ӨКМӨТ КӨМҮРДҮН БААСЫН БЕКИТТИ

Белгилүү болгондой, өкмөт 4-ноябрда көмүрдүн баасына 90 күндүк мамлекеттик көзөмөлдөө киргизген. Ал эми 1-декабрь күнү Монополияга каршы мамлекеттик жөнгө салуу агенттиги көмүр өлкөбүздүн кайсы аймагында кандай баада сатыларын эсептеп чыкты.
Эскерте кетсек, аталган ведомство өлкөдөгү 100дөй көмүр казып алуучу ишканалардын көмүргө болгон өздүк баасын бекитти. Андан ары ишканалар көмүр казып алгандыгы үчүн баага 10 пайыздан ашпаган сумма кошуп, сатуучуларга чыгарат. Дүңүнөн сатуучулардын көмүрдү сатып алган баадан сатыкка кошкон баасы 10 пайыздан ашпашы керек. Кийинки майда соода түйүндөгүлөр, чекене сатуучулар көмүр сатууда алган баасына 5 пайыз гана кошумча кошо алышат. Ошону менен көмүрдүн өздүк баасына бардыгы болуп 25-30 пайыз гана кошулушу керек. Буга чейин соодагерлер көмүрдүн наркына 50-70 пайыз кошуу менен керектөөчүлөргө сатышчу.
Төмөндө өлкө боюнча 1 тонна көмүрдүн чекене баалары берилди.

Жогоруда аталган сатык баалардын сакталышын Экономикалык кылмыштарга каршы күрөшүү боюнча кызматы, салык кызматы жана Монополияга каршы мамлекеттик жөнгө салуу агенттиги көзөмөлдөмөкчү. Эгер белгиленген баалар сакталбаса, административдик кодексти бузгандарга 10 миң сомдон 50 миң сомго чейинки айып салынат.

Наргиза Бекжанова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

PATRIK-PLATINUM

2014-12-08 09:11:11

Ошондо деле кымбат. Бааны жонго салыш учун жеке ишканаларды жаап мамлекет озу казыш керек.

suiuktuujar

2014-12-08 11:31:41

1тонна комур алты мин деген ото эле кымбатта

Pantherka

2014-12-08 14:45:30

Баарибир деле кымбат,эч ким сактаган жок, жонго сала албагандан кийин газета бетине жарыялашып эмне шылдын болуп атышат тушунбойм...

faha

2014-12-10 10:11:32

Arzandagany ushulbu? Andan koro eski baalar ele jakshy go... Chon Alayda 1300 som dep ukkan elem

jalgizim

2014-12-11 14:34:27

Мен узбечка кыз менен чогуу иштейм,жакында эле 1 тонна комурго деп 1 мин доллар акча жонотту.

Комментарий калтыруу үчүн өз ысымыңыз менен кириңиз же каттоодон өтүңүз.

№ 631, 5-декабрь-11-декабрь, 2014-ж