КӨЧМӨНДӨР ОЮНДАРЫНДА МИЛЛИОНДОРДУ КИМ КЫМЫРГАН?

Көчмөндөр оюндары өткөн ат майданын кайра курууда 11 миллион 60 миӊ сом кайда жумшалганынын дайыны жок болууда. Мунун негизинде Башкы прокуратура тарабынан “ишенип берилген мүлктү ээлеп алуу”, “кызмат абалынан кыянаттык менен пайдалануу” беренелери боюнча кылмыш иши козголуп, тергөө амалдары башталды.
Маалыматтарга караганда, Чолпон-Атадагы ат майданын реконструкциялоодо Улуттук спорттун түрлөрүн өнүктүрүү борбору менен “Темир-Канат” ишканасынын ортосунда 51 миллион 900 миӊ сомдук келишим түзүлгөн. Иликтөөнүн жүрүшүндө келишимдер өзгөртүлүп, курулуштун жалпы баасы 72 миллион 500 миӊ сомдон ашып кеткени аныкталган. Жоголгон миллиондорду ким кымырып алганын сурай келгенде баары сүттөн ак болуп чыгууда. Алгач “Темир-Канат” ишканасынын башчысы Эркинбек Мергенбаев “Коргоо кеӊешинин мүчөсү, Президенттик аппаратта иштеген аты белгилүү эле адам мени акча уурдаган деп күнөөлөп, түрмөгө отургузуу менен опузалап жатат” деп чыкты. Ал эми Улуттук спорттун түрлөрүн өнүктүрүү борборунун мурунку башчысы Алмаз Касенов Эркинбек Мергенбаев айткан адам Президенттик аппараттын эл аралык иштери боюнча бөлүм башчысы Сапар Исаков экендигин жар салды.
Эл аралык деӊгээлдеги иш-чара үчүн олчойгон акча бөлүнсө, анын 11 миллиондон ашуун бөлүгү дайынсыз жоголуп кеткен болсо, ошол кыӊыр ишке көӊүл бөлүп, мамлекеттин акчасы кайда кеткенин териштирип жаткан адамды “опузалоочу” катары караш керекпи? Мергенбаев менен Касенов мындай сөздөрү менен көпчүлүктү таӊ калтырып турган чагы.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (13)

Akshumkar

2014-12-15 09:53:59

Деги ушу жегичтер акчадан олгону калганбы оздору деле жакшы билет коррупция менен курошуп жатканда жок дегенде сезип койсо эмне болот тууй болбой кадыпсынар аман эле болгула 11 миллион бир жеринерди тешип кеткен жокпу

Deesmond

2014-12-15 10:41:16

Akshumkar,
Акыры тешет, жогоруку макалада бироону тешиптир гоо

Multicam

2014-12-16 22:38:23

Deesmond,
ким алганын тапса , анда аны да 12 жылга камап салсын.

suiuktuujar

2014-12-15 10:01:59

ай баракелде жегиле жарылганча жеп .... кеткиле.

_KipchaK_

2014-12-15 10:48:54

Тешип чыгат бир жеринерден.

ALIK-BRO

2014-12-16 00:45:21

Кой антпегиле Аш болсун. Тойлорго насип этсин. Жакшылыктарга колдонгула. Аз еле акча екен гооо еч нерсе болбооойт ойлоно бербегиле.

Gulnara1986

2014-12-16 02:04:21

кандай коркпогон адамдар ишенип иш айтканданкийин жеп жутпай аткаргыла кылар ишти кылып коюп аппак болуп албай.

bayas.07

2014-12-16 11:56:15

Жемейдин кусмайы бар, эми 2 эсе кусушатко чиркин.

raxelya

2014-12-16 14:57:31

Миллиондорду кудайым керек болсо миллиард кылып толтуруп берет кыргызыма,карганганда согунгондо эмне пайда ,зыяны болсо только нерв коройт.

Aksy-13

2014-12-17 16:30:56

туура айтасын

kadam

2014-12-18 12:03:47

Мен Эркин Мергенбаевге 100% ишенем.Жакшы тарбиялуу аскер кызматкер үй-бүлөдө өскөн.Чындыкты бетке айткан жигит.Аны чиновниктер,сен иштерди бүтүрө бер,кийин эсептешебиз деп, патриот болуш керек, кыргыз үчүн күйүш керек, азыр акча эсепке түшө элек деген таттуу сөздөрү м-н алдап кетишкен.

kadam

2014-12-18 12:08:13

Эркиндин жеңип чыгаарына бекем ишенич бар.Бийликти жамандагандан алысмын бирок, бир карын майды бир кумалак чиритет болуп бийлик төбөлдөрүнүн ушундай жосунсуз жоруктары аябай кейитип ишенимге доо кетирип коёт.

demo009

2014-12-19 03:00:33

кудай сакта,ошончо чоон сумманы кантип жеди экен ээ.

Комментарий калтыруу үчүн өз ысымыңыз менен кириңиз же каттоодон өтүңүз.

№ 632, 12-декабрь-18-декабрь, 2014-ж