Эски тамашаларды эске салган «АР БИР АЙДЫН АЛТЫСЫ»
Концерттин датасы – 5-6-декабрь
Өткөн орду – Спорт Ордосу
Башталышы – 19:00 (6-декабрь күнү)
Көрүүчүлөр – Залдын 70 пайызы
Алып баруучу – Канат Шанаев
Мыкты номерлер – Тынар менен Борончунун айтышы, Абдылда Иманкуловдун катышуусундагы бардык тамашалар
Билет баасы – 350-500 сом
Куудулдардын башын бириктирген «Ар бир айдын алтысы» долбоору жабылып жатканын угуп, акыркы концертине барууну чечтим. Сүйүнчүлөп кетейин, концерт өз убагында башталды. Мына, кыргызчылыкты жойсо болот экен го. Сахна жасалгасынан издесем да өзгөчөлүк таппадым, баягы эле короосу тосулган үйдү алып келип коюшуптур.
Спорт Ордосунун микрофондорун пенсияга кетирчү мезгил келген окшойт. Дегеним, бул мекеменин техникалык тейлөө кызматы өтө начар иштеп жатканын көптөн бери байкап жүрөм. Бая күнү «Тамашоунун» оюндарында да микрофон улам өчүп жүдөшкөнүнө күбө болгон элем. Бул ирет да куудулдардын сүйлөгөнү начар угулуп, жанымда отурган айым «эмне деди?» деп улам сурап шайымды оодарды.
Тамашаларга келсек, 5 жыл ичинде долбоордун алкагында 150дөн ашык сатиралар коюлуптур. Жаӊы эч нерсе таппай калышканбы, куудулдар жалаӊ эски интермедия, тамашаларын аткарышты. Рахман Разыков булуттан чыккан айга окшоп бир убакта пайда болгон эле, ошол бойдон сахнадан караанын таппай калдык.
Борончу менен Тынардын айтышы бул сапар да уланды. Тынар тамашаларынын биринде «нарындыктардын костюмду шымга шымданып кийгенинен эле нарындык экенин билсе болот» десе, Борончу ага жооп кылып, «мен деле жакында Ошко бардым, газ жок, баары үшүп жердештериӊ пальтону да шымданып кийип калышыптыр» дебеспи.
Тамашасы тамаша, бирок куудулдардын белден ылдый тамашаларды көп айтканы анча жага берген жок. Ошол эле бутун колго алмаштырган, букага уйун качырган интермедияларда бул нерсе ачык-айкын берилиптир. Уят болсо да кагазга ороп, кыйыр түрүндө аткарса, мынчалык өөн учурабайт беле?..
Ошентип баш-аягы 3 саатка созулган концертке ичим чыкпай үйгө кайттым.
Толик сынчы
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (14)
Kairatmyn, Titi, сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий же талкуу иретинде жазылган учурларда сайттын жетекчилиги андай билдирүүлөрдү өчүрүү менен кошо колдонуучуну сайттан четтетиши мүмкүн. Сын-пикирлер info@super.kg же admin@super.kg электрондук даректерине жазылып жөнөтүлүшү керек.
Тараганына кудайга шугур.ушул жылдын январь айында концертине бардым,эптеп эле койушкан жалаң уят сөздөр,ким кандай салют атат деп жинди болушкан.Рахман аке афишада жазылганы м.н катышкан эмес аны иши чыгып келе албай калды дешкен.чыгып баратсак бильярд ойноп жүрүптүр.бул деген элди сыйлабастык.
karona12, ахахах олтурдун)))
beknur9, sumaya, ALIK-BRO, cын-пикирлер info@super.kg же admin@super.kg электрондук даректерине жазылып жөнөтүлүшү керек.
Азырынча эскертүү!
Тынар барган сайын ХХХ болуп кеттат,кобуроок ХХХ бергенинен коргун келбей калат а Борончу деле ошонун пайыда,
arisim, мазактоодон алыс болууну сунуштайм!
Тамашоуго караганда кыйла норм Булар чындыкты гана айтат. Коооп алигиндееей боло бербегиле.
Буларды ошол учун юмористер деп койотда.алардын тамашасын ар бир адам оз денгээлине жараша кабыл алат.кандай болсо да биздин жашодо аз болсо да кулку берип турган ушуларда азыр ел ичи песимистерге толуп турганда юмор журтка суудай керек деп ойлойм
Бул концерт эмнеге жакпайт?жакшыго мага жагат.ХХХ ХХХ ХХХ ХХХ
Урматтуу admin_superstan, сизден сураныч ушул концертти жуктоп косонор, чет жердегилерге кызык.
мага жагат Ар Бир Айдын Алтысы
Куудулдар асмандан албайт алар чыныгы оргиналдуу тамашаларды айтат жана аткарат.
