Тамаша күйөрмандарын дайыма күлкү менен сугарып келген куудулдардын «Ар бир айдын алтысы» долбоору жабылат. Бул тууралуу долбоордун негиздөөчүсү Рысбек Жабиров: «Аталган долбоор 5 жылдан бери иштеп жаткан. Жапканымдын себеби, биринчиден, чарчадым, экинчиден, жаӊы юмордук долбоордун үстүнөн иштеп жатам. Анан да долбоордо иштеген куудулдар бийликти сындаган интермедия, миниатюраларды аткаргандыктан сыналгыдан көп кетчү эмес, кыскасы, көп эле тоскоолдуктар болгон»,- дейт. Алп куудулдардын башын бириктирген долбоор элге сиӊип, тамыр жайып калганда минтип жабылып калышы өкүнтөт.