ӨКМӨТ КӨМҮРДҮН БААСЫН АРЗАНДАТМАКЧЫ

Өкмөт 4-ноябрда көмүрдүн баасына 90 күндүк мамлекеттик көзөмөлдөө киргизди. Көмүрдү казып алуу жана сатуу рыногундагы бааны текшерүүгө алуу, базарларда баа өсүшүн токтотуу максатында премьер-министр
Жоомарт Оторбаев токтомго кол койду. Ага ылайык, кыска убакыттын ичинде ишке аша турган бааны мамлекеттик көзөмөлгө алуу механизми түзүлөт. Ар бир район үчүн көмүрдүн баасынын эң жогорку чеги аныкталып, ортомчулардын санын кыскартууга, ошондой эле көмүр баасына негизсиз кошулган акчаны кыскартууга мүмкүндүк жаралат.
Монополияга каршы мамлекеттик жөнгө салуу агенттигинин жетекчисинин орун басары Кеңешбай
Тайлаковдун айтымында, агенттик жакынкы 2 апта ичинде 100дөй көмүр казып алуу ишканаларынын көмүргө болгон өздүк баасын бекитет. «Андан ары ишканалар көмүр казып алгандыгы үчүн баага 10 пайыздан ашпаган сумма кошуп, сатуучуларга чыгарат. Дүңүнөн сатуучулар көмүрдү сатып алган баадан сатыкка кошкон баасы 10 пайыздан ашпашы керек. Кийинки майда соода түйүндөгүлөр, чекене сатуучулар көмүр сатууда алган баасына 5 пайыз кошумчаны гана кошо алышат. Ошону менен көмүрдүн өздүк баасына бардыгы болуп 25-30 пайыз гана кошулушу керек. Ал эми азыркы тапта соодагерлер көмүрдүн наркына 50-70 пайыз кошуу менен жарандарга сатышууда»,- деди Тайлаков.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

Patrik

2014-11-10 09:14:12

Комурду окмот казбаса кайдан бааны козомолдосун. Баарын жеке ишканалар казат.

bektursun2010

2014-11-10 09:26:37

комурду кымбат баада алып алдык февралдарда тушурот еленерда не мынча убакты.

maksat2016

2014-11-11 10:44:48

Комур арзандаганда жакшы болмок базарларда кыш келелек эле комурдун баасы асманга чыгып кетиго

barpy1

2014-11-11 23:59:46

Акаев убагында жарытпай кайра Кумторду канадалыктардын колуна салып берууго "салымын" куч эле, эми биротоло элди кууратайын деген экенсин да, сен бийликте турганда кайра элдин жашоосу куурады го куурады жакшы кун корбой!!! ХХХ ХХХ ХХХ ХХХ

admin_superstan

2014-11-12 10:27:01

barpy1, кимдир бирөөнүн кадыр-баркына шек келтирүүдөн алыс болуңуз! Азырынча эскертүү!

admin_superstan

2014-11-12 13:01:43

AK-47., сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий же талкуу иретинде жазылган учурларда сайттын жетекчилиги андай билдирүүлөрдү өчүрүү менен кошо колдонуучуну сайттан четтетиши мүмкүн. Сын-пикирлер info@super.kg же admin@super.kg электрондук даректерге жазылып жөнөтүлүшү керек. Эскертүү!

Комментарий калтыруу үчүн өз ысымыңыз менен кириңиз же каттоодон өтүңүз.

№ 627, 7-ноябрь-13-ноябрь, 2014-ж