BEELINE ТӨЛӨМ КАБЫЛ АЛУУДА КОМИССИЯНЫ 5 СОМДОН ЖОГОРУ АЛУУ МЫЙЗАМСЫЗ ЭКЕНИН ЭСКЕРТЕТ!

«Sky Mobile» компаниясы (Beeline СМ) эскертет: агенттер оператордун абоненттеринен төлөм кабыл алууда комиссияны 5 сомдон жогору алуусу мыйзамсыз.

Кызматташуу боюнча белгиленген милдеттенмелерге ылайык терминалдардын ээлери (агенттер) Beeline абоненттеринен баланс толуктоо кызматы үчүн 5 сомдон ашык комиссия алууга укугу жок. Бул ченем бузулган учурда компания абоненттерин 0711 түз линия номуруна кайрылууга чакырат. Чалуу акысыз жана күнү-түнү иштейт.
«Биздин абоненттерибиз гана өз балансын бүткүл өлкө боюнча кеңири таралган түйүндөрдө комиссиясыз толуктай алышат. Мындай түйүндөрдүн саны 400дөн ашты. Биз өз тармагыбызды өнүктүрүүгө инвестициялоону улантуудабыз»,- дейт Beeline компаниясынын башкы директору Олег Клочко.
– Мен комиссияны белгиленген өлчөмдөн, 5 сомдон жогору алган бардык учурлар жөнүндө билдирүүгө чакырар элем. Биз мындай агенттерге чара көрүүнү мерчемдеп жатабыз. Beeline ак ниет, биздин баалуулуктарыбызга ортоктош болуп, компаниянын абоненттерине көргөн камкордугун түшүнгөн агенттер менен иштешүүгө дайым даяр. Эске сала кетсем, биз балансты акысыз толуктоонун көптөгөн альтернативдик жолдорун сунуштайбыз. Биздин абоненттерибиз мобилдик эсебин толуктоо кызматына ашыкча төлөөгө тийиш эмес.
Эске сала кетсек, балансты Beeline Сатуу жана тейлөө кеңселеринде жана «Оптима Банктын» терминалдарында комиссиясыз толуктоого болот. Ошондой эле мобилдик эсепти Beeline компаниясынын сайтынан банк картасынын жардамы менен «Интернет-төлөм» кызматы аркылуу акысыз толуктоого болот. Мындан тышкары «Мобильник», GeoPay жана «Элсом» электрондук капчыктарын пайдаланса болот. Дагы бир жөнөкөй жол – БТК (ЕКО)-карталар. Учурда картанын минималдуу номиналы – 50 сом, чекене сатууда ал 55 сом турат. Жакынкы убакта номиналы 18 сом болгон БТК (ЕКО)-карталар чыгат, алар чекене сатууда 20 сомдон болот. Ошондой эле «Элсом» электрондук капчыгын пайдаланганда комиссия төлөнбөйт. Балансты «Мобилдик которуу» кызматы жана «Өздүк кабинет» сервиси аркылуу дагы толуктоо мүмкүн.
Белгилей кетсек, үстүбүздөгү жылдын июнунан тартып бардык байланыш операторлорунун абоненттери Beeline Сатуу жана тейлөө кеңселеринде өз балансын акысыз толуктай алышат. Балансты акысыз толуктоо тууралуу мүмкүн болгон түйүндөрдүн даректери менен компаниянын www.beeline.kg расмий сайтынан билип алууга болот.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

Aziz91

2014-11-24 15:08:21

200 сом бирдик салсан 10 сом услуга алышат бул кандай болот

taku0214

2014-11-24 18:59:11

Билайн жайында услуганы 10 сом кылып абонентери ошкага мегакомго ото баштаган. Эстерине келишкен го.

sparkle

2014-11-24 19:28:09

кайра 7сомдон алып башташыптыр

aku

2014-11-25 15:48:49

Биздин уйдун жанында дагы эле 7 сомдон салат. Эмнеге деп сурасам бизден да алып койушуп атат 2 сом ошого мен 5 сом услугамды алып атам дейт.

Misi

2014-11-25 19:23:06

апеей ботом. кимге ишенебиз. алып жатат го

skromnica-1

2014-11-25 19:46:37

Билайн болбогон эле неме экен, мен коптон бери мегаком колдонуп журуп, билайнды да колдонуп коройун деп билайнга отсом такыр жаккан жок, биринчиден бирдик салсан ар жерде ар кандай алышат 7-8-10сомдон, анан бирдиктер кээде аз кетсе, кээде ошол эле абонент менен суйлошкучо ото коп кетип калат, операторлорго чалып суйлошуш ото кыйын, не дозвонишься. Анан да мегакомдогудай кээ бир услугалары жок..мисалы 'вам звонили..ж.б. Мегакомдо баары жеткиликтуу, тушунуктуу. Билайнга такыр тушуно алган жокмун.

aylin91

2014-11-25 20:47:30

skromnica-1, Билайнда андай услугадан бир эмес экоо бар))) а комиссия боюнча болсо, ким эле кардарларын жоготкусу келсин, бул ортодогу агенттердин кылгандары болушу толук мумкун

-1

jarkyn_jakta_jasha

2014-11-28 19:00:12

мегакомдо "вам звонили"кызматы бекер, анан да номерди жашыруун кылуу кызматы да акысыз

ZANIA-92

2014-11-28 22:29:42

Ой мен канча бирдик жуктосом деле 5сом эле алат услугасына,силерге кандай Адам салып берет билбейм

talant87

2014-11-29 15:11:13

билайын чонтокту шылайын дейт экенда эми

Комментарий калтыруу үчүн өз ысымыңыз менен кириңиз же каттоодон өтүңүз.

№ 629, 21-ноябрь-27-ноябрь, 2014-ж