Гезитибиздин өткөн сандарында Айнура Салахидинова, Аскат Мусабеков, Дайыр Исмадияров «Маданияттын мыкты кызматкери» аталышканын жазганбыз. Аларды утурлай бул аптада тамада, ырчы Эрнест Бөрүбаев, Юлия Руцкая «Маданияттын мыкты кызматкери» төш белгисине арзышса, актёр Марат Жанталиев «Нарындын ардактуу атуулу» аталып, Асел Турдалиевага «Билим берүүнүн отличниги» наамы тапшырылды.
Акыркы кезде «Маданияттын мыкты кызматкери» төш белгиси дүңүнөн да, чекенесинен да берилип жатат. Эмгеги элге сиңгенге да, сиңе элегине да карабай сыйлыктардын бериле бергени төш белгинин баркын түшүрүп салбаса эле болгону.