ЭЛЕКТР ЭНЕРГИЯСЫН ҮНӨМДӨСӨҢҮЗ, 70 ТЫЙЫНДАН ТӨЛӨЙСҮЗ
Өкмөт 20-ноябрда электр жана жылуулук энергиясынын жаңы тарифтерин бекитти. Ал күчүнө декабрь айынын биринчи декадасында кирет, бирок абоненттер үчүн жаңы тариф 1-декабрдан тартып эсептеле баштайт. Бул тууралуу Энергетика жана өнөр жай министрлигине караштуу Отун-энергетика комплексин жөнгө салуу департаментинин адиси Адилет Жолдошбеков билдирди.
Маалым болгондой, электр энергиясын тиричилик үчүн колдонгон абоненттер 700 киловатт-саат үчүн ар бир киловатт-саатына 70 тыйындан төлөшөт. Эгер социалдык нормадан ашып, мисалы, бир айда 1000 киловатт-саат электр энергиясын сарптаса, 700 киловатт-сааты үчүн 70 тыйын, калган 300 киловатт-сааты үчүн
2 сом 5 тыйындан төлөйт. Тиричилик максатында эмес, өндүрүштүк колдонуучулар үчүн социалдык норма каралган эмес. Алар 1 киловатт-саатынан баштап 2 сом 19 тыйындан төлөшөт.
Импорттоло турган электр энергиясынын баасына келсек, Кыргызстан Казакстандан сүйлөшүлгөн 1,4 миллиард киловатт-саат электр энергиясынын 1 миллиардын сатып алганы жатат. Анын баасы салык төлөмдөрү менен кошулуп отуруп 5 сом 61 тыйындан болот.
Кыргызстандын өзүндө өндүрүлгөн электр энергия абоненттерге бериле баштаган убактан тартып 700 киловатт-сааттан ашык колдонгондорго ар бир киловатт-сааты үчүн
1 сом 20 тыйындан эсептелет.
Ал эми жылуулук энергиясынын баасы карапайым калк үчүн 1 гигакалориясы 917 сом 78 тыйын болду. Өндүрүштүк категориядагы жылуулук колдонуучулары үчүн тариф бул жылдын июль айынан бери келе жаткан 1 гигакалориясы 1557 сом 35 тыйын бойдон калды. «Бишкек жылуулук тармактары» ишканасынын берген маалыматына ылайык, орточо эсеп менен 35 чарчы метрлик үй жылуулук берилчү мезгил учурунда (5 айда) 3,5-3,6 гигакалорияны сарптайт. Демек, 1 гигакалория жаңы тарифтик саясатка ылайык, жөнөкөй абоненттер үчүн
917 сом 78 тыйын болсо, анда: 917,78 х 3,5 = 3212 сом чыгат. Аны 5 айга бөлсөк, ар бир айына
642 сомдон тиет.
Наргиза Бекжанова,
politika@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (3)
жакшы кабар екен!Сууну Озбекстанга ачып берип оозунарды ачып отурбай кыштын камын коруш керек болчу,аа баса анда чонтогунорго акча тушпой калат да!Эми чочугандай ГЭСтерге камера койуш керек деп калат кантип ушул убака чейин мамлекеттин эн маанилуу стратегиялык обьетисинде камера жок турду!
Кайда барат бул заман свет кундон кунго кымбаттап кыргызстандагы жашоо кундон кунго кымбатчылык болуп айлык акы аз болсо кыргыз эли кара курсактын айынан тентиреп кетет окшойбуз...кыйын эле болду бизге окшогон карапайым элдерге!
Электр энергиясы элибизди бага турган эң негизги тармак.Эмне болсо да электр энергиясын элге үзгүлтүксүз беришсе болду.Бул тармактагы коррупция эмне болуп жатты экен.Карапайым элибизге кыйын эле болду.
