ЛАВРОВА VS ИБРАИМОВА: ТИРЕШ ЭМНЕГЕ АЛЫП БАРАТ?

Эсептөө палатасы Каржы министрлигинде жүргүзгөн аудит иштеринин жыйынтыктары менен бөлүштү. Ага ылайык, аталган министрликтин башчысы Ольга Лаврова 2013-жылкы иш сапарларында учуу кызматтарын пайдалануу үчүн бюджеттен 630 миӊ сом жумшаган. «Лаврова бул сумманы 6 жолу чет өлкөгө учууга гана жумшаган. Министр бизнес-класс менен учса, аны коштоп жүргөндөр эконом-класс менен учушуп, алардын чыгымы 233 миӊ сомду түзгөн. Муну менен Лаврова бюджеттин эсебинен 396 миӊ сомду ысырап кылган»,- деп жазылат маалыматта.
Буга байланыштуу маселе парламентте да көтөрүлүп, «Республика» фракциясынын лидери Максат Сабиров каржы министрин сынга алды. Жогорку Кеӊештин төрагасы Асылбек Жээнбеков: «Менден башка депутаттардын баары бюджеттик каражатты үнөмдөө максатында эконом-класс менен учушат. Бул маселе текшерилип чыгат»,- деди.
Лаврова жөн калбаганы бат эле билинди. Эсептөө палатасынын төрайымы Эльмира Ибраимова «аудит жыйынтыгы ачыкка чыгарылгандан кийин жыл сайын бөлүнүп келген Эсептөө палатасынын фондунун быйылкы чыгымдарын Каржы министрлиги кесип салды» деп чыкты. Министр айым мамлекет ишенип тапшырган кызматтык абалын кыянаттык менен пайдаланып жатканы өкүнүчтүү. Министр мындай турсун, Монголиянын президенти Цахиагийн Элбегдорж Бишкекте өткөн ШКУнун саммитине катардагы эле коммерциялык каттам менен учуп келген. Эки жетекчи айымдын тымызын тиреши дагы уланат көрүнөт...

Наргиза Бекжанова
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

Patrik

2014-12-08 09:35:44

Акча бар жерде талаш бар.

temirov76

2014-12-08 13:03:07

Бизнес класс эконом класс деп чыгым кылбай жонокой эл менен эле учуп ага кеткен чыгымды чек ара маселесине жумшаса болбойбу,КТРден германиянын депутаттарын жумушка велосипед менен барышат экен деп корсоткондой болгон эле.

Aylin.91kg

2014-12-08 16:26:23

Эл менен кошо учса эмне болмок? Эл бар учун ушинтип эконом- класс, бизнес-класс мене учушат да тообо. Ошого кеткен акчаны башка иштерге жумшаса болмок да!

ALIK-BRO

2014-12-08 18:15:23

Катардагы ишчилер 2000 сом учун бей куноо камалып кетет ал да ПМ полиция ептеп акчаны колуна карматып камайт булур 390 мин сомду тушунбойсун.

kymaw

2014-12-09 00:11:09

Эх аман эле болушсун.

faha

2014-12-09 10:29:34

Kyrgyzdun urugu kurugansyp kaydagy bir orustarga mayluu jerdi berip koyup, jedirip juro bergile kyrgyzdyn yryskysyn

Likvidator

2014-12-09 16:22:22

Мелис Мырзакматовго асылбай ушуга окшогон ачык корунуп турган жеп-жутарларды камабайбы...

MilliaRdova88

2014-12-10 13:54:23

Кытайдагыдай закон Киргизиш керек болуп калыптыр го. Булар акча байлык жеп жутуш учса только бизнес класс балдары чет жерде окушат, Ушулар учун кресло го жулунушат. Чиновниктердин маянасын катардагы Эле элдердей кылса Анан корот лек, 30000-70000 акча аз имиш буларга

nazi0807

2014-12-11 09:23:58

Эми бир келген учурду кармап калбаса болбойт да азыр болбосо анан качан колдонот?

jaklin.kg

2014-12-14 17:19:39

ой булар айга учуп барса да кыйратып иштей алышпайт. саны бар сапаты жок депутаттар ушулар.

Marta69

2014-12-15 08:13:50

Uchup baryp emneni kyiratyp atyshat-tyshynboim.

Комментарий калтыруу үчүн өз ысымыңыз менен кириңиз же каттоодон өтүңүз.

№ 631, 5-декабрь-11-декабрь, 2014-ж