ГҮЛШАЙЫР ЭЖЕМ УРМА АСПАПТА ОЙНОП, ЭЛДИ ТАҢ КАЛТЫРДЫ
Концерттин датасы – 5-6-декабрь Өткөн орду – Улуттук филармония Концерттин аталышы – Гүлшайыр Садыбакасованын 60 жылдык юбилейлик концерти Көрүүчүлөр – Залдын 90 пайызы Алып баруучулар – Гүлшан Молдоева, Кыргызбай Осмонов Мыкты номерлер – Гүлшайыр Садыбакасованын барабан урганы, Гүлмайрам Момушева «Балама», Сайкал Садыбакасова «Апама», Гүлшайыр Садыбакасова «Ошол менин элге кошкон үлүшүм» Билет баасы – 500-900 сом
«Гүлшайыр Садыбакасованын юбилейлик концерти болот» дегенди угуп шашкан боюнча филармонияга кирип барсам, сахнада депутат Өмүрбек Текебаев сүйлөп жатыптыр. Жанында Жогорку Кеӊештин вице-спикери Төрөбай Зулпукаров, Бөдөш Мамырова, Асия Сасыкбаева, Жылдызкан Жолдошевалар турат. Мен «Кудай сакта, адашып Жогорку Кеӊешке кирип алдымбы?» деп шектенип артка бурула бергенимде Гүлшайыр эжемди көрүп калбадымбы. «Кылым алмашты, заман алмашты, СССР урады, көп нерсе өзгөрсө да, Гүлшайыр эжекем ошол боюнча. Дагы деле рейтингден түшпөй келе жатат» деп Текебаев сөз сүйлөдү. Маданият, маалымат жана туризм министри Алтынбек Максүтов да куттуктап, Абдылас Малдыбаев атындагы Эл аралык музыкалык композитор сыйлыгын тапшырды. Ошондой эле өкмөт өкүлдөрү, экс-министр Султан Раев, Замира Акбагышевалар да келишти. Эжебиздин сахналаш досторунан да чиновник достору көптөй туюлду. Ошентип куттуктоолорго, сыйлыктарга маарып, гүлдөргө оронгон инсанды сахнанын артына жиберип, концертке кезек берилди. Концерттин экинчи бөлүгү оркестрдин коштоосундагы ырлар менен уланды. Ал эми үчүнчү бөлүгүндө жалаӊ гана Гүлшайыр айымга таандык ырларды мындан 20 жыл мурун популярдуу болгон ырчылар ырдашкандыктан, ошол кезге барып келгендей эле болдук. Ызы-чуу, ышкырык-кыйкырык тоскоол боло турган, телефонго тарткан күйөрмандар жок, тынч, жыргап эс ала турган концерт болду. Кыргыз эстрадасынын жылдыздары кезек-кезеги менен ырдап жатышты. Ал ортодо Гүлнара Калдарова чыкты эле, Гүлнаранын ырдаганына эмес, эжеси менен элдешкенине эл кубанып кеткендей болду. Анын артынан Кенже, Айжамалдар да келет го деп тилек кылган күйөрмандардын ою орундалбады. Гүлмайрам Момушеванын жандуу үн менен созгон «Балама» деген чыгармасы элдин өзгөчө кол чабуусуна арзыды. Оштук туугандар айтмакчы, Гүлшайыр «акем» микрофон кармап ырдагандан тышкары урма аспапта ойноп, элди таӊ калтырды. Ошондой эле Сайкал Садыбакасова апасын жетелеп «Апама» аттуу ырды тартуулап, залдагы көрөрмандарды бир сыйра жашытты. Мирбек Атабековдун «Садагам Оштой жеримди» аттуу ыры менен концерт жыйынтыкталды.
Толик сынчы
Кыстарылган видео
Гүлшайыр Садыбакасованын 60 жылдык юбилейи
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (10)
Venerochka
2014-12-15 22:21:33
Кыйын аял! Ушул Толик сынчыга эле жыргал....
0
edelveis0088
2014-12-16 02:08:53
толик сынчыга шерик болойун деп эч жолун таппай жатам
0
belka
2014-12-16 02:56:35
Толик сынчы азамат!!!
0
Sharipa-asia
2014-12-16 03:00:53
Азаматсыз Гулшайыр эже, бар болунуз, оорубаныз!
0
Ariet7
2014-12-16 04:06:18
жогорку кенешке кирип алдымбы дем ойлоп кеткениниз эле жакты да )))))
Толик сынчы жагат соонун сындайт да человек пауктай болуп билинбей журо бер)))
0
Fekus
2014-12-16 11:45:59
Г.Калдарованын адамгерчилигинин бийиктигине баа бердим. Бирде интервью алганымда да Гулшайыр эжекенин коп нерсе уйроткондугун, ага ыраазы экендигин озу да, жолдошу айта кеткен эле. Кандай болгон кундо да ошол адам аркылуу элге таанылбадыбы. Азаматсыз!
+1
nuris_ali
2014-12-16 14:12:06
Азаматсыз сизди чыныгы ырчы десе жарашат.озунуздун ырланыныз, обондорунуз жада калса аспаптарда ойнойсуз.сизге ийгилик Анан кээ бир ырчылар 2 клип тартып эле калп эле сыйлык ала бербей.
0
ZANIA-92
2014-12-17 22:45:33
Кудай сакта, адашып Жогорку кенешке кирип алганмынбы дегени жакты Толик сынчынын.
0
darigulka
2014-12-18 15:31:53
Кылым алмашты, заман алмашты, СССР урады, көп нерсе өзгөрсө да, Гүлшайыр эжекем ошол боюнча. Дагы деле рейтингден түшпөй келе жатат ЭН ТУУУРА АЙТЫЛГАН СОЗ
0
sonun55
2015-03-16 20:10:33
darigulka, Гулшайыр эжеке ошол боюнча, бирок Кыз-Бурак "Кануло а Лету"!!!
0
Комментарий калтыруу үчүн өз ысымыңыз менен кириңиз же каттоодон өтүңүз.
Концерттин датасы – 5-6-декабрь