«САРГАРГАН ТИШТИ АГАРТУУНУН ЖОЛУ БАРБЫ?»
«Тишиң барда таш чайна, тишиң жокто аш кайда?» деп кеп тиш кийип калган карылар кобуранып калышат. Эрте эле тиши түшүп, тамакты майдалап чайнай албай, ашказанды кошо жабыркатпайын десеңиз, тишиңизге кам көргөнүңүз оң. Бул үчүн «Стронг» стоматологиялык борборунун башкы дарыгери, стоматолог АЙЧҮРӨК ЖОРОЕВА кеңеш берет.
– Эртеден кечке кеңседе компьютердин маңдайында отуруп иш кылам. Чаалыкканда кофеден күчүмдү чыгарып, көп ичем. Ошондон уламбы, тишимдин өңү саргарып, жагымсыз кырдаал жаратат. Үй шартында кантип агартсам болот?
Аида, 28 жаш, Бишкек шаары
–Эгер тишти үй шартында агартам десеңиз, анда тиш жуучу пастаны туура тандаңыз. Пасталардын сыртындагы жазууларга көңүл бурбай эле ала беребиз. Мисалы, сыртында «вайт» (white) деген жазуусу бар пастанын бардык түрү тишти агартуучу болуп саналат. Ошондой эле кадимки ашкана содасы менен жумасына 3 жолу тиштерди чайкап туруу шарт. Лимон дагы тишти саргарып кетүүдөн сактайт. Аны чайнап жеп туруу сунушталат. Эгер кеңседе отуруп, тишти тазалап турууга мүмкүнчүлүк болбосо, түшкү тамактануудан кийин же кофе ичкенден кийин оозду суу менен чайкап, 10-15 мүнөт сергитүүчү сагыздардан чайнап коюу туура.
«Адистин кеңеши» рубрикабыз сиздер менен бирге иш алып бармакчы. Юридикалык, медициналык, психологиялык, экономикалык, техникалык дагы башка кеңештерге муктаж болсоңуз, бизге кайрылыңыз.
Суроолорду (0312) 32 33 26 номери аркылуу берсеңиздер болот же
kenesh@super.kg дарегине кат жазыңыз.
Гүлжан Асанкожоева
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (11)
Сары тиш бекем болот. Агартпоону сунуштайм.
Туура айтасын Патрик хехе
агартам деп тазалаганда эмал жукарат тиш какшай баштайт
Сары тиш менен кантип кулобуз анан?
Кызыл чайды аз ичсенер тишинер таза болот.
обаа Баку тиштин саргайуусу чайданго туура айтасыз
Лесон балзамдары менен тишти тазаласа кантет агарабы
Сода менен пероксиди бар паста сразу Эле агартат. Колгейт оптик уайт дегени
Алма жегенде да тиш агарат деп уккканым бар...
Кытайдын бир жеринде тиши кара кыздар сулуу болуп эсептелет экен...тиштерин атайы карартат экен...)))
