабынан нормативдик укуктук акттар жана электр энергия тууралуу мыйзамдын талаптары көзөмөлгө алынган эмес деген жыйынтыкка келген.
Эске салсак, буга чейин Бишкек шаарынын райондор аралык соту электр энергиясы менен жылуулук энергиясынын тарифтерин кымбаттатуу боюнча өкмөт кабыл алган токтомду мыйзамсыз деп тапкан. Өкмөт бул боюнча апелляциялык арыз менен кайрылып, азыркы тапта иш Бишкек шаардык сотунда каралууда.
3 фазалуу абоненттерге 1 сом 20 тыйындык тарифти бекитүүдө Осмонбек Артыкбаев энергетика жана өнөр жай министри болуп турган. Ал 9-октябрда энергетика тармагына коюлган бир топ дооматтардан кийин отставкага кеткен.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

Patrik

2014-11-10 09:18:43

Электр энергиясына татыктуу адам эмес бул. Биринчи эмес экинчи жолу ушундай шалаакылыка жол берип жатат.

mbk

2014-11-10 12:51:08

Patrik сен бул кишини жакындан тааныйсынбы?

myrza80

2014-11-13 16:44:48

Бизде качан кордунор чондордун жооко тартылганын?биздин чондордун баары эле суудай таза пахтадай аппак,аларга пара берген эл куноолуу бийлике шайлаган учун дагы эл куноолуу,кыскасы айыптын баары элде.

jumatka

2014-11-20 01:20:40

Бир ишкананы жондоп иштетип кете албаган бийлик бутун мамлекетти кантип онуктурмок эле

Комментарий калтыруу үчүн өз ысымыңыз менен кириңиз же каттоодон өтүңүз.

№ 627, 7-ноябрь-13-ноябрь, 2014-ж