МЕЛИС МЫРЗАКМАТОВГО ИЗДӨӨ ЖАРЫЯЛАНДЫ

Мелис Мырзакматовго карата кылмыш иши козголгондон бери Ош шаарынын экс-мэри учурда кайда экендиги белгисиз. Эске салсак, 28-ноябрь күнү Башкы прокуратура Мелис Мырзакматовго карата «кызматтык абалынан кыянаттык менен пайдалануу» беренеси боюнча кылмыш иши козголгонун маалымдаган. Ал «Ош шаарынын башчысы болуп турганда түштүк калаасынын Навои көчөсүндөгү эстакадалык көпүрөнү курууда кызматтык абалынан пайдаланып, бир топ мыйзам бузууларга барган» деп айыпталып жатат. «Маанилүү жана кымбат баалуу объектини куруу алдында экономикалык далилдер менен техникалык негиздеме иштелип чыккан эмес, эстакадалык көпүрөнүн курулушун баштоо жана каржылоо боюнча мэриянын кызматкерлерине мыйзамсыз көрсөтмө берген. Жыйынтыгында мамлекетке 29 миллион сомго зыян келтирилген» деп жазылат Башкы прокуратура тараткан маалыматта.
Чек ара кызматы Мелис Мырзакматов үстүбүздөгү жылдын 27-сентябрь күнү кыргыз-казак чек арасындагы «Ак Жол» көзөмөл өткөрүү бекети аркылуу өлкөдөн чыгып кеткенин билдирген. Ош шаардык сотунун экс-мэрди камакка алуу боюнча чыгарган чечимине ылайык, ага издөө жарыяланган. ИИМ 4-декабрдан баштап Мелис Мырзакматовдун эл аралык издөөгө да жарыяланганын маалым кылды. Бирок Интерполдун сайтында анын изделип жаткандыгы тууралуу маалымат жарыялана элек. Айрым маалымат булактары «экс-мэр Кытайда жүрөт» деп жазып чыкты. ИИМ мындай маалыматты «тактала элек» деп билдирди.
Акыркы күндөрү Мелис Мырзакматов башында турган «Улуттар биримдиги» менен «Ата Мекен» партиясынын ортосунда биригүү боюнча сүйлөшүүлөр болуп жатканы ММКларда байма-бай талкууга алынган эле. Бийликте бул эки күчтүн биригүүсүн каалабагандар көп өӊдүү.

Наргиза Бекжанова
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (17)

_KipchaK_

2014-12-08 10:19:42

Неси болсо да эл толкубасын.

jigit.paren

2014-12-08 10:51:01

Ата-Мекен менен Улуттар биримдиги бириксе мыкты болмок Мелис жок болсо да барибир биригишсе жакшы болмок парламентке 1-орун менен келишмек.

-5

Jurnalist.kg

2014-12-08 13:18:23

2012 - жылы Шаардык кенешке шайлоо болгондо Ата журт Бутун Кыргызстан жана Улуттар биримдиги биригишкенин жар салган эмес беле.? Мелисти жалгыз таштап кеттиштиби бирок мен Ата мекен мн биригишине каршымын себеби Ата мекендин бизде эч ким колдобойт.

Likvidator

2014-12-08 14:07:53

Мелис мырза Ош шаары учун, Ош шаарынын эли учун коп жакшы иштерди жасады. "Таза болсо качпайт эле" деген создор болуп жатат. Ошолорго суроо: Баяман баш болгон эр азаматтар качпай эмне болушту? Мен ишенем Мелис мырза Кыргыз эли учун дагы коп-коп жакшы иштерди жасайт деп. Башкасын билбейм, мен Мелис мырзаны дайыма колдойм.

Missulya

2014-12-08 14:48:24

Ош шаары аябай сонун болуп гулдоп калган ушул киши иштегенде, жеди деп кармасанар толтура башка депутаттар эмнеге ошолорду камабайсынар! Эптеп эле шылтоо болсо буларга !!!

zara__

2014-12-08 17:13:43

Бир эле Мелис жеп калганы курук калгандай издешет башка жеп аткандарды кача электе кармап албайсынарбы андан коро,анан качып кетти издоо салабыз дебей ,Азыркы жаны мэр эмне иштерди жасады 1 жылда

EdikoKG

2014-12-08 17:24:18

Мелиске асылбай,озунордон,озунордун ичинердеги чирик "коргоолдордон" баштасанар,адилеттуу болот эле.

Atyr38

2014-12-08 20:08:18

Мелис мырзаны эл колдойт жесе дагы эми оштун эли толкуса жаман болотко анда азыркы мер кайсыл эшиктен качып чыгаар экен

bakaika

2014-12-09 09:09:39

Мелис элдин баласы эчким жол бербейт камашына мына коросунор.

Kypkyrgyzz

2014-12-09 10:14:37

Кыскасы бийликтин Мелисти камаганы аарынын уйугуна тийишип алганы

dadin33

2014-12-10 11:09:00

Мелис Мырзакматов элдин чыгаан уулу,Мелистей эч ким иш кыла албады азыркы жеп ичер министр жепутаттар.Мелисти кармап бир нерсе кыла турушкан болушса ХХХ ХХХ ХХХ Азыркы бийлик чындап эле корррупция менен курошсо,неге Ошто курулган сапатсыз уйлорду курдурган,6 миллиярд сомдон ашык акчаны жок кылган Жанторо Сатыбалдыевди камабайсынар.

admin_media

2014-12-10 12:09:50

dadin33,
Провокацияга жол берилбейт!
5 күн банга!

kurmanbekov

2014-12-10 15:21:59

кыскасы Мелис ага жесе да анын алкымы култ эле болчу азыркылардын алкымындай култ-култ култ-култ култ эмес

4ok4oloi

2014-12-10 22:29:17

"Кыргыздын душманы киииим? Кыргыыыыыыз"- деп ажобуз Атамбаев айткандай Мелисти душмандары эле каралап эптеп жок кылыш керек болуп жататда

KUMTOR1

2014-12-11 12:58:03

Ош эли Мырзакматовду камаса, жон карап турмак беле?

gulsara2682

2014-12-12 20:51:49

Melis mirsa merlikten ketkende men kadimkidei ilagam. Oshol kyn egh esimden ketpeit. Aksakaldardin ilaganin korgom.
Karapaim kalk bozorup kana tyryp kalgan.

Комментарий калтыруу үчүн өз ысымыңыз менен кириңиз же каттоодон өтүңүз.

№ 631, 5-декабрь-11-декабрь, 2014-ж