САГИНБАЕВА ЖООПКО ТАРТЫЛБАЙ, ТЕСКЕРИСИНЧЕ, КЫЗМАТ АЛДЫ

Саламаттыкты сактоонун экс-министри Динара Сагинбаева Улуттук госпиталдын башкы дарыгери болуп дайындалганын өткөн саныбызда жазганбыз. Эске салсак, Д.Сагинбаева 24-сентябрда министрлик кызматтан бошотулган болчу. Коомчулукта «Динара Сагинбаева кызматтан отставкага кетүү менен кутулуп кетпей, иштеген учурундагы кемчиликтери үчүн жоопко тартылышы керек» деген пикирлер айтылган эле. Алардын айрымдарын атай өтсөк.
«Мыйзамдагы ууру» Азиз Батукаев жаза мөөнөтүн аягына чейин өтөбөй, «2-3 күндүк өмүрү калыптыр» деген шылтоо менен Кыргызстандан шашылыш чыгып кеткени билингенде эле Сагинбаеванын отставкасын талап кылып чыгышкан. Анткени кылмышкерге «ден соолугу начар, аз күндүк өмүрү калды» деген аныктаманы медкомиссия берип, судья ошол жыйынтыктын негизинде оор кылмышка айыпталып камалган Батукаевди бошоткон. Андан бери бир жылдан ашуун убакыт өттү, Батукаев Чеченстанда аман-эсен жашап жаткан кези.
2014-жылдын башында Кызыл-Жар психиатриялык ооруканасынан ээн-эркин чыгып, Боом капчыгайында МАИ кызматкерлерин атып салган Заур Магомедовдун окуясында кайрадан Д.Сагинбаеваны кызматтан кетирүү керектиги парламентте чоӊ талкууну жараткан.
Төрөт үйлөрүндө ымыркайлар уурдалды, сатылды, тирүү наристелер өлүктөргө алмаштырылды, аман туулган балдар белгисиз жагдайда төрөтканадан чыга электе чарчап калып жатты...
Эми экс-министр моралдык жана башка жоопкерчиликти аттап өтүп, Улуттук госпиталды башкарууга келип отурат.

Наргиза Бекжанова
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

raxelya

2014-12-08 11:14:42

Аял киши жан дуйносу назик боорукр жан болобуз деп келебиз,бул аял кайдан журуп темир катын болуп калды экен.Эртели кечпи иштерибизге жараша татыктуу жазабызды Кудайым берет.Ар бир кыргызым бакубат жашоодо омур сурсунчу!!!

Inwallah88

2014-12-08 13:59:11

Бул ХХХ ХХХ эжебизге ар бир ымыркайдын убалы жетип ашат деп ойлойм аллахтан коркпогон жан экен

admin_media

2014-12-08 14:35:41

Inwallah88,
Кимдир бирөөнүн өздүгүнө асылып, кемсинтүүгө тыюу салынат!

-1

Aylin.91kg

2014-12-08 16:29:18

Ммм Аллах баарын коруп турат.

ALIK-BRO

2014-12-08 18:24:19

Бизге Каримовко окшогон бир адам керек. Устубузго.

beknur95

2014-12-09 00:28:56

Тообо акчасы коп окшойт женил эле кайра жетекчи болду

altynaiB

2014-12-10 01:31:14

ХХХ ХХХХ кулкунду гана келтиришет ушул чондор. Ошол жерде эле бир адал эмгек кылып кыйратсачы. Ай байкуш ай.

admin_media

2014-12-10 12:18:52

altynaiB,
Кимдир бирөөнү кемсинтүүдөн алыс болуңуз!

-1

MilliaRdova88

2014-12-10 13:55:47

"Крышасы" кучтуу неме го видать

Kg.lady

2014-12-10 15:14:52

Мырзакматов коруппцияга аралкан деп аны куугунтуктабай. Ушул айымдыда кылмыш жообуна тартсанар болот беле? Канча энелер гаристетсиз, наристелер энесиз калды? Бул бир эле мисал.

tuba83

2014-12-11 02:50:56

кудай жазаласын

Akabai

2014-12-15 01:13:47

Батукаевге справка бер деп жогор жактан буйрук келип жатса анан камачы беле

Комментарий калтыруу үчүн өз ысымыңыз менен кириңиз же каттоодон өтүңүз.

№ 631, 5-декабрь-11-декабрь, 2014-ж